[دموع القلب 3]

بجد القصة حلوة اوى ياقمر ياله كملى بسرعة بس طولى الحلقة شوية علشان صغيرة اوى

[اسراا]

:اييييييييييييييييييييه بس كدا متقوليش

القصه جامده موووووووووووووت بس متقفلناش علي نهايه كدا وإلا إنتي عارفاني هقعد اقلف انا النهايه من عندي

شريف دمه زي العسل وريماس عسوله ولايقه لخطيبها

وحازم متخيلاه زي مسيو فيراز وانتي عارفه رأيي فيه

وهنا زيي انا

وانا هموووووووووت واكمل قصتك بس جميله بنستني منك الباقي بس متتأخريش

[nadnooda]

بجد القصة حلوة اوى ياقمر ياله كملى بسرعة بس طولى الحلقة شوية علشان صغيرة اوى

حاضر ياقمر من عنيا بس انا عايزه اعرف رايكو في الشخصيات وتناقشوني في الاحداث وتقولوا رايكو في كل حاجه عشان ده بيساعدني كتير في التأليف

[nadnooda]

:اييييييييييييييييييييه بس كدا متقوليش

القصه جامده موووووووووووووت بس متقفلناش علي نهايه كدا وإلا إنتي عارفاني هقعد اقلف انا النهايه من عندي

شريف دمه زي العسل وريماس عسوله ولايقه لخطيبها

وحازم متخيلاه زي مسيو فيراز وانتي عارفه رأيي فيه

وهنا زيي انا

وانا هموووووووووت واكمل قصتك بس جميله بنستني منك الباقي بس متتأخريش

فاهماكي طبعا يا اسراا وعرفت انك كده هتفضلي تحبي حازم من غير حاجه

ومعلش هاخد وقت شويه علي ما أكتب الحلقه الرابعه لانها محتاجه مخمخه وانتي عارفاني بقي بحب الرومانسيه والكوميديا وعشان خاطرك هعدل حازم حبه صغنين هههههه

[moon stone 44]

وااااااااااااااااو فصل رووووووووووعه واسراء هنا كمان ما تقولوليش ........... بس حازم عمره ما هيبقي زي مسيو فراس يا روباطي بس نودا قادره ومستنيه الفصل ع ناااااااااااار....يارب تكوني عرفتيني

[شروق الاقمر]

رووووووووووووووووووووووووووووووووووووووووووووووووو ووووعه


والتقيم ممتاز

[moon stone 44]

رووووووووووووووووووووووووووووووووووووووووووووووووو ووووعه


والتقيم ممتاز

وأنا كمان معاكي التقييييييم ممتااااااااااااز

[مينهناك]

يا جماعه ندنودا بتعت>ر منكوا علشان اتأخرت عليكوا في تنزيل الفصل الرابع هيا هتنزلوا انهارده بليل او بكره

[nadnooda]

أزيكو يافتوكات اتمني أنكو تبقو بخير مع أني حاسه ان القصه مش عجبتكو لاني مش لاقيه ردود بس برده هكملها
الفصل الرابع

