[temoon.pompa]

السلام عليكم ورحمة الله وبركاته
احب اقولكم بكل بساطه ياجماعه ان مفيش حاجه اسمها حب خلاص
انا كنت مخطوبه وكان خطيبى كل حاجه ليا وكان دايما بيحسسنى انه استحاله هيقدر يبعد عنى فيوم من الايام كان بيقولى بالنص(انا ابعد عنك فحاله واحده بس انى اموت) المهم ان حصلت مشاااااااكل كتير وهو مقدرش يعمل حاجه عشانى حتى محاولش انه يصلح المواقف عشان الموضوع يمشى
كان عندى امل انه يتمسك بيا لاخر لحظه ويحاول انه يحل المشاكل ده لو كان بيحبنى زى ماكان بيقول
بس للاسف اتصدمت فيه صدمه كبيره اوى لقيته اتخلى عنى بمنتهى البساطه عادى وانا دلؤاتى مشكلتى الكبيره انى مصدومه فيه ومكسوره من جوايا ومش قادره انساه اعمل ايه عشان انساه اعمل ايه لوسمحتوا حد يرد عليا

من فضلكم يا جماعه ممكن اطلب طلب ياريت اللى يقرأ الموضوع ده وقبل ما يرد عليه يدخل على الرابط ده الاول عشان ده يخص الموضوع وفيه تصحيح للموضوع
ياريت تدخلوا عليه الاول ..
ولكم منى جزيل الشكر جزاكم الله خير الجزاء

http://forums.fatakat.com/thread42308

[ريتا ميشيل]

عزيزتى انسى الى نساكى ومتبكيش على شئ ضاع

اكيد مكنش حبه صادق لك ممكن تكون عاطفه شديده شويه لكن مش حب

متياسيش وبكره تقابلى الى يحبك بجد

[dodo246]

يابنتى الحمد لله انه ان ده حصل فى الاول و قبل الجواز نفرض انكم اتجوزتوا و حصل اى موقف لا قدر الله و راح الاستاذ اتخلا عنك و سابك لان شكله اهو مش من النوع اللى يصمد فى المواقف

يبقى نبص دايما للجانب الايجابى و نقول الحمد لله انه بان على حقيقته من الاول
و صوابعك مش زى بعضها بكرة ربنا يرزقك بالانسان اللى يسعدك الدنيا ماوقفتش عند خطيبك السابق
تفائلى و عيشى حياتك و اشغلى نفسك باى حاجة
و صدقينى هتنسى و تضحكى بعد كده و تقولى لنفسك انا كنت ازاى بحبه
و ربنا يوفقك

[هلووو]

السلام عليكم ورحمة الله وبركاته
تحية طيبة
للاخت تيمون وبنمبة
والله صادقة ماعد في حب يمكن اتاخرة في الرد علي الموضوع
عشان ااكد امعلومه تزوجة مرتين علي اساس حب ولكن للاسف
كلهم كانو يريدون فقط متعه واما الثاني كبري
عشان حبيبته مارضيو يزوجوها ليه اهلها ففتح بيت عشان كل متوحشه
يجيبها لكن الله سبحانه بدل كربتي وسمعت انو فصل من العمل ورجع لاحالة الطياع
اللهم لاشماته ولكن (عسائ ان تحبو شي وهوشرا لكم وعسئ ان تكرهو شي وهو خيرا لكم)كنت ابغي اخرب بيتو لكن حكم الله كان اقوي
جردهم من كل متع الحياة(اختي المشرفه شاكره علي حسن احترامك لشعور الغير ولكن كنت باشارك الاغظاء في حل مثل امور الاغتصاب التي هيا شايعة في حياتنا
ولم اقصد الاسئ وجزاكي الله عني وعن اجميع الف خير ووفقك لما هو خير

اختك أم جميل

[temoon.pompa]

مش عارفه اقولكوا ايه يا جماعه بس بجد انا متشكره اوى لمشاعركم النبيله دى وتعاطفكوا معايا
انشاء الله هحاول انسا بس المشكله ان النسيان مش سهل ومبيجيش بسرعه ادعولى انساه بسرعه

[elbatool5]

