[اسكندرانى]

انا عاوزه كل واحده تقول طريقة لبسها
أنا مثلا كنت بلبس بناطيل ، تونيكات ، جيبات ، واسع احيانا ، ضيق احيانا،.....
بس دلؤتى الحمد لله لبست الاسدال وفرحانه اوى انى قدرت ابعد عن ذنب الهدوم الضيقه
وحاسه انى واثقه فى نفسى لانى متأكده ان اى حد هيبصلى لايمكن يشوف اللى مش من حقه انه يشوفه
وعندى ظب حسن بالله ان اللى عند الله افضل واكتر
وان شاء الله البس كل اللى اتمناه واللى عمرى ماتخيلته فى الجنه......... يارب اكرمنى بالجنه انا وكل البنات والموحدين بك يا الله
انتى بقا بتلبسى ايه؟
جاوبينى بصراحه وقوليلنا وجهة نظرك

[اسكندرانى]

وعندى ظن حسن بالله

[أمولة]

انا الحمد الله بلبس العبايه او الجلباب والحمد الله دائما بحرص على انوا يكون واسع ومو مخصر --------

[اسكندرانى]

الحمد لله وربنا يتقبل منى ومنك يا أموله

[prettyangel]

جزاكي الله كل الخير
انا بقى بلبس عبايات
بس نفسي اوي ربنا يكرمني والبس النقاب
وبفكر فيه جدا
وعايزة حد يشجعني
ممكن؟؟؟

[حورية الجنة]

سلام عليكم ورحمة الله وبركاتة
بدات البس عباءة بس كنت بلبس برده عادى بناطيل وجيبات ولبس عادى كويس مش ضيق اوى بس كان شكلة حلو وبيخلينى احلى واصغر سنا بس بجد بضايق اوى ونفسي التزم علشان عارفة ان ده اللبس الشرعي وبتمنى البس نقاب بس المشكلة مش عارفه النفس ولا الشيطان وكمان الاصحاب حتى على العباية فى اللى بيقول انها بتكبر وكلام من ده مش يشجع بس الحمد لله انا بعمل لله واوامره وربنا يهدينا جميعا ويقوينا انا بجد محتاجة اتقرب اكتر واكتر من ربنا وياريت نشجع بعض .

[nana_ay]

السلام عليكم موضوعك يا اسكندرانى جميل انا البس عبايات وفى بعض الاوقات تونيكات وما اجمله النقاب لكن عايزقرار وهمة عالية ربنا يرزقنا جميعا اياه

[hana]

انا بلبس يا حبيبة قلبى النقاب
ومشكووووووورة على موضوعك

[ام مهند]

انا بقا بلبس عبايات واغلب لبسي واسع بس في البيت بلبس كل حاجه
قصدي كنت بلبس كل حاجه ممكن تتخيليها (بناطيل وشورتات وجيبات بس في البيت بس)ده كان قبل مايوصل وزني 100ك دلوقتي بلبس جلابيات واسعه موووت يعني بقول بلاش اعقد نفسي لحد مااخس تاني هههههه ههههههههه
وطبعا طرحي كلها طويله وزوجي طلب مني لبس النقاب وربنا يرزقنا اياه باذن الله

[2nashwa]

انا بلبس تونيكات وبلوزات وسعه وبتطلونات وسعه يعنى الحمد لله بحاول يكون لبسى فضفاض دائما لانى لازم اكون قدوه حسنه لبناتى واكون صوره حسنه لدينى

[reda mohamed]

لما بروح الشغل بلبس تونيك أو تايير
وفى المشاوير بلبس عبايات .... بس كله واسع مافيش حاجة ضيقة

[نسرين عيد]

انا والحمد لله بلبس العبايات و الجلابيب
بس سؤال لحبايبنا المصريين يعني ايه
تونيكات؟ وشكرا

[katkootaya]

انا بقه !!!!! بلبس بنطلونات و شيفونات و حاجات كده

كل ما البس عبايات الشيطان يلعب بعقلي و يقولي يا بت انت لسه صغيره عيشي حياتك

ربنا يهديني يارب نفسي حد يشجعني !!

