عدناااااااااااااااااااااا
وحشتونى وشكرا للى ردوا وبيتابعوا بس ياريت صاحبة الفكره تاخد بالها عالعموم حراسلها عالخاص
ياريت كل واحده تدخل ترد ولوكان عندها وصفه مجربه أيام فرحها تقولها عشان الكل يستفيد
والزائرات بالله عليكوا أشتركوا عشان تشاركونا بآرئكم وأكيد عندك حاجات كتير عايزه تقوليها بس كسلانه شويه شيلى أيدك من عالماوس شويه وأستخدمى الكى بورد
الجسم :
أهم حاجه فى نظرى وعشان كده رسيت على وصفه أخدتها من أختى بنوته جده بمنتدى آخر وهى
علبه كبيره كريم جلسرين لونها موف بعشره جنيه من عند العطار- عصير ليمونه- ملعقة زيت لوزحلو- 4حبات كبسولات جنين القمح
الطريقه تخلط المكونات فى علبة الجلسرين ونفرغ الزيت من الكبسولات بس أنا حطيت 6 كبسولات وزيت لوز عالكريم وسبتهم لما دابوا خالص يوم تقريبا وبعدين عصرت الليمون وقلبتهم كويس وتحفظ بالثلاجه على فكره من غير ضحك زوجى طلب أعمل الوصفه لوالدته وماله البياض والنظافه لكل الأعمار ولا أيه ؟ حطى منها كل يوم قبل النوم ياسلالالام عالريحه والنعومه والبياض وتاخديها معاكى لما تروحى شقتك أن شاء الله وتستعمليها بعد كل حمام
وده لمدة 3 أسابيع أما الأسبوع الرابع فحاجه تانيه خالص كريم زواتى للهوانم بشرة أطفال وبياااض
المكونات علبة كريم جليسوليد أشتريتها من عند العطار قولى له بتاعة السعوديه لونها أحمرب25 جنيه - ملعقه كبيره فيكس - ملعقه كبيره فازلين - عصير 3 ليمونات وتخلطيهم جيدا وتحطيهم فى علبه بغطاء محكم وعالثلاجه طبعا فالرف بتاعك
الأستخدام:
أدهنى جسمك قبل النوم كله ولما تروحى بيتك أن شاء الله وبعد شهر العسل طبعا والباشا يرجع الشغل وتفضى لنفسك وتفضيله
ماسك سريع كل يومين: لأزالة الجلد الميت والبثور السوداء
عباره عن .. قليل من الترمس المطحون - قليل من الماء - عصير نصف ليمونه
يوضع عالبشره لمدة نصف ساعه أو لحد ماينشف وبعدين أفركيه وأشطفى وجهك بالماء وصابونتك مرام أو اللى تحبيها ومررى قطنه بماء الورد على وجهك الكريم
ماسك كل يوم...لبياض ملحوظ
قليل من بودرة الجونسون وأخلطيها بماء الورد --- توضع عالوجه لمدة ثلث ساعه ثم أمسحيها بقطنه مبلله
دايما البنات فالعيله يعملوها حلوه خالص
ماسك ضرورى ومهم لبياض كالثلج
الماسك ده واخداه من منتدى آخر جميييييييييييل حطى منه ليوم الفرح ومرتين بالأسبوع كفايه
بياض كالثلج ومن أول مره : ملعقة عسل - ملعقة نشا - ملعقة حليب بودره - ملعقة ماء ورد - زلال بيضه - عصير نصف ليمونه
تخلط المقادير جيدا وتوضع عالوجه لمدة ثلث ساعه وتشطف
وماتنسيش ماء الورد بعد كل وصفه
أستنونى فى آخر حاجه الحمااااااااااااااااااااااام وليلة الحنه
اذا اعجبك الموضوع و اردت نشره في المنتديات الاخرى فاستخدمي هذا الرابط:
عروسه.. باقى شهر على فرحك.. عندك مشاكل كتير بالبشره.. أتفضلى أدخلى مفيش وقت 3
http://forums.fatakat.com/thread25724
