[جين صبرى]

شكرا ليكم كلكم عالمتابعه
واخيرا وليس آخرا الحمام المغربى وبياض المغاربه
دى خلطه للجسم جميله جدا كتبتها الأخت بنت أبوها بمنتدى آخربس أكثر من رائعه وكان عنوانها خلطه لتفتيح الجسم لمدة اسبوع
المكونات:
قشور 3 موزات - بطاطا مسلوقه ياريت أو بطاطسه وده أضعف الأيمان- كأس حليب - نصف ليمونه بقشرها
الطريقه: تخلط المقادير فى الخلاط جيدا حتى يتجانس وتوضع فى علبه وهذه الخلطه تكفى لمدة أسبوع
الأستخدام :يدهن بيها الجسم والمناطق المراد تفتيحها ولما تجف أفركيها وخدى حمامك المغربى
وعلى فكره كان فيه وصفه النساء عندنا بتستخدمها وهى عباره عن أرز مطحون بس الوصفه دى تفوقت على كل الوصفات
النساء هنا بتهتم بجسمها خاصة بعد الزواج ياريت كلنا نبقى كده

وبعدين جه دور الصابون المغربى.. فاكره صابونة الغار التانيه اللى قولتلك عليها
هاتيها وأبشريها وضيفى عليها
فنجان من زيت الزيتون - فنجان من زيت اللوز الحلو - فنجان من ماء الورد - 2 ونصف فنجان من الماء العادى
الطريقه :
تخلط المقادير وتوضع بعلبه لمدة يوم كامل ويحرك بين فتره وأخرى
يفضل يترك بالثلاجه
الأستخدام :
وزعى الصابون على جسمك بعد ماسك الجسم وسيبيه شويه قليله وبعدين هاتى ليفه جديده وأغمسيها بميه سخنه ومرريها على جسمك بشكل دائرى
هااااااااا مين يساعد العروسه ياريت تخلى حد يساعدك خصوصا ليلة الحنه أيه الوبر ده مصانع نسيج يابنتى حتنزل من جسمك
وبعدين أشطفى جسمك بالماء وهاتى ماء الورد ياورد ساقع وببخاخه ورشى على جسمك ووجهك وألف مبرووووك

أعملى الشاور ده مره بالأسبوع كفايه ولوحبيتى مرتين زيادة نضافه ممكن

وصدقينى اذا مشيتى عالنظام ده بدون تشتت حتكونى يا بنتى بتبرقى وتتاكلى أكل
ويوم حنتك أتحنى وحطى برفانك على سلسة ضهرك من الأول للأخر وحطى عطر يكون زيت تحت الأبط وبين الفخذين ويوم الفرح نفس الشىء

ولما تدخلى شقتك برجلك اليمين على خير أن شاء الله صلى ورا زوجك ركعتين شكر لله وأدعى يغلبك بالمال وتغلبيه بالعياااال أن شاء الله

غيرى فستاااااااااانك الجميل وصلحى مكياجك وشعرك وعيدى على عطرك وبدرى صدرك وأفخاذك والمنطقه الحساسه أيوه تعملى معاها زى ما بتعملى فى وجهك ههههههه ببودره مضييئه اللى بتبرق عارفاها طبعا
ولا تنسى هذا الدعاء اللهم جنبنا الشيطان وجنب الشيطان مارزقتنا

أأأأأأأه أدهنى فتحة المهبل بفازلين طبى ضرورى
ولولولولولولىىىىىىىىىىىىىىىىى أحلى زغروته

وجاهزه لأى أستفسار وروحى رياضيه عل أى أعتراض

[حتة سكرة]

بجد انتى تحفة يا جين
انا قريت كل اللى كتبتية
اصل انا فرحى ان شاء الله ممكن يكون فى العيد
اللى جاى
على فكرة كمان انتى دمك زى العسل
ربنا يباركلك يارب وجزاكى الله كل خير يا قمر

[umaesha]

عسل يا جين انا اعرف ان اهل اسوان دمهم خفيف كده انا اتاكد
جزاكى الله خيرا

[واحدة بتسأل فتكات]

شكرا على الوصفة دى انا كنت محتاجاها بجد انا فرحى بعد العيد


تاتو صاحبة شركة الدريم فرك للرحلات المريخية

[جين صبرى]

umaesha شكرا على مرورك وشكرا حبيبتى على مجاملتك الرقيقه
واحده بتسأل فتكات شكرا على مرورك ومبروك فرحك وعامل الوقت فى صالحك يعنى البرنامج حيكون نتائجه أن شاء الله رائعه بس أنتى هاتى ورقه وقلم وأكتبى وماتقوليش لحد سبب التغيييير أيه خليكى سوسسسسسسسسسه
حتة سكره أنتى فعلا حتة سكره مبروووك فرحك وأن شاء الله كلكم تكون أحلى عرايس
ونصيحه ماتخلوش حد يشوفكم وأنتوابتعملوا الوصفات دى ولا تخلوا حد يشوف الماسكات والكريماااات عشان الحسسسسسسسد والله
واللى يسأل أهوه حمام وصابونه كذااا
أنا قولتلكم وقد أعزر من أنذررررررررر

[شمس العروبة]

صباح الورد يااحلى جين فى العالم انا قريت الاربع مواضيع وسجلتهم عندى وبديت فيه بس عندى سؤال محيرنى
هل ابدا الاقنعة الخاصة بالجسم والشعر اول باول يعنى اليوم اللى كتبتيه فى الموضوع1 وبكرة 2وبعده3 واخر شىء 4

[جين صبرى]