اما عن التونيكات فهي عباره عن بلوزه طويله لحد بعد الركبه و تحتها بنطلون
او فستان طويل مفتوح الجنبين و تحتيه بنطلون برضه

بس انا مش بحبه اصلا بحس شكلي زي الباكستانين هههههههههههههه

[مروشكا]

أنا بلبس جلباب فضفاض وعريض وشرعي و بحط نقاب والحمد لله
وبالبيت بلبس كل شي
بس أكيد قميص النوم مريح أكترشي
ولو يا أم مهند عن جد صار وزنك 100
والله تفاجأت ممكن أسأل كم طولك ؟؟؟؟؟؟؟؟؟

[نادو]

بصى ياقمر انا بلبس ولا كنت بلبس اللبس العادى البنطلون والتونيكات وبعدين لبست الملحفة فترة كدة وبعدين لبست عبايات السعودى والجينز وما زلت ببدل فيهم هما واللبس العادى رجعت تانى للجيبات الجينز والتونيكات بردو بس ربنا يهدينى والبس النقاب ادعولى البسووو عن قريب انشاء الله
وميرسى ياحبيبة قلبى على موضوعك اللذيذ

[gannat mam]

انا بلبس عبايات (واسعه)وبعدين ربنا اكرمنى وبقيت بلبس النقاب من 7 سنين ,لكن من 5 شهور جيت البحرين والشيطان بيلعب بيا عشان اقلع النقاب لكن بحاول اثبت, ادعولى بالثبات

[نادو]

ربنا يثبتك ياحبيبتى يااااااااااارب ومش تقلعية ويهدينى والبسووووووووووو انا كماااااااان

[dall3 ya dall3]

انا عادى بلبس بناطيل وجيبات وكدة بس براعى ربنا والله يعنى مش بناطيل على بلوزات قصيرة وكدة لا والله وحجابى حلو ومش بطلع شعرة منه والكلام ده

[اسكندرانى]

شكرا لردودكو انا مبسوطه ان الموضوع عجبكم
أنا عندى 23 سنه ودايما الشيطان يقولى انتى لسه صغيره ليه حرمتى نفسك من الالوان والهدوم الجميله دى
وبيوسوسلى كتير ويقولى انى مش شيك وشكلى كبيره فى السن
بس اللة شجعنى اكتب الموضوع ده انى رحت محاضره دينيه هنا فى الكويت وسألت الشيخه على موضوعى وقولتلها :
أنا مش عاوزه اقلع الاسدال بس
عاوزه أتمسك بيه ومتغاظش
لما اشوف الهدوم التانيه
قالتلى :
افتكرى الجنه اللى هتلبسى فيها كل اللى تحبيه
والصحبه الصالحه هى اللى هتشجعك
وانتى هتستفادى ايه لو لبستى اللبس ده للناس !
اشترى كل حاجه والبسى كل حاجه لجوزك ومحارمك
مع الحذر بردو لاننا بنسمع بلاوى اليومين دول من المحارم
المهم انا اعرف ان الدعاء ان شاء الله مستجاب واللى يدعى لحد ربنا بيقوله ولك مثله فياريت كلنا ندعى لبعض بالهدايه ونبص دايما للجنه

تخيلى كده ان عندك فرح معزومه فيه
شوفى كده بتستعدى له من امتى
وبتحضرى لبسك ومكياجك وتسريحة شعرك و....و....
مابالك بقا لو انتى راحه الجنه هتستعديلها ازاى؟؟؟؟؟

[emyaly]

انا يا ستى بلبس عبايات بس مش راضيه عنها اوى لانها يعنى مش واسعه اوى ربنا يهدينى والبس الاوسع كمان ومن بعدها النقاب انشاءالله