[د/فيدو ديدو]

بسم الله الرحمن الرحيم
انا متغااااااااااااظة
لاني بعد ما عملت الموضوع
وتعبت قووووووي
اتمسح كله

بجد قيمووووووووووووووو
وقولولي رايكم
والله العظيم تعبت

انا هشحت كمان شوية
ههههه

عموما انا عملت امبارح عيد ميلاد جوجو بنتي
بنية تجمع الاقارب والاهل
وطبعا الهدايا ههههههههه
ودى اول هدية جت لنا
وبهديها للي هتقيم وترد كمان



انا عملت عيد ميلاد كبير
وعيد ميلاد صغير

الكبير طبعا في بيتي
والصغير عند مما لانها بعيد عني

هنزلكم الكبير الاول
عشان افتح نفسكم للتقييم








طريقة الكيك الطريقة:
بتضربي 3 بيضات بالمضرب السلك وبعدها
بتحطي 3 معالق زبدة سايحين ويدوبو بالمضرب وبعدين تحطي
نص كوباية لبن كبيرة
وبعدها تحطي المسحوق الجاهز حبة حبة وتقلبي
بس كده
وتحطيها في الميكروويف
لمدة 10 دقايق
ولما تطلع
بتسيبيها تبرد وبعدين تقطعيها تلات طرنشات
بين كل طبقة والتانية
بتحشي كريمة
وممكن فواكه زي الفراولة
وبعدين بتزينيها زي ما انتي عايزة



ناخدهم واحدة واحدة
دى تورتة الفندان













تورتة الفندان انا لونت العجينة البيضا
بالوان صناعية
يادوب بحط نقطتين بس
واعجن العجينة
وكل ما تسيبيها شوية
اللون بيزيد معاكي وبيظهر اكتر




ودى تورتة العروسة:








تورتة العروسة بقى
بعد ما طيبت الكيكة
في طبق بايركس
شبه فستان العروسة بس مقلوب

قطعت بقعر الكوباية 3 فتحات
غلفت العروسة بالبلاستيك
وحطيتها في الفتحة وزينتها زي ما انتم شايفين

ودى تورتة البلاك فورست:








تورتة البلاك فورست
حشيتها كريمة وهي كيكة شيكولاتة
وبتصبي من بره
صوص شيكولاتة(جاهز يادوب بضيف له
نص كوب لبن ومعلقة صغيرة سمنة)
وبجط كريز فوق
زي الصور


يتبع

[د/فيدو ديدو]

http://files2.fatakat.com/2012/2/13288724243019.jpg







تورتة ميكي
عملت تورتة مدورة وبعدين
قطعت الوش وبالباقي عملت الودان
وطبعا لزقتهم جنب بعض
بالكريمة
ولما صبيت الصوص
غطا عليهم وظهرو كانهم ملزوقين في بعض


وكمان دى:





وعملنا ميني بيتزاااا والله يا بنات كانت تجنن
كنت عملاها من بتاعت ماي واي
بس عملت 3 علب
وعملو 25قطعة
والله اللي تمسكها كانت تحسبها عجينة
من كتر ما هي طرية
ولما تاكليها تلاقيها مفرغة وهشة جدااااااا



البيتزا طريقتها
بحط المسحوق الجاهز في طبق بلاستيك
وحطيت كوباية لبن دافي وفيها كيس الخميرة
يخمرو شوية وانا مغطياهم 10
وحطيت 3 معالق زيت عالمسحوق
وعجنت كويس قوووووووووي
وغطيتها وسبتها تخمر ساعتين بصراحة
وبعدين فردتها وقطعتها قطع وسبتها
تخمر كمان نص ساعة
وبعدين حطيت عالوش صلصة وجبنة بريزيدون
وفلفل اخضر وزيتون وطماطم شرايح
وزعتر تحففففففففففة

وطيبتها على حرارة 200 لمدة تلت ساعة
وبالهنا والشفا



وعملت كمان تشيز كيك كان جميل قوي
المقدار الواحد:
3علب زبادي و4 جبنة نستون
و2كيس لبن نيدو صغير
وكوب الا ربع سكر وشوية لبن سايل

وكله في الخلاط

الاول طبعا هتفرمي البسكوت السادة(6اكياس من اللي بنص ج)
ومع معلقتين او تلاتة زبدة سايحة
وتظبطيهم في الصينية
وتحطيها تحت الشواية 5دقايق

وبعدين تحطي الخليط اللي في الخلاط
فوق البسكوت وتحت الشواية 10 دقايق
وبعدها تحطي صوص الشيكولاتة عليه
وبعدين تحطيها في التلاجة 3ساعات

وعمت جوجو جابت كيكة شيكولاتة بالصوص
وكمان طبق(كاستر وفيه قطع بسكوت وعليه الجيلي)

يتبع

[د/فيدو ديدو]

دى بقى عيد الميلاد الصغير







انا كده نزلت معظم الصور

وبجد والله عندي ضيوف ومستنين يشوفو ردودكم

تصدقو بالله انا عمر ابني اللي عنده
4سنين كل ما نعمل حاجة حلوة
يقولي ماما اجيبلك الموبايل تصوري
عشان توري اصاحبك

فيالا شجعوني بردودكم
وجزاكم الله خير

[الواثقةبالله]

ماشاء الله
كل الموجود جمييييل وراااااائع
تسلم ايديك حبيبتي
وكل سنة وبنوتك طيييبة
وعقبال 100 سنة ان شاء الله
وتم التقيييييم ممتاااااااااااااااااااااااااز

[*rose*]

كل سنة و جوجو طيبة

عقبال ما تجهزيها و تصوريلنا جهازها ان شاء الله

و تسلم ايديكى على التورت الحلوة دى

و خصوصا التورتة الملونة عسولة اوى

[عابدة الرحمن 2006]

كل سنة وهى طيبة وبالف صحة وسلامة
وتفرحى بها دايما يارب

[فتكوتة_توتة_توتة]

عقبال 100 سنة ان شاء الله

[magawish77]

عقبال مليووووووووووووووووون سنة ممتاز

[روين2010]

واوووووووو حلوين اووي ياجميل
كل سنه وانتو طيبين
وعقبال ماتعملي حفله فرحها يارب
تسلم ايدك
بس قوليلي انتي الي عامله ده؟

[رانيا محمد84]

كل سنة وهى طيبة وعقبال 100000000000000000 سنة