[جين صبرى]

أهلا أهلا .. صباح الخير

لا تنسى أبتدى يومك بشرب العسل عالريق ... يلا عالحمام أعزك الله
هاتى من عند العطار 2 صابونة الغار أو أى صابونه بزيت الغار واحده خليها بعدين حقولك حنعمل بيها أيه
التانيه خليها لشعرك أغسلى بيها شعرك ووجهك بصابونه مخصوص أنا أستعمل مرام حلوه خالص من عند العطار وبعدين ألبسى بونيه حمام وكملى باقى حمامك بشاور تكونى بتحبيه والمنطقه الحساسه ياريت تستعملى سيتيال وبلاش تجيبى عليها صابون خالص

المنطقه الحساسه... أنا ضد أزالة الشعر من المنطقه دى بالذات قبل الفرح بيومين مثلا لأ بالعكس أبتدى من دلوقتى عشان ماتتفاجئيش بالألتهابات والحبوب وتبقى مشكله مش ظريفه
أتفضلى خلصى المهمه الصعبه وبعدين تعالى... ها مبروك صحيح أخدتى يومين وأكتر بس مش مهم
يانهااااار أسمرار شديد دالألتهابات أرحم حلها زيت لوز أو بودرة تلك وخلاص

ياستى الأسمرار كمان محلوله قبل ما تنامى أدهنى ماسك البيتادين رائع حتلاقيه فى موضوعى السابق ولما تصحى أشطفيه بستيال وبعدين أدهنى الوصفه دى
المكونات---
نصف كوب زيت زيتون أو ذره - عصير ليمونه كامله - 2 ملعقة ماء ورد
ورجيهم كويس وحطيهم بزجاجه وأدهنى منها المنطقه الحساسه حتى وأنتى خارجه وماتتنازليش عن الشورت أنا حذرتك

ركب وأكواع عاااااااااااااااااار
مش مهم ... نفس الخلطه بتاعة المنطقه الحساسه حطى منها على الركب والأكواع بس الأول أدعكى المكان بليمونه مغموسه بملح وبعدين أدهنى مرتين باليوم
والله خلال شهر جسمك حيكون لون واحد بما فيهم اللى بالى بالك
وتحفظ التركيبه بالثلاجه ... أنتى أعملى رف مخصوص عشانك وريحى نفسك
ومش محتاجه أفكرك كل شويه أى حاجه حكتبها حتكون متجربه تجربه شخصيه

سلالالالالالالام حفطر البناااات ورجعالكم أن شاء الله

[قوه الامل]

حلو قوي
أنا في الانتظار

[جين صبرى]

شكرا حبيبة قلبى

[nehad]

ما شاء الله عليكي
بس الزيت صعب قوي في الحر

[جين صبرى]

لا والله يا نهاد خدى حمام قبل ماتنامى رش جسم كده يعنى وبعدين حطى الزيت
وشكرا على مرورك

[drnahla]

جزاك الله خيرا

[جين صبرى]

شكرا يادكتور

[شمس العروبة]

ماشاء الله ياجين حلو وبسيط
على العموم انا حبة اسألكى عن معنى سيتيال ياريت توضحيلى
انا فى انتظار ردك
بالنسبة للركب والاكواع قصدك خلطة البيتادين صح ام لا
شكراااااااااااااااااااااااااا

[جين صبرى]

شمس حبيبتى أزييييييييييك
سيتيال ده تجيبيه من الصيدليه وده غسول تغسلى بيه المنطقه الحساسه
وتاخديه معاكى بيتك ده أستعمالك الشخصى
أقرأى بهدوء وتركيز ودونى الموضوع عندك فى أجنده وخللى حد يساعدك
والبيتادين للمنطقه الحساسه بسسسسسسسسس
وحتستعمليه حوالى شهر كفايه خالص
وبعد كده يبقى فالأسبوع مره واحده كفايه ومع الوقت ممكن تستغنى عنه
والركب والأكواع زيت الزيتون أو الذره زى ماكتبت وده تحطى منه للمنطقه الحساسه حتى وأنتى خارجه
وماسك البيتادين بالليل بس حتى لو فيه ألتهابات حتروح أن شاء الله

[القطه]

مش غريب على الحلوه تجيب حاجات حلوه
وليه الاستغراب فعلا يا جين وصفاتك رائعه وانتى فهمانى
شكرا على تعبك يا جميل فى موضوع المره ديما بتعبك يا قمرايه
مشكوره عالموضوع

[serendipity]