صباح الفل يا شموسه
با شمس الموضوع كله كنت حجمعه فى صفحه واحده وحاولت مرتين بس فشلت فالأرسال وعشان كده نزل 4 صفحات
وهو موضح عندك تعملى أيه بالليل وتعملى أيه بالنهاااااااااار
يعنى ال4 صفحات كلهم حتمشى عليهم مره واحده
الظااااهر أن فرحك قرب خالص خالص عشان كده متوتره
خللى صديقه أو أقرب واحده ليكى تكون هادئه شويه عنك تنظملك يومك
وياريتنى والله جنبك صدقينى كنت حعملك ماسكاتك بنفسى
حتى حمامك برده ماكنش حد حيعملهولك غيرى
وتحت أمرك فى أى أستفساااااااااااااااار

[bosy ayman]

وصفاتك تجنن يا جين بس قوليلى يا قمر هو الصابونة دى اجيبها منين وهل هيا مهمة ولا ممكن اى لوشم يقوم بالترطيب بعد التقشير

[الزنبقه السوداء]

عن جد انتي رائعه ياجين ياريت ابقى زيك نشيطه بس لازم ابقى زيك أصلك حمستيني كتير باسلوبك الحلو وضروري حاعمل كل الصفات لي ولبنتي وحنشجع بعض وانشاالله قولي انشالله اعملهم واقولك عالنتيجه ادعيلي ادعيلي اعملهم واستمر عليهم

[جين صبرى]

شكرا يا بوسى ياحبى
شوفى يا ستى المغاربه بشرتهم ناعمه عشااااان حمامات التقشير والصابون بتعهم كلها زيوت مش مواد كيماويه
وعالعموم أنا فكرت فنفس فكرتك بس مش لاقيه لوشن يكون فيه زيت الغار أو كله زيوت بس
عالعموم لوتعرفى عطار مخضرم وبيتعامل مع السعوديه قولى له هات صابونه للجسم تكون من الزيوت
الزنبقه السوداء الأردن مراااااحب
على فكره بنتى عندها 6سنوات ومهتميه جدا بنفسها
وأنا مكنتش كده من الأول بس لفت نظرى أنى كسلانه فنفسى وأن فيه سيدات وبالذات السعوديات والسودانيات ماشاء الله عليهم وبعد ما أهتميت بنفسى
ندمت عالأيام والسنين اللى فاتت وحسيت أنى قصرت فى حق نفسى وفى حق زوجى
ويارب أنتى وكل النسااااء تكونوا راضيين عن نفسكم وتحققوا اللى فى بالكم

[@@خبيرة تجميل متخصصة@@]

انتي بجد عسل جين
ربنا يكرمك ياااااااااااااااااااارب
وعلي فكرة صابون الغار في واحدة بتبيعه هنا في الاسكندرية القطعة ب7 جنية بتجيبه من المغرب وانا جربته بجد تحفة ولو دورت اكيد حتلاقوا عندكوا

[القطه]

طيب انا عملت معظم وصفاتك ومش لاقيه كلام اوصفك بيه غير رائعه
انتى مش جين انتى جنيه واروبه ربنا يحفظك من عينى طيب زهقت احطل ورد انا لازم ابخرك من عينى ما شاء الله عليكى يا جنيه

[serendipity]

موضوع جميييييييل وحلو اوووووى

انا فرحى كمان شهر ان شاء الله بس كنت عاوزة اسال هو عادى انى احط برفان على جسمى كدة وخصوصا بين الافخاذ والمناطق الحساسة دى
مش هيسمر او يجيب حساسية لقدر الله؟

هستنى ردك ياقمر

[جين صبرى]

خبيرة التجميل حبيبى شكرا على مرورك حكلمك النهرده سمعت أن عندك حاجات جنااااااان
قطتى بموت فيكى لو الناس كلها حسدتنى أنتى لأ
seredipity شكرا على مرورك
بصى برفان يكون زيت روحى عند اللى بيركبوا العطور وأطلبى عطرك بس يكون زيت هو حيفهم
البرفان العادى رشيه عالهدوم لكن الزيت ممكن تحطى منه فالأماكن اللى ذكرتها و كمان فى شعرك
تحطى على أطراف صوابعك وتمرريها على شعرك
وألف ألف مبروك

[misskarmen]

جين
لما اتجوز ان شاء الله
و باذن الله حانفذ كل اللى قولتى عليه
و لقيت الواد لزق


حاستعديكى انتى و جوزك الدكتور علشان تتصرفوا






الله يسترك يا شيخه

[جين صبرى]

لا يحلوه لازم تعملى من دلوقتى عشان يعجل بالزواج
أنتى حره

[نهر الورد]

وصفات هايله

بس ممكن أسأل أيه هى البودره المضيئه لأن أنا مش عرفاها وكام سعرها لو تعرفى
يعنى لما أروح أشتريها أقول أيه

وجزاكى الله خيرا

[ملاك الجنه]

السلام عليكم ورحمة الله وبركاته
والله انتي تجنني يا جوجو وربنا يكرملك علي وصفاتك وزوقك بجد مش عارفه اقولك ايه انتي عسل وشدي حيلك بقي معايا اناااااااااااااااااااااا قربت خلاص
شكرا ليكي يا قمر

[جين صبرى]

تمام يا ملاك
الله معك ثم أنا
وشكرا على مرورك ,تحت أمرك فى أى أستفسار

[ريماس العراق]

هاي شباب صبايا اشلونكم
اني صديقة جديدة واريد ترحيب قوي


وشكرا على المرورات الي اتخب



تحــــــــــــــــ دمعة حزن ــــــــــــــاتــــــــي