حملى كل يوم 5 آيات واحفظيهم معنا

f_m_f_m · #1 31-5-2008

بسم الله الرحمن الرحيم

دى أول مشاركة ليا وياااااااااارب تعجبكوا

اى رأيكم نشجع بعض على حفظ القران

اللى عايز يدخل معنا يتفضل وحنبدأ لما نكون على الأقل 5

ويكون الحفظ كل يوم 5 آيات

يعنى بالضبط تحفظى آية مع كل فرض

فقد رأى معظم العلماء انها أفضل كم للحفظ

وممكن نخلى يوم الجمعة للمراجعة وقراءة سورة الكهف

وسنكون انهينا سورة البقرة ان شاء الله فى 57 يوم يعنى أقل من شهرين وال عمران فى 40 يوم

احنا كده ممكن نحاول ننوى نخلص البقرة وال عمران قبل رمضان

ونكون كمان علينا الهمة قبل رمضان

وفى حاجة حلوة قوى حعملهالكوا ان شاء الله

ان كل يوم ححطلكوا الخمس آيات اللى حيتحفظوا تانى يوم بصوت الشيخ الحصرى ان شاء الله

عشان يتحط على الكمبيوتر والام بى ثرى ,والموبايل

يعنى ملكوش حجة

مستنية ردودكم وان شاء الله نبدأ السبت القادم

اذا اعجبك الموضوع و اردت نشره في المنتديات الاخرى فاستخدمي هذا الرابط:
حملى كل يوم 5 آيات واحفظيهم معنا
http://forums.fatakat.com/thread26252

m.moon · #2 31-5-2008

بارك الله فيك فكرة هايله ليه متوحديش جهدك مع الاخت وفاء ام صغنونة ويبقى اللى عاوزيحفظ من البقرة يحفظ معاكى واللى عاوز يحفظ من جزء عم يمشى معاها وتكونوا رضيتوا الجميع واللى عاوز يحفظ من الاتنين يحفظ

ليالي الحنين · #3 31-5-2008

بارك الله فيكي وجزاكي الله كل خير

حقيقي فكرة طيبة جدا - بس انتظري
شوية لحين أنتهاء الأمتحانات علشان
نبدأ كلنا معنا وربنا يجزينا جميعا خيرا

f_m_f_m · #4 1-6-2008

المشاركة الأصلية كتبت بواسطة m.moon

بارك الله فيك فكرة هايله ليه متوحديش جهدك مع الاخت وفاء ام صغنونة ويبقى اللى عاوزيحفظ من البقرة يحفظ معاكى واللى عاوز يحفظ من جزء عم يمشى معاها وتكونوا رضيتوا الجميع واللى عاوز يحفظ من الاتنين يحفظ

أولا أهلا بك موون بموضوعى وطبعا مفيش مشكلة بتوحيد الجهود وكمان ممكن أنزل فى موضوع الأخت وفاء الايات مقطعة لجزء عم

لكن ياريت تبعتيلى لينك الموضوع

f_m_f_m · #5 1-6-2008

المشاركة الأصلية كتبت بواسطة ليالي الحنين

بارك الله فيكي وجزاكي الله كل خير

حقيقي فكرة طيبة جدا - بس انتظري
شوية لحين أنتهاء الأمتحانات علشان
نبدأ كلنا معنا وربنا يجزينا جميعا خيرا

أهلا بك ليالى الحنين وجزانا الله واياكى كل الخير

وشوفوا عايزين نبدأ امتى وأنا تحت أمركوا ان شاء الله

nehad · #6 1-6-2008

أنا معاكي يا حبيبي
سبحان الله انا امبارح بليل نويت حفظ سوره البقره والنهارده اول يوم ليا في الحفظ
جزاك الله الخير كله معاكي يا حبيبي طبعا
يالا انا معاكي

nehad · #7 1-6-2008

قيموا الموضوع للتثبيت
يالا

ضحي * · #8 1-6-2008

تصدقي والله أنا مني عيني أتعلم القران الكريم علشان أنا نفسي أبني يتعلم معايا لان الجنين في بطن أمه بيسمع القران ولما يكبر بيكون أسرع في الحفظ أرجوكي أرجوكي أرجوكي أنا معاكي ويا رب يجزيكي كل الخير الي في الدنيا والأخرة

eg.meramar · #9 1-6-2008

انا معاكى طبعا انا كنت حافظه ست اجزاء بس من الاخر وان شاء الله بدا معاكى وربنا يعينا باذن الله وجزاكى الله خيرا

f_m_f_m · #10 4-6-2008

اهلا بكن ضحى وميرامار

ام سيرينا · #11 4-6-2008

اريد ان ابدا راسلوني قبل البدء بالحفظ ما تنسوني جزاكن الله

gannat mam · #12 4-6-2008

بارك الله فيكى وفى موضوعك الاول,انا كان نفسى اشارككم وخاصه انى الحمد لله حفظاهم السنه اللى فاتت ونفسى اراجعهم,لكن مسافره كمان اسبوع ومشغوله فى الترتيب للسفر بعد الامتحانات
5 ايات ممتاز مش كتير يلا شدوا حيلكوا وانا هاصلكم ان شاء الله