والله يا تيمون مش عارفه اقولك ايه
بس واحد عنده نفس المشكله ان خطيبته بتحبه جدا جدا لدرجة انها مش عامله كرامه بينه وبينها خالص واهلها هما اللى اصروا على كتب الكتاب والمشكله ان هو مش قادر يحبها اوى زى ما بتحبه وحاسس انه هيظلمها وهو برضه مش مبين لها كده يعنى بيجاريها ومحسسها انه بيحبها اكتر منها وحاليا فى خلاف بين العلتين فى تجهيزات الفرح وهى غلطة فى حق والده وهو منتهزها فرصه عشان يفركش الموضوع
انا عارفه ان هو غلطان بس ممكن يكون خطيبك زى الشخص ده من النوع اللى بيبالغ فى كلامه ومشاعره مع انه ممكن يكون مش بيحب اللى قدامه
ما تندميش على انك حبيتى لان الاحساس بالحب نفسه شىء جميل وما تندميش عليه لان اكيد ربنا رايد ليكى الاحسن ومتضيقيش الدنيا فى وشك اكيد اللى هيستاهلك ربنا هيبعته ليكى وادعى ربنا دايما انه يعوضك خير عنه

[الزوجة الاولى]

حبيبتى تيمون انتى تحمدى ربنا انه ظهر على حقيقته قبل الجواز
لانه مش هيقدر المسؤليه ومش هيعرف يواجهه وانتى الا كنتى هتتعبى معاه
وانتى عندك حق مفيش حاجه اسمها حب فى الزمن ده وان شاء الله ربنا هيعوضك بالخير والا يستهلك ويقدرك

[نوران الاسمر]

مش عارفة ليه حاسة انه هيرجع
اقولك سيبيها علي الله هو كفيل بيها
بس ان شاء الله خير
اكيد في شئ قوووي منعه من انه يدافع عنك واتمني ان كل شئ يرجع زي الاول

المهم ارمي حمولك علي الله وكل شئ هيبقي تمام التمام
وبقي طمنينا

[temoon.pompa]

هو ممكن يكون فعلا كده بيبالغ فى كلامه ويحسسك بحاجه وفى الاخر تلاقى حاجه تانيه خالص بس المشكله ياجماعه هنا انى اتعقدت وحاسه انى مش هلاقى حب تانى اصلا لانى اتصدمت وحاسه انى كمان مش هصدق اى حد بعد كده

[temoon.pompa]

متشكره اوى يا نوران الاسمر ................ شكرا ليكوا كلكوا على كلامكوا الجميل ليا وانا فعلا سايبها لله هو اللى عالم بحالى وربنا يقوينى على احتمال الموقف واعديه على خير
انشاء الله ادعولى بس يا اخواتى

[نوران الاسمر]

ربنا معاكي يا تيمون وبقي طمنينا
موضوعك جميل ورقيق بس مفيش شئ يستحق منا التعقيد او الانكسار كوني
دايما قوية ولا يهزك ريح ابدا ربنا يريح ويطمن قلبك

[temoon.pompa]

انتى والله اللى جميله ورقيقه وشكرا انك مهتمه بيا وعايزه تطمنى عليا انا حبيتك بجد انتى وكل اخواتى اللى ردوا عليا ربنا يخليكوا ليا يارب

[Marwa Esmael]

بكره ان شاء الله لما تقبلي ابن الحلال اللي يستهلك ويسعدك هتحمدي ربنا انه خلصك من النسان السلبي ده والحمد لله ان ظهر علي حقيقته قبل الزواج لان اسوء حاجه الزوج السلبي كان هيخلي حياتك جحيم اصبري وادعي ربنا يعوضك بالاحسن

[رانيا الدلوعه]

السلام عليكم ورحمة الله وبركاتة

بصي اختي الغليا حكايتيك دي زي حكايتي بلضبط

كان برضه بيقولي اني كل حاجه في حياته وني لو بعدت عنه حيموت من بعدي

ومعي اول مطب وقع فيه بعني مقابل الفلوس لان والدو قلو لو ما سبتهاش ححرمك من الشقة والعربية والفلوس الي في البنك

