[أم ياسمينا القمر]

أخواتي الحبيبات الفتوكات كل عام وأنتم بكل الخير والصحة والمحبة والعطاء
أخواتي عاوزة نصيحتكم بالنسبة لأفضل انواع الثلاجات النو فروست لأني انوي شراء واحدة ان شاء الله بس محتارة ايه افضل الانواع في حدود أربعة آلاف جنيه وحد سمع عن التلاجة وايت ويل هي صناعة تايلندي انا شفتها في معرض وعجبتني ياريت كل واحدة تقدر تقولي نوع تلاجتها وايه المميز فيها واذا وجدت اي عيوب جزاكم الله كل الخير وأسعد قلوبكم الجميلة وجعلها عامرة بطاعته ان شاء الله
أنا مش عارفة دا القسم الصح الذي وضعت فيه الموضوع أم لا والف شكر ليكم وجزيتم الجنة غالياتي مقدما

[ام السكروالعسل]

بصى حبيبتى انا الثلاجة بتعتى ايديل نوفرست
5سنوات ماشاءالله مريحانى جدا جدا
وكمان توشيبا عند سلفتى بتشكر فيها
يارب اكون مفيدة لكى

[أم ياسمينا القمر]

ام السكر والعسل الف شكر ليكي حبيبتي انا فعلا شفت موديل ايديال سوزوكي صاحب المعرض كان بيشكر فيه جدا وسعره معقول
جزيتي الجنة غاليتي بارك الله فيكي وف انتظار اراء باقي الاخوات

[كادبورى 81]

انا عندى توشيبا الحمد لله كويسه بس اسمع ان ماركة هاى تاشى هى ارقى انواع الاجهزه الكهربائيه ووايت ويل برضو كويسه

[hobobo]

الوايت ويل دي تحفه
هي اغلي من الانواع الموجوده في السوق
بس هي جميله والارفف بتاعتها بتتحمل مش زي التوشيبا والايديال الارفف بتاعتها بتتكسر
هي عندي من سنتين ال18 قدم

هاتيها وعلي
انا عندي السيلفر

[luckyboba]

انا عندى توشيبا 16 تلات ابواب تحفه
بصى هى فعلا نو فروست الفريزر متقسم كويس رفين وفى درج للحاجات اللى عايزه تتجمد اسرع والتجميد تحفه
التلاجه من جوه جميله بتسقع الميه كويس والاكل مش بيبوظ فيها
اما الدرج حكايه كبير قوى تشيلى فيه سوق الخضار كله وفيه زرار ممكن يبقى درج للخضار او يبقى زى التلاجه فوق
العيب بصراحه
انا مش شايفه فيها عيب بس مامتى بتقول ان مساحه التلاجه من جوه صغيره

[ريحانة بدر]

أسوأ ما في التوشيبا والايديال الارفف البلاستيكية الشفافة (مش عارفة اسمها ايه)
كل ما اشوفها عند حد يا مكسورة يا مشروخة وأحلى ما فيها تقسيمها بيعجبني
أنا عندي كريازي رففها الشبكة العادية بس هي مش نو فروست وتقسيمها الداخلي وحش بعتبرها حمارتي العارجة لحد ما ربنا يمن على بالاحسن منها وساعتها هيفدني موضوعك ان شاء الله

[Jannat]

وايت ويل حلوة جدا وعند واحدة صحبتي من 25 سنة وتحفة

انا هتجوز قريب وناوية ان شاء الله اجيب منها السيلفر 16 او 18 قدم

[أم ياسمينا القمر]

انا عندى توشيبا الحمد لله كويسه بس اسمع ان ماركة هاى تاشى هى ارقى انواع الاجهزه الكهربائيه ووايت ويل برضو كويسه

الف شكر ع الرد والاهتمام جزيت الجنة غاليتي وربنا يباركلك في اللي عندك وكل عام وانت بخير يارب

[أم ياسمينا القمر]

الوايت ويل دي تحفه
هي اغلي من الانواع الموجوده في السوق
بس هي جميله والارفف بتاعتها بتتحمل مش زي التوشيبا والايديال الارفف بتاعتها بتتكسر
هي عندي من سنتين ال18 قدم

هاتيها وعلي
انا عندي السيلفر

ردك طمني جدا انا فعلا اللي عجبتني السلفر ومع ان صاحب المعرض كان بيشكر في الايديال حسيت انها عجبتني اكتر خاصة موديلها السيلفر ان شاء الله اشتريها
الف شكر حبيبتي شجعتيني خاصة انها عندك فعلا ربنا يباركلك فيها وكل عام وانت بخير يارب