[Om yassin]

السلام عليكم يا فتوكات و خاصه المغتربات.......... طبعاً كل أم بتبقى هتجنن و عايزه تعرف إبنها و بنتها بياخدوا التطعيمات كامله و لا لأ فأنا كتبتلكم التطعيمات الإضافيه و تطعيمات الصحه التي يتم تطعيمها في مصر و المصدر المصل و اللقاح مع العلم التطعيمات باللون ده (ــــــــــــ ) تعطى مجاناً من وزارة الصحه و التطعيمات
باللون ده ( ـــــــــــ ) تعطى بفلوس في مركز المصل و اللقاح أو في عيادات خاصه أو مستشفيات خاصه
يارب نستفاد كلنا و ياريت يا أمهات تكتبوا و تقولوا نظام التطعيمات عندكوا إيه في بلاد الغربه و يتم التطعيم فين و هل في مشاكل بتواجهكم في التطعيمات (السعوديه،الكويت، الإمارات،...........) عشان الكل يستفاد و عشان الناس اللسه هتسافر كمان يارب أكون فدتكم و أرجو التثبيت و التقييم
عند الولاده :- شلل الأطفال
شهر :- إلتهاب معوي (روتا) جرعه أولى ، ثم جرعة ثانيه بعد شهر
شهران :- شلل الأطفال + (ثلاثي بكتيري / إلتهاب كبدي ب ) + هيموفلس ب (التهاب سحائي رضع ) جرعه أولى
+ إلتهاب رئوي سباعي (بريفينار) جرعه أولى
4 شهور :-شلل الأطفال + (ثلاثي بكتيري / إلتهاب كبدي ب ) + هيموفلس ب (التهاب سحائي رضع ) جرعه تانيه
+ إلتهاب رئوي سباعي (بريفينار) جرعه ثانيه
6 شهور :-شلل الأطفال + (ثلاثي بكتيري / إلتهاب كبدي ب ) + هيموفلس ب (التهاب سحائي رضع ) جرعه ثالثه
+ إلتهاب رئوي سباعي (بريفينار) جرعه ثالثه + فيتامين أ
12 شهر :- ثلاثي فيروسي (حصبه ، حصبه ألماني ، غده نكافيه ) + جديري مائي
15 شهر :- إلتهاب كبدي (أ) جرعه أولى + إاتهاب رئوي سباعي (بريفينار ) جرعه رابعه + فيتامين أ
سنه و نصف :- ثلاثي بكتيري + شلل الأطفال + هيموفلس ب منشطه + فيتامين أ
سنه و 9 أشهر :- إلتهاب كبدي (أ) جرعه ثانيه
سنتان :- حمى سوكيه رباعي + تيفود + فيتامين أ
سنتان و نصف :- فيتامين أ
3 سنوات :- ثلاثي بكتيري + شلل الأطفال جرعه منشطه + فيتامين أ
4 سنوات :- ثلاثي فيروسي + جديري مائي (جرعه ثانيه)
5 سنوات :- حمى شوكيه رباعي + تيفود جرعه واحده
6 سنوات :- ثنائي بكتيري + الدرن
10 سنوات :- ثنائي بكتيري + حمى
تطعيمات تكرر دورياً :
- تعطى جرعات إضافيه من شلل الأطفال مع الحملات القوميه للتطعيم .
- الحمى الشوكيه كل 5 سنوات بعد عمر 5 سنوات .
- التيفود كل سنتين عند الحاجه .
- فيتامين أ : يكرر كل سته أشهر من عمر 6 شهور حتى 5 سنوات .

[سماجودي]

جزاكي الله خير والله ابني معظم التطعيمات دي ما اخدهاش هنا في الرياض حاجة صعبة جدا موضوع التطعيمات ولا في جرعات منشطة ولا شيئ

[ام نوريه]

هو الى بعد سنه ونص ده ااااااااايه
؟؟؟؟؟؟
انا اعرف لحد سنه ونص بس

[عفريتة النهار]

التطعيمات اللى بفلوس غالبا مفيش حد بياخدها فهل حيبقى فيها ضرر لو ماتخدتش
وبعدين الجرعات للشلل الاطفال بتعرفيها ازاى وتتاخد فين

[Om yassin]

هو الى بعد سنه ونص ده ااااااااايه
؟؟؟؟؟؟
انا اعرف لحد سنه ونص بس

بعد سنه و نص ده تطعيمات إضافيه من وزارة الصحه بردوا بس مش مدعمه يعني مش مجاناً إحنا بندفع تمنها و ده بتكون وقايه من كذا حاجه كل تطعيم ليه فائده معينه انا إديتهم لإبني لحد سنتين و نصف الإضافي و الصحه

[Om yassin]

التطعيمات اللى بفلوس غالبا مفيش حد بياخدها فهل حيبقى فيها ضرر لو ماتخدتش
وبعدين الجرعات للشلل الاطفال بتعرفيها ازاى وتتاخد فين

جرعات شلل الأطفال ده يتكون نزله في شهادة التطعيمات و الجرعات الإضافيه بتكون مع حملة التطعيمات الوزارة الصحه بتعملها و بتعلن عنها في التليفزيون و أنا كنت بديها في عياده خاصه عند أما بالنسبه للتطعيمات الآضافيه ففي تطعيمات مهمه جداً بس بتكلف الدوله و عشان كده بتكون بفلوس زي مثلاً الروتا و الكبد الوبائي أ و الجديري المائي و التيفود ده كلوا منتشر في مصر بشكل كبـــير جداً ربنا يعافي ولدنا منها و عشان تكلفتهم عاليه البلد مش بتديهم بس في بلاد تانيه بتدي ده مجاناً زي الكويت مثلاً

[Om yassin]

يا جماعه أنا إديت إبني التطعيمات الإضافيه و الصحه لو حد عندوا استفسار عن سعر التطعيم أو حقنه و لا نقط في الفم أو أي حاجه يسألني وأنا إن شاء الله أقدر أفيدكم على قد معرفتي أنا إبني أخد لسنتين و نص

[Om yassin]

جزاكي الله خير والله ابني معظم التطعيمات دي ما اخدهاش هنا في الرياض حاجة صعبة جدا موضوع التطعيمات ولا في جرعات منشطة ولا شيئ

يارب تفيديني ليه التطعيمات صعبه في الرياض أنا إن شاء الله هولد و آجي الرياض و خايفه إن إبني التاني ميخدش نفس التطعيمات الأخدها ابني ياسين يارب تفيديني في الموضوع ده و هى بتتاخد فين و بفلوس و لا مجاناً و لا هى مش موجوده أصلاً و جزاك الله خيراً

[Om yassin]

أرجو التقييم ليتم التثبيت و الكل يستفيد

[nipo]

اسعار التطعيمات دى ياقمر فى مصر ولا فى دولة ثانية لان انا ابنى سنة و8شهور
لو سمحت قوليلى الاسعار وجزاكى الله خيرا