مش حقول كلام وخلاص
انا ححكيلك قصتى الواقعيه
بس يمكن تطول شويه ححاول اختصر
كنت اعرفه على النت الاول لمده سنه ونص
من سنه 2001 بالظبط
وكان بيكلمنى كل يوم على النت طول السنه والنص دول ومكنتش تقريبا اعرف ولاد اصلا كتير كان اول واحد اعمل معاه شات اصلا فى حياتى
كان ساكن فى منظقه قريبه منى
وكان كويس جدا ومفيش مشاكل وكنا اصحاب
وجه مره قالى انا عايز اشوفك واقابلك وانا رفضت
بعديها فتح تانى الموضوع وقالى انه مسافر وعايز يقابلنى قبل ما يسافر
رفضت برده
راح قالى انه لما يسافر حيقطع علاقته بكل الناس علشان مش حيبقى عنده وقت غير مذاكره وشغل قولت على كفيه
انا مبحبش الحال المايل عموما
المهم
لاقيته فى يوم بعتلى ايميلى وانه راجع مصر تانى وبتاع وضافنى على المايل تانى
وبعت قالى ابعتيلى رقم تليفونك
المهم فى الاول مردتش بس بعد كده بعتهالو
وكلمنى واتكلمنا فى الاول عادى
وفضلنا نتكلم شويه نت وشويه تليفون
وكان محترم معايا وكل حاجه
وبعد كده قالى انه بيحبنى
بصراحه انا كنت بقيت ميته فيه مش بحبه بس
المهم رفضت لانى مش قد الحب ولا قد انى اعمل حاجه ورا اهلى
ولا انى اخرج مع ولد والكلام ده
انا كنت بعتبره زى زمايلى اللى فى الكليه وبس
المهم لما قولتله لا واتخانقنا وقفلت التليفون ومكلمناش بعض تانى
بعديها بكام يوم كنت بفكر فيه لاقيته بيكلمنى فى نفس الوقت
وبدءنا نتلكم ( خلى بالك كل ده من غير ما نشوف بعض كان بس بعتلى صوره ووريته صوره ليا من زمان ومش واضحه كمان )
المهم فضلنا من هنا لهنا لحد ما ارتبطنا زى ما بيقولو عليها
وبقى بيجيلى تحت البيت بالعربيه وطبعا اسطوانات حب وغرام بس بجد كان صادق معايا
وطبعا بما انه حب اول واول مره فى حياتى حد يعمل معايا كده كنت بموت فى التراب اللى بيمشى عليه
بعد الكلام ده بشهر و20 يوم قالى نتقابل
كان اول يوم امتحانات
قابلته بعدها عند الجامعه
واقسم بالله انه اسود يوم فى حياتى كلها
قابلته سلم عليا عادى وقعد يهزر ويضحك وبعدين قالى بقله ذوق انه ماشى ومن غير ما ارد عليه راح راكب العربيه روحت قولتله زعلانه ومشيت وسبته
المهم حسيت انى معجبتوش مع انى اموره يعنى مش وحشه ولا حاجه
المهم يوميها كلمنى عادى اول ما روح وبعد كده هوب اختفى
المهم كلمنى بليل وقالى انه عايز يقابل بابا وقولى لماما ومش عارف ايه
وفعلا قولت وبتاع
وخلاص طبعا طيرانه من الفرح
وهوب اتخانق معايا وخلاص خلصت الحدوته
مش عايزه اقولك عشت ايام سودا اازاى وازاى اتقطعت فيها من الجرح والالم
لانه بجد كنت مصدقاه ومصدقه كل كلمه كان بيقولها خصوصا انه كان بيشتغل فى احدى شركات المحمول وكان بيكلمنى 24 ساعه بمعنى الكلمه
وكان كل وقته ليا وبس يعنى مكنش يعرف بنات تانيه
المهم حاول يكلمنى على النت
وبقى يبعتلى كلام من تحت لتحت وانا ولا اكنى هنا
رجعنا تانى نتكلم كاصحاب وبدء يتكلم معايا عادى وبتاع
وبقت بنا علاقه صداقه قويه جدا
وكان بيحكيلى كل حاجه
وكان كتير بحس انه لسه بيحبنى
بس كنت كل مره احسسه انه وهم واتنسى من حياتى
وانه اخر انسان افكر فيه تانى
وكان بيدايق لما يحس بكده
هوا كانسان كويس بس ليه حاجات عجيبه
المهم بقى يا حلوه اللى جى ورا تقييييييييييييييييل
اسمعى بقى
كان واحنا مرتبطين ياخد رايى فى موضوع واحد صاحبه كان خاطب بنت وكان بيقولى هيا نفس اخلاقك وبيتكم برده وبتاع
وان البنت دى والولد ده سابو بعض ونفسه يرجعلها
بقى بياخد رايى فى موضوعهم كتير اوى ومره خلى صحبه بنفسه يكلمنى
واليكى يا عزيزتى الطامه الكبرى
عرفت بعديها بسنه ونص ان المحترم هوا اللى كان خاطب البنت دى وبيموت فيها
حتقوليلى اكتشفتى منين
حقولك كان معايا الباسوورد بتاعته وكانت فيها جزء من اسمى ولحد النهارده سايبها زى ما هيا
المهم فى يوم اخدت ايميل واحد صحبه وضفته على ايميل وهمى وعرفت كل حاجه
بس بعديها عملت نفسى ذكيه
فى بعد كده وطيان فى الدنيا 
انا بديت اعصب 