وتدخل هنا المكتب وتكون المفاجأه ان حازم هو اللي هيعمل معاها الانترفيو بس حاولت تهدي نفسها وطبعا انتو فاكرين هي كانت لابسه ايه
هنا(لا أنا مش هسمحله أنه يعاملني بطريقه مش كويسه تاني وهو طلب أني أعمل الانترفيو خلاص أنا هثبتله أني أجدر واحده بالوظيفه دي ان شاء الله ):السلام عليكم
حازم(لسه بيرفع عينه من ع الورق اللي في ايده عشان يرد......ايه ده ايه الرقه والجمال ده أنا اول مره أخد بالي منها....لا ياحاز ركززززززززز زيها زي اي واحد):وعليكم السلام...اتفضلي
هنا(بكل ثقه):مرسي....اتفضل ده السي في بتاعي
حازم(بيمد ايه عشان ياخد السي في لمس ايديها للحظه حس احساس غريب اوي حس بالدفء ولكن طبعا مسبش فرصه لنفسه أنه يحس لانه رافض الاحساس من الاساس
هنا(سحبت ايديها بسرعه جدااااااا)
حازم (يتصفح الورق بتاعها):حضرتك عامله كورسات كتير في وقت قصير وده شيء جميل بس معندكيش خبره وهتحتاجي وقت طويل في التدريب
هنا(بكل ثقه):الانسان عمره ماهيكتسب خبره في حياته الا اذا جرب كل حاجه وانا مشتغلتش كتير وفي حاجات كتير لسه معرفهاش واتمني اتعلمها هنا مع حضرتك...ولكن معتقدش اني هاخد وقت طويل في التدريب ان شاء الله..
وبدأ حازم يسأل هنا اس~له كتير وهي ترد بكل ثقه عليه وهو مستغرب جدا لكن طبعا مش مبين
حازم:مش بطال استني من هدير تليفون تقولك في اتقبلتي في الوظيفه ولا لأ
هنا:شكرا عن أذنك
هنا خرجت بس حاسه أنها قدرت تنتصر عليه المرادي وانه مقدرش يضايقها أما حازم أول لما خرجت هنا ابتسم بس مش عارف ليييييييييه
.................................................. .................................................. ..................
هنا وصلت بيتها وقابلت باباها وطبعا سألها
عبد الرحمن:ها يا هنا عملتي ايه في اول يوم شغل وليه راجعه بدري كده؟؟؟
هنا(ارتبكت بس فكرت قبل ماترد):الشغل جميل الحمد لله يابابا وانا رجعت بدري لاني بس عرفت حاجات بسيطه عن الشغل انهرده انما بكره هبتدي بجد
عبد الرحمن:طيب الحمد لله يعني حازم مش وحش اهه!!
هنا(هو وحش بس ده رخم):لا خااااااالص يابابا ده ذوووق جداا
عبد الرحمن:طيب ادخلي غيري هدومك وصلي لحد ما اطلب غدا من برا
هنا:حاضر يابابا
ودخلت هنا تكلم رنا صاحبتها عشان تحكيلها علي اللي حصل
هنا:ازيك يا رنا
رنا:ازيك ياهنا ايه ما صوتك؟
هنا:مانا اتصلت بيكي عشان كده اصلي رحت الشركه انهرده زي ما قلتلك الصبح
رنا:لا قلتي حاجه مفيده طب مانا عارفه ايه اللي حصل يعني هناك بقي ده اللي عايزه اعرفه؟؟؟
هنا:طيب بصي يا ستي
وحكت من ساعة ماراحت لحد ما رجعت
رنا:عندك حق والله جدعه هو فاكر نفسه مين ده مغرور اوي
هنا:ايوه ممكن يكون كده بس هو اكيد في حاجه حصلتله مخلياه كده اكيد وراه سر
رنا:هنا انتي ملكيش دعوه كفايه اوي اللي انتي مريتي بيه
هنا:ايوه عندك حق وانا اصلا مش هسمحله بعد كده بالمعامله دي ده اذا قبلوني اصلا في الشركه
رنا:أنتي عبيطه ولا شكلك كدا هو بيعمل كدا عشان يضايقك بس لكن هو ميقدرش ميقبلش اصلا
هنا:ليه بقي مش هو الرئيس بتاع الشركه
رنا:لانه ببساطه انتي ليكي حصه في الشركه لان باباكي مساهم فيها فهمتي بقي عشان كده انا مش عارفه انتي ازاي ساكته انتي لازم تقولي لباباكي
هنا:لالالا انا مش عايزه مشاكل وبعدين أنا أقدر أوقفه عند حده وأنا عايزه أشتغل وأعتمد علي نفسي مش عايز احط بابا في الصوره خالص بس أنا حاسه بالذنب أني كدبت عليه
رنا:معلش بكره تتعدل وبعدين انتي قلتيله كده عشان ميزعلش المهم خلي بالك من نفسك وابقي طمنيني عليكي
هنا:حاضر يلا سلام دلوقتي وسلميلي علي مروان
وتقفل هنا مع رنا وتقوم تصلي وهي علي سجادة الصلاه أفتكرت حاجه حصلت معاها فبكت بكااااااااااااااااااء هستيري
