[safaa maher]

ميرسي جدا moon light علي النصائح وياريت تساعديني لاني بجد مش عارفه اتعامل مع خطيبي احنا واخدين بعض عن حب ولكن انا من البنات اللي شخصيتها قويه وكمان عنيده وعصبيه وهو كمان عصبي لكن عمره مفكر انه يقولي كلام جارح و كمان متفاهم لابعد الحدود وبيقعد معايا ويفهمني اي حاجه عاوزه افهمها ورغم كده مش عارفه اريحه وبعاند معاه وكتير بجرحه بالكلام وهوه بيستحملني برضه ودايما بعمل الحاجات اللي بتضايقه بدون ماقصد ومعاملتي ديه نتيجه لاني خايفه اتعلق بيه اكتر من كده وميحصلش نصيب لاني كنت مرتبطه قبل الخطوبه واتعلقت بالشخص ده جدا لكن محصلش نصيب وحكيت لخطيبي وقلي اعتبريها تجربه وعديت ارجوكي ساعديني لاتخلص من هذا الشعور وازاي اتعامل مع خطيبي ميرسي جدا ليكي علي هذا الموضوع منتظره ردك

[شوشومايه]

بجد جمبل جدا جدا جدا
تسلم ايديكي يا جميل علي الموضوع الرائع ده
يارب اجعل حياتنا كلها فرح وسعاده وابعد عننا الهموم والاحزان احنا وكل الناس يارب العالمين
ويبعد عننا ولاد وبنات الحرام اللي بيفسدوا بين اي اتنين مخطوبين او متجوزين يارب العالمين

[sosa_soma]

تسلم ايدك موضوع جميل
ولو ممكن ارد انا على صفاء
مش معنى ان كان فى انسان وش خسرك انك تخسرى انسان بيحبك هو مش مجبر يستحملك لازم تريحية وتقدميله اللى يخلية دايما جمبك وعاوزك شوفى بيحب ايه اعمليه عاوز يتكلم فى ايه اسمعية وعاملية كويس بالله عليكى لان الكويس صعب تلاقية فى الزمان دة ...وربنا يسعدك ويهنيكى يارب

[dodopink]

الموضوع ده رااااائع ومعمول عشاني انا بالذات ولو مش مصدقني افتحوا مواضيعي وانتم تعرفو ... بس انا مسحت واحد منهم عشان خفت خطيبي يشوفه .. يا جماعه انتم عندكم حق كله على البنت وهيا الي فعلا بتمسك زمام الموضوع بس تكون متاكده كمان من ان خطيبها بيحبها ... بس ياجماعه الواحده برده دم ولحم ولما بيتحرق دمها بيبقى رد الفعل اسرع من التفكير ... ياعني اللسان بيغلب التفكير ... والله انا بعمل كل نصايحك يا قمره والحمد لله علاقتي بيه وباهله رائعه بس انا مصره على انه هو طبيعته نكديييييي وشكرااااا ليكي جدا

[emy we bas]

فعلا موضوع جمييل وجزاك الله كل خير....انا فعلا استفدت منه وكنت عايزة اسالكم علي حاجات كده من زماان...انا بصراحة متابعة مواضيعكم من مدة...بس مش كنت بتكلم يعني ممكن كنت متفرجة بس ده لاني معرفش حد هنا خااااالص........بس الموضوع فعلا ياريت تكملوا فيه او مواضيع تانية كده..
جزاك الله كل خير...
اسفة طولت عليكم

[shadenn]

والله موضوع هايل وشكرا انك فتحتيه...انا مشكلتي شويه ابتختلف لان خطيبي مش في البلد الانا فيه وهو قريبي من بعيد لما سافرت بلدنا لاول مره بعد فتره طويله في الغربه اتعرفنا علي بعض وتم الارتياح واتكلمنا واتخطبنا ودا خلي بنات كتير من قرايبو ومعارفو اللي هم برضو قرايبي ومعارفي لاننا اصلا قرايب يغيرو يعني ازاي احنا قدامك طول الوقت وتجي واحده زياره تقوم تخطبها وبعد الخطوبه رجعت امريكا علطول لاني مقدرتش اتحمل كميه الضغوط اللي كانت عليا من البنات خصوصا انو كلنا قرايب في بعض..ودلوقتي انا مخطوبه ليا شهور وفرحي كمان كم شهر وطبعا كل يوم بيعدي بسمع انو في ناس بيحاولو يدخلو بيني وبينو ويعملو مشاكل بس لمجرد اني عايشه في امريكا بيشككو في اخلاقي مع العلم اني هنا مع اهلي كلهم الحمدلله رب العالمين انا وهو واثقين في بعض جدا وكل يوم بقرا جزء من سوره البقره وبتحصن وبدعي ربنا يمرر الشهور الفاضله دي بسلام وربنا يبعد عن كل المخطوبين والمتزوجين العين والحسد واي مشكله يحاولو فعلا يخلوها بينهم بس ويحلوها بالراحه

