هوه برده هقول انه فى الاول والاخر ده بيرجع لشخصيته هوه واخلاقه المهم من غير ما اطول هحكيلك قصه واحده عزيزة عليا جدا اتعرفت على واحد من خلال النت وكان اول ولد فى حياتها المهم بعديها بفترة قليله قالها انه معجب بيها وكان عاوز يشوف صورتها وكده عشان يعرف انها مش ولد وكده المهم البنت ديه طبعا لقله خبرتها وكده ورته صورتها وبعديها بفترة قليله خد رقمها وكلمها المهم فضلوا مرتبطين سنه
المهم
هوه كان قايلها انه عنده 20 سنه وفى تالته كليه تجارة
وانه عنده عربيه ورالها صورته وهوه كان مع اصحابه جنبها وانه كان مربى قطه والقطه ديه ماتت خلال فترة ارتباطهم ديه اخده بالك وكده
المهم
بعد السنه ديه قالها هوه اللى اعترفلها بصراحه انه مش فى كليه تجارة هوه فى صنايع خمس سنين وانه عنده 19 سنه بس مش 20 زى ما كان قايل المهم هيا كانت طيبه جدا واتخانقوا لفترة ورجعوا تانى على اساس انه لساله سنتين وممكن من بعدها يدخل كليه هندسه
جميل لحد كده
عدت سنه كمان المفروض انه فى 4 صنايع وكده المهم كده بقالهم سنتين جه فى الصيف بتاع 4 صنايع ده اعترفلها برده انه اتفصل من صنايع والسنه الكامله اللى هيا عارفه انه فى 4 ماكنش فى مدرسه خالص وانه لسه هيبتدى صنايع 3 سنين من الاول
وانه ماعندوش عربيه ولا كان مربى قطه يعنى من الاخر مافيش ولا كلمه صدق قالها خلال السنتين دول
هيا كانت دخلت كليه قمه وكده فكبرت دماغها ونهت الموضوع خالص الحمدلله
الخلاصه لانى طولت جدا جدا عليكوا
انك المفروض تتاكدى من كل كلمه يقولهالك يعنى يفضل لو انتى بتشوفيه كام او صور حتى على الحقيقه تشوفى اثبات للشخصيه او كده وده والله ماهزار ولا تريقه بس النت ده اسهل حاجه ممكن الواحد يرسم عن نفسه شخصيه خياليه
واخر حاجه ماتنسيش ان مافيش اسهل من الكلام
بس ده مايمنعش ان فى ناس محترمين جدا على النت بس مايمنعش انك ماتثقيش فيهم ثقه كامله
عامه ربنا يوفقك ويهديكى للطريق الصح ونسمع انه طلع انسان كويس ومحترم ونسمع خبر خطوبتكوا قريب
لا اله الا انت سبحانك انى كنت من الظالمين