موضوع جميل جدا

ميرسى ياقمر على الموضوع

عاوزة اسالك ازاى نزيل الشعر قبل الفرح بفترة ويومين لا مع ان لو قبل الفرح بفترة هيطلع صغير ويبقا صعب يتعمل وانا اعرف انة لو دهنا المنطقة ببودرة تلك جونسون ونسيبها 5 دقايق كدة ونبدا نعمل بيسهل شوية وبعد ما نخلص خالص منغسلش بميا وندهن المنطقة بعد ما نخلص على طووول ببودرة تلك ومورد بيبقو زى العجينة ونحطهم ونسيبهم ساعه لحد ما تنشف خالص وبعدين نغسل بميا باردة

[جين صبرى]

قطتى حبيبتى منوره
شكرا على مرورك الكريم

[جين صبرى]

serendipity
قبل الفرح بفتره أحسن حتكونى بقيتى خبيره فأزالة الشعر وفالعنايه بنظافة المكان وتقدرى تستعملى كل الوصفات ( على ميه بيضا ) هههههههه
وبعدين الشعر الصغير سهل التحكم فيه
أنتى ظبتى نفسك وظبتى مواعيدك فاهمممممممه
أنا ماعملتش كده وكنت أتمنى أنى أكون صادفت واحده زى جين صبرى كان زمانها نصحتنى قبل فرحى هههههههههه
وعلى فكره فيه بنات كتير مش مرتبطه بنات ملتزمه جدا جدا دينيا أقصد بتهتمم بنفسها وتلاقيهم لوحددوا ميعاد فرحهم بكره تلاقيهم جاهزين بس الموضوع موضوع عادات وتقاليد مش أكثر
لكن لو مشينا عالسنه حتلاقى ده الصح
وشكرا على مرورك قلبوووووووو

[bosy ayman]

يا جين وحياتى عندك انا عايزة اعرف لما الشعر بيبدا ينبت بعد اسبوعين يسبقى منبتة ظاهر تحت الجلد ولسة مش نما لبرة بشكل صعب انك تشيلية قوليلى ساعتها بتبقى المنطقة شكلها غامق الحل اية ساعتها

[جين صبرى]

الحل هو الحبل ههههههههههه
بوسى شكرا على مرورك قلبوووووووووو
واضح من كلامك أن غزيره وكمان ممكن تكونى بتستعملى الموس
لوالكلام ده صحيح حاولى تستخدمى الماكينه أوالسويت وممكن تستعملى نبات السعد أوماء الترمس المنقوع لمدة 6 ساعات وتستخدميه بيقلل ظهور الشعر وكمان الشعره بتبقى ضعيفه وبتاخد فتره حتى تظهر
لكن مع الموس الشعر بيطلع بسرع وبيغزر أكثر وكمان بيكون قوى
خلاص ياستى يعنى الحل أنك تستخدمى الوسائل الطبيعيه لتقللى من غزارة ونمو الشعر
وبعدين أنتى مخطوبه ياستى يعنى أن شاء الله لحد الفرح حتكون المشكله دى عندك أتحلت أن شاء الله

[فاطمة فداء]

جين انا واقعة في عرضك بلييز.. انا محتاجة وصفة مجربة لإزالة اثار حب الشباب من على الظهر راح اجن الحبوب تركت الي بقع بنية على ظهري ولا حاجة ساعدتني على إزالتها.مستنية الرد بلييز

[نناه صفصف]

فاطمه حبيبتى شكرا على مرورك
ويارب يجعلنى سبب فى سعادتك وشفاءك من آثار الحبوب أن شاء الله
بصى مقدما أستعملى خليط من زيت اللوز الحلو والمر هو بيضيع البقع السمراء من الجسم
وواضح أن البقع بجسمك عنيده .. وأن شاء الله حراسلك عالخاص وحقولك حاجات أكتر

[sasoooooooooooooo]

جزاكى الله خير

[فاطمة فداء]

مرسي كتير الك يا صفصف الله يسعد ايامك وشكرا عالجواب راح اسويه من اليوم واحكيلك عالنتيجة
ادعولي تكون جيدة يا رب

[bosy ayman]

يا جين يا شقية عايزة اقولك انى مش مشعرة اوى كدة ولا بستعمل الشفرة فى المكان دة انا بستعمل سويت المشكلة يا جيجو فى ظهور الشعر نفسة برغم انى بعمل بالسويت بيطلع صغنون جدا وتحت الجلد وبنسبب لى حبوب وبعدين حاسةان المنطقة دى اغمقت عندى برغم ان بشرتى بيضا كدة يا جيجو حبل من اولها عايزة تموتينى وانا لسة على وش جواز