[norahoka]

مرسى مون لايت على موضوعك الجميل و كويس اوى انك كاتبتى عن المخطوبين لان معظم الكلام على المتجوزين و يارت تكترى من المواضيع ديه عشان تخلينا نحن المخطوبات نتعلم و نبسط قبل الدخول فى اعباء الزواج و شكرا ليكى تانى

[miss butterfly]

جزاك الله خيرا على موضوعك الجميل بس اناعندى مشكله وعايزاك تفيدينى انا وخطيبى بنحب بعض واعرفه من قبل الخطوبه بس المشكله اكتشفت فيه عيوب انا دايما بسال على اهله وبحبهم هو بالعكس مش بيسال على اهلى خالص ولا بيعبر غير بقى انه مش رومانسى عمره ماجاب لى هديه ولاى حاجه من دى اعمل ايه اناحسسته كتير باخطائه بيعترف انه غلطان ةيتاسف لكن عمره مااتغير ؟؟؟ ارجو الرد على

[mon]

موضوع مهم جدا
ميرسى ليكى

[الوحيدة]

بجد كلامك جميل قوى والله ودا اللى المفروض يحصل وميرسى ليكى ياقمر ع الكلام الجميل دا وجزاكى الله خير ان شاء الله

[ام عزالدين]

يسلمووا ياقمر موضوع جميل ومفيد
مشكوره وفي انتظار المزيد

[إبتســـــــــــــامه]

موضوع رائع يا مون لايت
تسلم الايادى على النقل المميز

[lolo 2008]

ميرسى يا مون موضوع حلو قوى
تسلم ايدك ياقمر

[زهرة البنفسج فى قلب حنة]

[تويتى سويت]

والله كلامك كله عين العقل بجد
انا شايفة انى فى الفترة الاخيرة
زودتها مع خطيبى شوية وكبرت
المواضيع اوى من غير داعى بس
لما فكرت بعدين عرفت انى كنت
مندفعه شوية وكان لازم اصبر اكتر
من كدة خصوصا انى مقتنعه فعلا
ان مفيش انسان كامل واكيد خطيبى
مش كامل وفيه صفات كتير مبتعجبنيش
وفيه حاجات مكنتش بحلم بيها فى شريك
حياتى
بس ده نصيب انا حقيقى استفدت من موضوعك
وهحاول اكونا هدى من كده واتقبل خطيبى على
عيبه وعلى مميزاته وهحاول افوت شوية وادعيلى
بقى انى اقرب له اكتر وهو كمان يقربلى اكتر
ونوصل لنقطه من خلالها نبقى متفاهمين ومتواصلين
باذن الرحمن تسسسسسسسسسسسلم ايديكى بجد
ولو عندك مواضيع تانية تفيد المخطوبين ياريت
تنزليها وتفيدينا بيها

[sbh]

جميل قوى يا جميل و يا ريت تجيبى لينا معلومات اكتر عن العلاقات بين المخطوبين لان خطيبى مطلع عينى و و كل يوم و التانى خناقة

[moon_light_803]

نورتو التوبيك يا بنات

ويارب يهدى سر الجميع

[eman of allah]

ميرسي يا مون اووووووووي
موضوعك فعلا مهم وكتير منا محتاجه لاننا كلنا بنكون محتارين وكل واحده بتفكر انها هيا لوحدها اللي كده ومتعرفش ان دي حاجه عاديه وهيا اللي ممكن تغير كل حاجه للاحسن ان شاء الله

[فرحه]

فعلا موضوع رااااااااااائع تسلمى يا قمررررررررر

[moon_light_803]

تسلمو يابنات وعلى فكرة والله البنت عليها عامل كبييير جدا ..هيا اللى بايدها تخلى نفسها سعيده مع شريك حياتها ده او لا
اهم حاجه انا شايفاها بصراحه هوه التعامل على طبيعتنا وبدون تزوييق لان ده اللى بيعمل مشاكل ف باديه الزواج
ربنا يتمملنا كلنا بالخير ياااارب