[مدام_سمسمة]

السلام عليكم

صباح الخير

يا جماعة

قاهرى

اسكندراني

دمياطى

شرقاوى


اااااااااى محافظة حتى لو بورسعيد

كلنا تحت مسمى مصررررررين بجد؟؟

صدقونى والكلام دة الى كل اخت هنا شالت جواها من اي بورسعيدي

انتوا متتصورش الحالة اللي انا وجوزى فيها هنا بالكويت عشان احنا بورسعيدية وكم التليفونات اللى جت لجوزى والكلام اللى بيتقاله وحرق الدم

طيب احنا ذنبنا ايه

ذنب اي واحد بورسعيدى محترم اية؟؟

هل كل الناس وحشه

هل كل البورسعيدية خونه؟؟

انا يقينى بالله ان اللى عمل كدة لالالالالالالالالالالالايمكن يكون بورسعيدي

ولو حتى كان فأنا بعلن غضبي وثورتى عليه على اللى عمله دة

لان دة ولا دين ولا اخلاق

احنا بجد اسرتى واصحابي وعائلتى فى اشد الاسف للضحايا واللى حصلهم

وبعلن من هنا وبالنيابة عن اى بورسعيدي\بورسعيديه هنا اسفنا الشديد لما حصل

وبكفايا شتايم واهانة فينا على الفيس

اقسم بالله لو تشوفوا كمية اسوء واسفل الشتايم؟؟؟

وانا حاسة بكل واحدة هنا

اخوها

زوجها


قريبها حصلة اى شئ

لذلك مش هزعل من اى رد ولا اى كلام وهيكون صدري رحب لاي حاجة

بس مش هقول غير حسبي الله ونعم الوكيل فالي عاااااايز يضيع وينهي ويدمر شباب مصر

وبكرة اللى حصل للنادى المصري يحصل مع اى نادي ويوقعوا اكتر بين الشباب

ربنا ينتقم منهم يااااارب
-----

فيديو رد فعل البورسعيدية على اللي حصل ووقوفهم طابور قدام بنك الدم ودعوتهم للتظاهر امام مديرية الامن قبل ما يتنقل

اذا لم يعمل المقطع فاضغطي هنا

[أم الجواهر]

ماحدش يا حبيبتى خون فى البورسعيدية
ولا قال عليهم نص كلمة
أحنا خلاص كبرنا وفهمنا مين اللى عايز يوقعنا فى بعض
ربنا يرحم مصر ويرحم اللى ماتوا ويصبر أهاليهم
يسقط يسقط حكم العسكر

[tota said]

بور سعيد مش ليها زنب
يا قمر
واحنا يا قمر فى الاصل كلنا مصريين

[مدام_سمسمة]

ماحدش يا حبيبتى خون فى البورسعيدية
ولا قال عليهم نص كلمة
أحنا خلاص كبرنا وفهمنا مين اللى عايز يوقعنا فى بعض
ربنا يرحم مصر ويرحم اللى ماتوا ويصبر أهاليهم
يسقط يسقط حكم العسكر

اللهم امين
واشكرك جدا

[alexyounglady]

اللي عمل كده ولا بورسعيدي ولا مصري ربنا ينتقم من كل ايد ضربت او قتلت او خططت
حسبي الله ونعم الوكيل يارب انتقم من كل واحد كان السبب
اللي حصل دا واضح اوي حصل ليه وحصل من مين
حسبي الله ونعم الوكيل

[بصرة]

معلش ياحبيبتى هى وقت المصيبه السيئه بتعم
والحسنه بتخص

ولا يهمك بكرة الكل يرجع لرشدة ونعرف مين السبب ورا كل دا

[مصرية قوووى]

اللى موتوا الناس دى هما السبب اللى مدوا ايدهم عليهم بس غير كدة ماحدش ليه ذنب

[اتيليه نورى]

ياحبيبتى بورسعيد واهلها فوق راسنا
الاهانه للمخربين من بورسعيد القاهره اسكندريه
كل مكان فيه حلو ووحش
متزعليش

[مدام_سمسمة]

بور سعيد مش ليها زنب
يا قمر
واحنا يا قمر فى الاصل كلنا مصريين

الله ينور عليكي

[ام سيف وجني]

والله يابنتي كل المصريين في الخارج حالتهم لايرثي لها انا وجوزي جالنا انهيار عصبي