[منة0]

اهلا فتيكات العسل انا عضوه جديده وده اول موضوع ليا وعيزه رايكم بكل صراحه
* بسم الله الرحمن الرحيم *
انا عايزه اتكلم عن حرص الاباء و الامهات الزائد هل له تاثير اجابي ام سلبي
انا متاكده ان الحرص واجب وخصوصا للبنت ولكن مع الاسف في اهالي مابيفرقوش
بين الحرص والثقه وده لو تاثير سلبي علي نفسية الابناء ويجب علي الام ان تقدر مراحل اعمار ابنا ئها وخوصوصا في فترة المراهقه لان في هذه الفتره يحتاجون الي حنان وتفاهم ان لم يكون موجود في البيت يبحثوا عنه من الغريب وده السبب الرئيسي لانحراف الابناء و يجب علي الاهالي تشجيعهم ومساندتهم لبناء شخصيه قويه تقدر تواجه المجتمع وده هو رايى وانا عايزة ردودكم على الموضوع

[سوكة الددة البيضة]

عارفة يا منه انتى فكرتينى بأمى ...
كانت مرة قاعدة معانا انا واختى ..بعد ما تجوزنا ...وحكت لنا على الى كانت بتعمله معانا واحنا فى ثانوى وجامعة,,,
بتقول كانت الواحدة فيكو تيجى احيانا من الجامعة تحكيلى موقف ...ابقى قاعدة هطق من جنابى ..بس لازم ابين انى حريصة انى اسمع باقى الحكاية علشان مصدش حد فى الكلام....وبعد كده لو ليا اى تعليق اقوله عن طريق حكاية لواحدة صديقة مثلا ومش بعد الموقف مباشرة.....علشان محدش يفقسنى..

انا بسمى ده حرص وثقة فى نفس الوقت ..
اولا الثقة فى انها عارفة ومتاكدة اننا بنقول الى حصل فعلا.
ثانيا حريصة ان لو فى حاجة غلط متتكررش تانى ..

[ام مهند]

الحرص مع الثقه هو ده المطلوب في الوقت الحالي
لازم يبقي في حرص وشديد في بعض الاحيان وخصوصا علي البنات
وفي نفس الوقت في ثقه
يعني انا بشوف فيبعض الاهالي يسيبوا بنوتاتهم اللي لابسه ملابس ضيقه وملابس تبرز اجسامهم ولما حد يكلمهم يقولوا اصل عندنا ثقه فيهم واحنا عارفينهم كويس
وسبحان الله بيحصل بعد كده بلاوي
اللي اقصد اقوله اني لما اربي تربيه سليمه واعرف ابني الصح والغلط والتربيه تكون علي اسس اسلاميه وفكر اسلامي وابدأ اسيبه حبه فحبه لوحده بس تحت عينيا واعطي له الثقه واشوف هيتصرف تزاي واكيييد في كل مره هو هيكتسب خبره في معاملة وكهذا

يعني ولا اسيب ولا اخنق وبالمعقول

[ميمي .ملاك]

كلام ام مهند صح

[السمرة الحلوة]

الصراحة الموضوع في غاية الاهمية

ويعطيج العافية