[العزة لله وحده]

مرحبا يا فتوكات
قلت استشيركم في مشكلتي العويصة
انا بغسل في غسالتين فل اوتوماتيك ورغوجية بيبي لهدوم اولادي الصغيرين المهم اني بحط معطر غسيل لينور او كمفورت للهدوم وبنشر في البلكونة بتعاتي وهيه شمالية والهوا بيطير ومع ذلك لما بشم ريحة الغيل بعد ما المه عن الحبل الاقي ريحته زنخة زي ريحة البيض او الفراخ حاجة تجنن ياجدع ؟؟؟؟؟انا بستعمل مسحوق بونكس واوكسي والهدوم بتكون نضيفة جدا من البقع لكن الريحة مش تمام اعمل ايه ؟؟؟؟؟

[Nonnos_2008]

شوفي الهوا اللي بيبقي جاي للهدوم ممكن يكون معدي علي مكان ريحته مش كويسه او يكون فيه عشة فراخ مثلا

[بسبوسه مامة عموره]

اما الغسيل يبقى كده يبقى محتاج يتحخط فالشمس شويه خليه على الحبل حتى لو حسيتي انه ناشف برده سبيه على الحبل
اما الشمس تطلع عليه هتلاقي الريحه دي راحت

[اوفا100]

العنوان يموت م الضحك هههههههههههههههههههههههههههههههههه

حبيبتي استعملي مسحوق برسيل ومعطر داوني الازرق

[ندى نونا]

بصى متخليش الغسيل يتوسخ اوى ومتستنيش يكون الغسيل كتير اوى عشان تغسلى كل يوم لو لقيتى هدوم اغسلى او يوم اه ويوم لا
انشرى فى الهدوم وخليهم يجى عليهم الشمس ومتلميش الغسيل غير لو اتاكدتى انه نشف لانه لو مندى هتلاقى ريحتة وحشة

[دوجي دوجي]

ياه نفس مشكلتي وكنت بستعمل داوني وكمفورت مع برسيل لما كرهت نفسي بس انا بلكونتي مفيهاش شمس يمكن ده السبب... يارب حد يفيدنا

[الحلوة لوزة]

انا مش عارفة
انتي لو عندك شمس طلعي هدومك ليها
ولو حتي ع السطح

كمان انا بعمل زيك
بغسل في اوتوماتيك وبحط كامفيرت او دوني وبغسل بأريال
بس الغسيل ريحتة حلوة

انتي بتحطي الهدوم الداخليية مع الهدوم العادية ممكن ؟؟؟؟؟

[قمر قمورة]

حطى داونى

[لولو المستعينة بالله]

بصي يا قمر لو هدوم بيبهات وفيها ترجيع او بيبي لازم تشطفيها بالمايه قبل ما تغسليها يعني انقعيهم من بالليل واهم حاجة تشطفي الهدوم كويس ده للاطفال لكن الاتوماتيك مستغربة الريحة جاية منين

[الثقة في الاخر قوة]

بصي انا جايبه معطر للهدوم حطاه في الدولاب عباره عن حبيبات في حامل جميل ورحته روعه تقريبا اسمه جولد مخليه هدومى رحتها حلوه علي طول