بس خطيبي كان عملي اكتر وفكر في الماده وبعني وانا بعده كنت في حاله

صدقيني لو قلتيليك اني حاسه بيكي لاني مريت بأيام كان ممكن اكتأبي يوصلني للأنتحار بس تفاجئت بعد اشهور قليله انو خطب

عارفه وقتها حسيت انب ولا كنت بحبه وانو ما يستاهلش

وفعلا اعتبرت انو ماااااااااااات

ونسيت اني في يوم حبيته لان حرام عليكي تحبي واحد وتتعزبي عشان واحد ما حبيكيش وانو انسان ضعيف قدام اهلو

ده ما كنش حيقدر يحميكي في يوم من الايام وانتي مراته وكان حيبقي شخصيه ضعيفه جدا

وعرفه خطيبي بعد ما سبني وخطب غيري

مقدرش يحبها وسبها لأنو كان بيقارن بين معملتها ليه وبين معملتي كان بيلاقي فرق كبير واني انا احسن منها

ساب خطبتو بعد ما بعد عني 4 سنين

وعرفه جالي تاني واتمني اني اسمحو وارجعلو حتي اهلو قالولو ان رانيا احسن وحده عرفناها وان قيمتها ما عرفنهاش الي بعد ما انت سبت خطيبتك التانيا دي

تفتكري انا عملت ايه ؟؟؟؟؟؟؟؟؟؟؟؟؟؟؟؟؟؟؟

رفضت اصلا اني اسمعلهم لان كرامتي وكرامت اهلي عندي با الدنيا

وصدقيني يا قمر بكره والله حتنسيه وحتديقي كل ما تفتكري انيك كنتي مخطوبه للشخص ده
وربنا معاكي اليومين دول لان الصدمه لسه في اولها بس اكيد ربنا حيعوضيك با الي احسن منه

[راجية الجنه]

متشكره يامروه لمشاركت اما انتى باه يارانيا عايزه اقولك انى فعلا لسه فأول الصدمه عشان كده الموضع صعب اوى واليومين دول حاسه انهم سنين ربنا يقوينى المهم انتى عامله ايه دلؤاتى وقابلتى الانسان اللى يستهالك ولا لسه وعالعموم ربنا يكرمك انشاء الله يارونى ممكن نكون اصحاب ايه رايك

[راجية الجنه]

على فكرة انا تيمون مش راجية الجنه اصل احنا الاتنين اخوات

[mahou]

سيبك منه ... بكرة ربنا يعوضك بأحسن منه ...
فى الأول والأخر هو الخسران ... مش كده ؟؟
جمدى قلبك ...وانسسسى ...
وطمنينا عليكى دايما ...

[2nashwa]

حبيبتى اوعى تنصدمى فى راجل لان كلهم كده هى دى حقيقتهم بلاش تزعلى نفسك انسيه وبشرى حياتك عادى جدا وان شاء الله ربنا هيديكى الى احسن منه وربنا مبيعملش حاجه وحشه

[heba saad]

تيمون اختى العزيزة
مافيش حاجة تستاهل التعقيد يا حبيبتى
هو في الاول وفي الاخر نصيب ولو في نصيب هيرجع وتكملة
انسي اللى نسيكى وبيعى اللى باعك كلنا بنمر بمواقف جرحة بس والله بتتنسي
دة اذا كنتى عاوزة تنسيها الرق عليكى انتى من جواكى
ولو عوزة تنسية ابعدى عن اي حاجة تفكرك بية
وابدائى حياتك من جديد
واعتبرى ارطباتك بية صفحة وانقطعت
وما تفقديش الثقة في نفسك ولا في اي حد هاترطبتى بية بعد كدة
عشان ماتتعبيش
والله الحب موجود بس احنا كدة البنات بيحبة بكل جوارحهم ومن كل قلبهم
والرجالة معظم 80% من كلم الحب بتعهم بيبقا في الهوة وبيكون كدب
يعنى هى دى الطبيعة
بس مش كلهم طبعا
ربنايرزقك بالزوج الصالح
ويكون جدير بيكى ويحبك
وبلاش بقا تعقيد يابت
ههههههههههههههههههههههه
بحبك في الله

[temoon.pompa]

شكرا ليكوا كلكوا ياجماعه انتوا بجد نعم الاخوات ربنا يخليكوا ليا يارب ونبقا اصحاب دايما