[banat7waa]

السلام عليكم ورحمة الله وبركاته

ازيكوا يا احلى بنات فتكات فى الدنيا

زى ما انتوا عارفين احنا دلوقتى فى فترة الصيف والافراح قربت وهتكتر عقبالنا كلنااااااااا ياااااااارب

كنت عايزة من كل واحدة عندها خبرة فى مجال الكوافير او مراكز التجميل تكتبلنا احسن كوافير اتعملت معه او مركز تجميل وعنوانه واسعاره بالتقريب

علشان نقدر نستفيد من خبراتكوا ونفيد العرايس لان اهم شئ فى الافراح او الخطوبات هو الكوافير

ويااااااارب تقدروا تفيدوووووووووووووووووووووونا:icon_lol :

اذا اعجبك الموضوع و اردت نشره في المنتديات الاخرى فاستخدمي هذا الرابط:
اسم كوافير ؟؟؟؟؟؟
http://forums.fatakat.com/thread26161

[banat7waa]

فينكوا يبنات فتكات!!!!!!!!!!!!!!!!!!!!!

معقولة محدش بقا يروح لكوافيرات او مراكز تجميل ايه عايزة رايكوا فى الكوافيرات

المفروض كل واحدة تدخل تقول احلى كوافير راحته واسوء كوافير راحته وياريت زى ماقلت من قبل اذكروا اسم الكوافير وعنوانه

ويناتيت انا هبدا

انا اسوء كوافير راحتله هو كوافير عادل المصرى فى شارع العشرين فى فيصل بصراحة هو ديكوراته بتجنن ومفيش عروسة فى فيصل مش بتروح عنده المهم انا رحت عنده اعمل هاى لايت واقص شعرى فجاء واح من اللى شغلين عنده وقالى المبلغ اللى مطلوب 300ج قالت مش مشكلة اهو غالى بس اكيد هيبان على شعرى التغير وانه هيعملهولى كويس راح قالى ملكيش دعوة سيبيلى نفسك وانا هغيرلك شعرك خالص اولا قصلى قصة غير اللى انا قالتله عليها بعدين يومين بالظبط لقيت لون شعرى غير وبقا اللون الفاتح اللى فى الهاى لايت بقا يقلب على ابيض بصراحة كل اللى يشفنى يقولى انتى ليه عجزتى بدرى ههههههه وغير ان شعرى مبقاش بيطول نهااااااااااائى غير لما قصيته انا با ايدى بعد سنة
بس بصراحة العرايس بس وفقط هما اللى بيخرجوا من عنده حلوين لكن الباقى لا نهائى
وانا نصيحتى لاى بنوتة متنبهرش بالمنظر او سمعت الكوافير غير لما تجرب

وفى كوافير بردوا بشارع العشرين بفيصل اسمه تاتو هو كوافير صغير مش كبير بس بصراحة راحت عنده من سنتين قبل عادل المصرى طبعا قصلى شعرى بجد كان يجنن وعاملته استشوار واخد منى 30ج ولدرجة انى بعد مغسلت شعرى ملمس شعرى فضل ناعم وواخد شكل القصة كانى عاملة استشوار

ومن نصايح بردوا اللى بديها للعرايس انها لازم تروح تعمل بروفة الاول عند الكوافير ولو عجبها شغله تروحله وتعمل بردوا معه بروفات اختيار لون الشعر والقصة وده ضرورى جداااااا
ونصيحة بقا بالنسبة للبنوتات اللى معزومين على افراح متروحوش الكوافير اللى فيه العروسة او الكوافير اللى هيكون فيه قرايب من الفرح لان لما بيجوا يعملوا شعر او ميكب بيكونوا كلهم شكل بعض مفيش اختلاف بتيجى فى الفرح بتحسى انهم قريبين اوىىى من استايل بعض لكن لما تروحى كوافير مختلف ومضمون هتلاقى فررررق

ودلوقتى خلاص انا عارفة انى طولت عليكم بس يلا

عايزة بقا كل بنوتة تدخل تفدنا بردها

[roshy&hany]

لو سمحتى ممكن تقوليلى كنتى قاصة شعرك ايه ؟؟ ممكن توصفيلى القصة


اما عن تجربتى فا انا رحت لكوافير مشهور جدا جدا فى الاسكندرية اسمه (( حسن عرايس )) بصراحة فى زفاف بنت خالتى كان شغال ليها بايده وكانت زى القمر فى كل حاجة فى الشعر والميك اب والاكسيسوريس وكل حاجة وعشان كدة انا عملت عنده فى فرحى وبالرغم من انى دفعت 450 جنيه مخصوص عشان يشتغلى بنفسه الا انه كان فى الفرع التانى وقلبنى وفى الاخر الحمدلله طلعت زى الزفت (( الصيت ولا الغنى )) حتى الصبغة عملى خصل ولا كانها موجودة ضعيفة جدا ولاكان فى اى تغيير فى شكلى حتى الميك اب زى اللى انا بعمله لنفسى ..

