ياريت حد يقدر يفيدني

اسماء ام عمر · #1 31-5-2008

السلام عليكم ورحمة الله وبركاته
أخواتي في الله: اتمني حد يقدر يفيدني في طلبي ده
من غير ما أطول عليكم أنا مقيمه خارج مصر والصراحة مش بيناسبني لبس الدوله العربيه اللي انا فيها ولو لبسته اثناء وجودي فيها مش بينفع البسه وانا في مصر، انا بحب لبس العبايات وانا منتقبه وكنت ناويه البس عبايات الوان مع النقابات بس الوان غامقه او هاديه .. المهم نويت افصلهم لما انزل مصر واحترت اوي في الموديلات . ياريت حد يقدر يجيبلي موديلات للعبايات وياريت لو تعرفوا خياطه سيده او ترزي واللي يأخذ المقاس سيده. لأني بجد محتاره اوي في الموضوع ده ويمكن ما يبقاش عندي وقت الف ع المحلات لأن الأجازه يادوب. وعلي العموم اللي تعرف محل لعبايات المحجبات ممكن الاقي فيه كل الاذواق تقولي عليه...
علي فكره انا بيتي في القاهره في عين شمس واصلي مش من القاهره من محافظه تانيه عشان كده معرفش اوي المحلات والاماكن وزوجي مالوش في اللبس الحريمي

عشان كده لما احترت قلت مافيش غير اخواتي في المنتدي هم اللي هيساعدوني ...
علي فكره انا دورت طبعا في المواضيع اللي موجوده عن العبايات في القسم ده, بس مش ده اللي في خيالي
أتمني ما أكونش أثقلت عليكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
ياريت حد يقدر يفيدني
http://forums.fatakat.com/thread26285

اسماء ام عمر · #2 31-5-2008

كده برضه ؟؟؟؟؟؟؟
انا كنت فاكره انكم هتردو عليه وتفيدوني في موضوعي ده. ولا واحده فيكم تعرف تفيدني في اي حاجه من اللي قلتلكم عليهم بأي شكل من الاشكال؟
يا خساااااااااااااااااااااااااااااااااااااره

drnahla · #3 1-6-2008

بصى فيه هنا موضوع عضوة اسمها نونا عزو
وهى عايشة ف ليبيا
ان عضوة معانا مصرية فصلت لبنتها فستان عجبها قووى ومن خمات جيدة وبعتته ليبا
وهى اكتف جيرل
ممكن تراسليها وتفيدك

مروة حسانين · #4 2-6-2008

ازيك يا اسماء ان شاء اللة تنزلى مصر بالسلامة و تقضى اجازة جميلة بصى يا ستى فى محلات اعرفها اسمها الفريدة عندها عبايات حلوة اوى و فى كمان اتيلية خان النواعم ممكن تفصلى فية اللى تحبية و لو لقيتلك موديلات عبايات حبعتهالك

كادبورى 81 · #5 13-6-2008

بصى يا سمسمة ممكن ترحى جنينة مول فيها عبايات شيك واسعارها تبدا من 250
يا ريت اكون افدتك وتلاقى اللى انتى عايزاه

lona lona · #6 13-6-2008

بصى انا اعرف محل فى اسكندريه اسمه المنتقبه ممكن تسالى عليه انا اعرف ناس بيتعاملوا معاه

taghreed elsedawi · #7 13-6-2008

somaجنينه مول فيه عبايات تحفه واسعارها مقبوله انا رحت واشتريت وبعدين ليه ماتجيبي من بره الخليج يعني اسائلك الدعاء

اسماء ام عمر · #8 30-6-2008

والله انا مش عارفه اشكركم ازاي, انا لسه قاريه ردودكم دلوقتي حالا. لأن كان عندي ظروف خلتني انقطعت فتره عن المنتدى ( جوزي رجله اتكسرت ولسه ما فكش الجبس بس يعني بقى عند وقت شويه عن اول اسبوعين لانه كان تعبان اوي، الحمد لله في السراء والضراء يارييييت تدعوله يقوم من الكسر ده بالسلامه وما يأثرش عليه بعد كده)
بس المحلات دي فين عناوينها يعني في اي مكان في القاهره انا أعرف جنينه مول لكن المحلات الباقيه فين مكانها؟؟؟

جومانة حسام · #9 5-7-2008

السلام عليكم
بصى يا جميل فروكسى شارع بطرس غالى فى محلين عندهم عبايات تحفة
وكمان فى فمول الرحاب برضو دة فى محلات للعبايات حلوة اوى
وفى محل فى النعام عند قهوة عماد دة برضو عندو تشكيلة حلوة اوى من عبايات الفريدة بس معلش انا مبفتكرش اسماء المحلات
ولو عايزة تفصلى فى مصنع عبايات بيفصل ويبيع فى النزهة الجديدة لو عايزة ممكن اجيبلك نمرة التليفون بتاعتو والعنوان واسم المصنع طالاما انتى ساكنة فى عين شمس

اسماء ام عمر · #10 5-7-2008

بارك الله فيكي علي ردك... وياريت تجبيلي رقم التليفون
انت ساكنه فين في القاهره يا جومانه؟

جومانة حسام · #11 6-7-2008

الله يبارك فيكى يا ام عمر
انا ساكنة فى الف مسكن بس من على جسر السويس جنبك يعنى
خلاص ان شاء الله بكرة او بعدبكرة بالكتير هكون جبتلك رقم المصنع واسمة
باذن الله

جومانة حسام · #12 7-7-2008

السلام عليكم يا ام عمر
شكلك مدخلتيش المنتدى النهاردة لعل يكون المانع خير بأذن الله
وتكونى انتى واسرتك فى احسن حال
باذن الله اسم المصنع اللى فى النزهة بسملة
ورقم التليفون 0226239858

جومانة حسام · #13 7-7-2008

وان شاء الله تلاقى اللى انتى محتجاة هناك بس هو بيقفل بدرى يعنى حاولى تروحى بدرى بأذن الله لما تنزلى مصر يعنى ان شاء الله
تيجى بالسلامة ان شاء الله
تحياتى