.................................................. ..........................
في غرفة حازم
(حازم كان بيفكر في هنا البنت الغريبه اللي دخلت حياته من غير اسئذان وازاي تضايقه كده وكمان تبهره بردودها الواثقه وكمان بالجمال الهادي ده......حازم بدأ يضايق من نفسه لانه فكر فيها وحاول يرجع تاني لحالة الهدوء اللي هو متصنعه وبدأ يكتب..............
دخلتها برجليه وكأني مايل...........دخلتها والدنيا كانت شايلاني شيل
دخلتها وأنا كلي أمل....................دخلتها وأنا ناوي العمل
دخلتها وأنا جد وأجتهدت...........فجأه صحيت لقيت نفسي حزين
ولقيت الدنيا بتهبدني هبد........لأني لقيت اللي واخدها جد زي اللي ماأجتهد
وخرجت منها وأنا محبط حزين..........وايه يعمل الحزن في قلوب المحبطين
وعجبي!!!!
ونزلت دمعه من عينه من غير ما يقصد ومسحه بسرعه وكأنه مش عايز يحس بالضعف حتي وهو لوحده وافتكر حاجات كتييييييييييير حصلتله زمان ياتري ايه هي...................؟؟؟؟؟؟؟؟؟
.................................................. ........
في صباح اليوم التالي في فيلا حازم
عبد القادر:صباح الخير يا حازم
حازم:صباح النور يابابا
عبد القادر:متشكر اوووي أنك مقصرتش رقبتي قدام عمل عبد الرحمن
حازم:مش فاهم قصدك ايه يابابا؟؟
عبد القادر:عبد الرحمن كلمني امبارح وطلب مني اشكرك لان هنا حايه مبسوووووووطه اوي من اسلوبك معاها وبتقول أنك ذوق أوي وأنكو هتبتدو شغل انهرده
حازم:..................يعلو وجهه الدهششه فقط
عبد القادر:ايه مالك ياحازم
حازم(وكأنه فاق علي كلام باباه):ها..؟لا أبدا معلش يابابا أنا لازم أمشي دلوقتي عشان عندي شغل
عبد القادر:طيب ياحبيبي ربنا معاك
(ركب العربيه وهو بيكلم....طيب هي ليه عملت كده!انا مش قادر أفهمها كان ممكن تقول لبابا وانا اللي كنت هنضر مش هي البنت دي بجد محيراني اوووووووووووووووف بطل بقي تفكير ياحازم بس برده مش هكلمها أنهرده بكره أبقي أقولها أنها أتقبلت)
وصل حازم الشركه
هدير:صباح الخير يافندم
حازم:صباح الخير.....لما ييجي المهندس شريف خليه يدخلي علي طول
هدير:حاضر يا فندم
(بعد حوالي عشر دقايق وصل شريف)
شريف:صباح الخير ياهدير...حازم طبعا وصل
هدير:ايوة ومستنيك جوه
(ودخل شريف)
شريف:ازيك يازلومتي
حازم(بابتسامه حلوه):اهلا يا رايق اتفضل اقعد
شريف:ياااااااااااااااااااااااااه ده أنا بقالي قرن مشفتش الضحكه دي
حازم:خلاص بقي
شريف:لا بجد يا حازم لازم تنسي وتخلي بالك من نفسك شويه عشان خاطر باباك وأختك علي الاقل
حازم:حاضر ياشريف والله هحاول ممكن بقي نتكلم في الشغل عايز احكيلك علي حاجه
شريف:أرغي
(وحكي حازم لشريف كل حاجه حصلت مع هنا من أول يوم جت فيه الشغل)
شريف:طيب والله بنت جدعه واحده غيرها كانت بهدلتك في حد يعمل كدا يابني أدم!!!
حازم:ده اللي حصل بقي أصلها كانت مضايقاني
شريف:ماشي يافالح وهتبعت ورق قبولها امتي بقي؟؟
حازم:بكره كده أو بعده
شريف:يامفتري
حازم:شريف ملكش دعوه دي حاجه تبع الشغل
شريف:طيب ياخويا ها عملت في الشغل(وابتدي حازم وشريف يتكلمو شويه في الشغل وخلص يومهم علي كده)
.................................................. ................
هنا بقي أبتدت كل يوم تنزل تقضي اليوم عند خالتها أمينه عشان باباها يفتكر في الششغل وفي يوم وهي قاعده مع خالتها جالها تليفون
هنا:سلام عليكم..........أيوه أنا هنا عبد الرحمن............ايه بتقول ايه لااااااااااااااااااا وانهارت ووقعت علي الارض
ياتري مين اللي كان بيكلم هنا؟؟؟؟؟؟؟؟؟؟؟وياتري حازم مخبي ايييييييييييه؟؟؟؟؟؟؟؟؟؟؟؟؟؟؟؟؟؟؟؟؟؟
ده الللي هنعرفه الحلقه اللي جايه وياري تكون الحلقه عجبتكو واتمي اشوف ردودكم

[دمعة تعب]

حلو اوي كملي ياعسل