ححاول اجرب اليومين دول (( كارفن )) او (( طارق الصغير ))

[سمسون]

اخ الحمد لله انك قلتى على اللى فى فيصل دة لانى كنت هروحلة واتقاللى علية اما احسن كوافير رحتو فكان كوافير سعد فى الجيزة تحفة طبعا وغالى شوية واسوا كوافير كان فى الجيزة برضو ومفيش داعى لزكر اسمو

[NaNo0o0o]

انا اسمع ان البيللى حلو قوى وشفت عرايس من عنده حلووووين كتير

هو وعزت كمان

وانا بروح لواحد في امبابه لواحد اسمه اسعد واشرف وواحد في الكيت كات

اسمه مجدى وبلبل والاتنين احلى من بعض

[fofa]

انا اعرف كوافيرة في المنصورة اسعارهاااااااااااااااا موش وحشه وبصراحه تحفه للي موش هتكون محجبه كنوز اسعارها 450 بس حكايه في عزبه الشال

[banat7waa]

لو سمحتى ممكن تقوليلى كنتى قاصة شعرك ايه ؟؟ ممكن توصفيلى القصة


اما عن تجربتى فا انا رحت لكوافير مشهور جدا جدا فى الاسكندرية اسمه (( حسن عرايس )) بصراحة فى زفاف بنت خالتى كان شغال ليها بايده وكانت زى القمر فى كل حاجة فى الشعر والميك اب والاكسيسوريس وكل حاجة وعشان كدة انا عملت عنده فى فرحى وبالرغم من انى دفعت 450 جنيه مخصوص عشان يشتغلى بنفسه الا انه كان فى الفرع التانى وقلبنى وفى الاخر الحمدلله طلعت زى الزفت (( الصيت ولا الغنى )) حتى الصبغة عملى خصل ولا كانها موجودة ضعيفة جدا ولاكان فى اى تغيير فى شكلى حتى الميك اب زى اللى انا بعمله لنفسى ..

ححاول اجرب اليومين دول (( كارفن )) او (( طارق الصغير ))

يسلملى مرورك يغالية ومعلش على الموقف اللى تم يوم فرحك هى ده ازامات الكوافير والمشكلة انك تكون مهيا كل شئ ولاخر لحظة يتغير كل شئ وفعلا الصيت ولا الغنى
انا اول قصة كنت عملها فى الكوافير تاتو اللى هو كان كويس كانت دجرديه قصير اوووى لو تفتكر شكل قصة منى زكى فى فيلم ((ليه خلتنى احبك)) مقربة منها بس كنت لاقيه على وشى
لكن عند عادل المصرى طالبت منه نفس القصة ووريتهاله على بنت راح عملى قصة شبه السلطنية هههههههه
بمعنى انه كان قصلى قصة فرنشه وقصلى الجوانب بتدويرة الوش ومن وراء ملس مفهوش اى قصة او حركة
والله انا خطوبتى قربت ومقدرش اقولك على مدى القلق اللى انا فيه بسبب موضوع الكوفير لان اول شئ بينظر اليها الناس هو الشعر والميكب بس الله يستر
ويسلموووو على مرورك مرة تانية يقلبى

[banat7waa]

اخ الحمد لله انك قلتى على اللى فى فيصل دة لانى كنت هروحلة واتقاللى علية اما احسن كوافير رحتو فكان كوافير سعد فى الجيزة تحفة طبعا وغالى شوية واسوا كوافير كان فى الجيزة برضو ومفيش داعى لزكر اسمو

اشكرك على مرورك اللى نور الموضوع

والحمد لله انى قدرت افيد والحقك قبل متروحى لعنده وده اللى بطلبه من كل اعضاء بتدخل على الموضوع لان مفيش حد محصلوش موقف من الكوافير بس على الاقل نستفيد من التجارب ونحظر واحنا بنتعامل معهم وبالذات فى الاتفاقيات

بس ياريت تبعتى عنوان او مكان الكوافير سعد علشان لو حد حب يجربه

[banat7waa]

انا اسمع ان البيللى حلو قوى وشفت عرايس من عنده حلووووين كتير

هو وعزت كمان

وانا بروح لواحد في امبابه لواحد اسمه اسعد واشرف وواحد في الكيت كات

اسمه مجدى وبلبل والاتنين احلى من بعض

يسلمووووو على مرورك
بس ياريت تزودينا بالمعلومات عن مكانهم علشان نقدر نعرفهم اكتر

وعلى فكرة عن تجارب بتكون احلى الكوافيرات فى المناطق الشعبية اكتر من الفنادق والمولات

ولو عندك مسيو عبده اللى بالسراج مول سمعت انه كويس لكن اسعار عالية جداااااااا يعنى كنت بسمع اسعاره من اكتر من 5 سنين انها 1000 ج للعروسة بس دلوقتى معرفش وصل لكم

[banat7waa]

انا اعرف كوافيرة في المنصورة اسعارهاااااااااااااااا موش وحشه وبصراحه تحفه للي موش هتكون محجبه كنوز اسعارها 450 بس حكايه في عزبه الشال

وجودك نور الموضوع

وان شاء الله اعضاء الموجودين بالمنصورة يقدروا يستفيدوا

[roro-myzo]

هاى انا عملت فى فرحى عند وليد جى جى فى لوران تحفة ومن سعتها وانا برحلوة هو او اللى شغلين عندة كويسين جدا انا كنت الاول بروح عند طارق الصغير وحش جدا جدا ومغرور اوى ومش هو اللى بيعمل بقول لروشى جربى وليد واوعى تروحى لطارق بيقلب بسرع وتتطلعى ولا كانك عملة شعرك دخ غير مانتى بتعدى بالساعات مستنية دورك وميرسى على الموضوع الهايل دة

[banat7waa]

هاى انا عملت فى فرحى عند وليد جى جى فى لوران تحفة ومن سعتها وانا برحلوة هو او اللى شغلين عندة كويسين جدا انا كنت الاول بروح عند طارق الصغير وحش جدا جدا ومغرور اوى ومش هو اللى بيعمل بقول لروشى جربى وليد واوعى تروحى لطارق بيقلب بسرع وتتطلعى ولا كانك عملة شعرك دخ غير مانتى بتعدى بالساعات مستنية دورك وميرسى على الموضوع الهايل دة

تسلمى يرورو على مرورك

وعلى المعلومات ديه وفعلا اصحاب الكوافيرا المشهورة بيكونوا مغرورين وقليل اوى عقبال ميشتغلوا با ايديهم