[ام بودى وروزى]

ازيكم يااحلى اخوات واحلى صحبه فى الدنيا طبعا عارفين اننا فى يومين برد ورعد وبرق

واولادنا نور عنينا مبيستحملوش اى لطشه هوا وكل يوم عند الدكاتره ربنا يعفى عنهم اللهم امين
وانا بقى موتى وسمى ادى بنتى او ابنى دوا مش عارفه ليه ببقى حاسه انى بدمرهم والله بكره الدوا جدا وبتخانق مع بباهم على طول لانه الولد يعطس اجرى بيه على الدكتور

ومبيرحمش فى الروشته فى كميه العلاج مش الفلوس متفهمونيش غلط انا مش بخيله هههههههه المهم بنتى 9 شهور جلها كحه جامده قوووووى اللى بتزيق الصدر يعنى لما تحطى ايدك على ضهر بنوتك بعد الشر طبعا تلاقيه بيزيق

وبودى ابنى كنت والله العظيم ميعديش شهر الا وابنى رايح للدكتور بس
بسبب الكحه الصعبه دى لان كمان باباه مدخن ربنا يعفى عنه المهم ربنا كرمنى بالحاجه غاليه ربنا يديها الصحه ست كبيره من بتوع زمان وكمان عرباويه يعنى من العرب عايشين اكتر تعبهم على العلاج بالاعشاب

والله يجماعه كانت ركبتى بتوجعنى مكنتش قادره امشى عليها جاتلى الست الله يكرمها وهى مبتروحش لحد ولا بتاخد فلوس دلكت ركبتى بازيت ونتشتها نتشه ومن يومها بقيت عامله زى القرده الحمد للله المهم من كتر الادويه روحتلها
وشافت بنوتى وقالتى على حاجه مشاء الله من اليوم التالت والله العظيم الكحه اختفت تماما والله ياجماعه حتى ابن جارتى امه داخت بيه عند الدكاتره لدرجه انه اخد مره نفس صناعى
اقسم بالله ماشاء الله دلوقتى ولا خطى للدكتور عياده الحمد لله قولت لازم اجى ومبخلش عليكم ولا على ولادكو السر فى الكزبره الناشفه الحب مش المطحونه متستغربوش ده اللى حصل معايه الكزبره والنعناع اى كان انا استعملته ناشف
لان هو اللى كان موجود عندى وجارتى استعملت النعناع الطازه كل يوم اغليهم مع بعض واحليهم بالسكر عادى ويكون افضل تحليهم بعسل النحل وتصفيهم
ماج لبودى وروزى واشربهم وهو دافى اقسم بالله النتيجه من تالت مج ماشاء الله وهو ده السر بتاع الحاجه غاليه على فكره ياجماعه فى واحده ردت عليا بتقول ان كده البلغم بيروح على الرئه طب وليه منقولش انه بينزل فى الكخه بتاعت بنتى لانى والله كنت بلاقى الكخه فيها حاجه كده افرازات لزجه وقولت يمكن تكون البلغم نزل مع الحاجه السخنه والله ورسوله اعلم

بالله عليكم مش عايزه منكم غير دعوه ربنا يعفو عن زوجى من التدخين ويجعل اولادى من الذريه الصالحه ويريت ترفعو الموضوع لانه مهم جدا جدا

[ربنا يفرحني]

سلامتهم ياقمر
وجزاكي الله خيرا

[ام سيف الدين2]

جزاكى الله خيرا

[fookek meni]

وضحى اكتر لو سمحتى

يعنى اغلى الكزبره الناشفه بالنعناع
ولا كل واحد لوحده

[فريدة فى كل شىء]

جزاكي الله خيرا وممتااااااااااز

[ام عمرو ومحمد]

جزاكى الله كل خير ربنا يحفظ اولادك يارب

[مارو موزو]

جزاكي الله خيرا

[سمبة2007]

ربنا يعفو عن زوجى من التدخين ويجعل اولادى من الذريه الصالحه
اللهم امين وعن كل المدخنيين

[مسك المدينه]

جزاكى الله خيرا
بس ياريت كنت كتبتى الموضوع فى قسم الاعشاب والطب البديل

[nova6nova]

جزاكى الله كل خير ولا دنا فعلا محتاجنها وربنا يعفو عنك ويكفى زوجك شر التدخين