[ماجي2008]

يارايت تدلوني لانكم اخواتى فى الله بجد وحاسيت بعد اصحابي كلهم ماتجوزه بقيت وحيدة وعايزه اعرف اللى انا بفكر فيه ده صح ولا غلط وممكن ما تفهمنوشى غلط او توجهوني لو كنت غلطانة بس ده احساسي غريب شايفين بلف وادور ومش عارفه اتكلم ابتدي ازاي ممكن الواحدة تفضل ان تتجوزي شخصية فيه صفات من الصحابة يعنى الكلام ده معقولة ولا ؟؟؟؟؟؟؟؟؟؟؟؟؟؟؟؟؟؟
عارفين الشخصية دية اكيد مش موجودة بسأل وبجوب
اللى انا كل ما اقرأ او اعرف معلومة فى الدين يزداد اعجابي به واتمني لوكنت موجودة فى ذلك الوقت
بداية بقصة اسلامه
الرسول صلوات ربى وسلامه على صلى الله عليه وسلم
قصة اسلام هذا الصحابى فرح بها الرسول صلى الله عليه وسلم مش عارفه ان صح ولا غلط ولو ماصادفتش الشخصية دية فى حياتى وما اعتقدتش انى هصدفها اعمل اية يارب دماغى هتنفجر دلونى هو من العشرة المبشرين بالجنة بس ارجوكم ما تسخروش مني يمكن ازداد اعجابى به لما قرأت كتاب لعباس العقاد !!!!!!!

اذا اعجبك الموضوع و اردت نشره في المنتديات الاخرى فاستخدمي هذا الرابط:
موضوع خطير خطير خطير
http://forums.fatakat.com/thread26579

[ام بسنت]

السلام عليكم ورحمة الله وبركاته

اختي الكريمة بداية بارك الله فيكي على متابعتك لشخصيات الصحابة وصفاتهم وانك عايزة تتجوزي واحد فيه نفس الصفات دي بس اقولك علي حاجه ربنا سبحانه وتعالي بيقول "تلك أمة قد خلت لها ما كسبت ولكم ما كسبتم" وبعدين انت مؤمنة بالله وكل شئ بيحصل للمسلم من قضاء الله وقدره ودا شرط الايمان
ووجودنا دلوقت بعد الصحابة بالفترة دي ارادة ربنا لازم تسلمي بكدا دا أولاً
ثانيا ان الانسان يقتدي بالصحابه في كل التصرفات لانهم اخدو من النبي عليه السلام بس مايعيشي في الماضي يعني يعيش الحاضر بتاعه والا حركة الحياة هاتوقف
ويبقي كدا معناه ان الدين صالح للفتره دي وخلاص انما لا الدين صالح لكل زمان ومكان ومبادئ الدين صالحه على مر العصور
ودايما الخير فيا وفي امتي الي يوم القيامة
فيه شباب طيب وفيه بنات طيبه
بس عليكي بحسن الخيار
وخالي الماضي دعم للحاضر بتاعك
بس ماتعشيش الماضي هو دا الفرق
احنا حاليا من سبب تاخرنا اننا كأمة بنركز على الماضي وسيبنا الحاضر لغيرنا تفوق فيه
لكن زي ماقولتلك الدين صالح لكل زمان ومكان ولكل عصر وأوان
وتكون الشخصيات بالنسبه لينا زي الشجره ليها جذور وساق وأوراق
ما ينفعش ينفصلو عن بعض
وماينفعش الاوراق تقول انا ليه ماتخلقتش ساق او جذور
قصدي ان احنا كبشر لينا ماضي وحاضر ومستقبل
الماض تاريخنا وتاريخ اللي سبقونا بالإيمان بناخد منهم العبرة والقدوه وحاضرنا نحاول نطبق فيها اللي اتعلمناه من جدودنا الأماجد
وفي الختام، اختم بقوله تعالى {وَالسَّابِقُونَ الأَوَّلُونَ مِنْ الْمُهَاجِرِينَ وَالأَنصَارِ وَالَّذِينَ اتَّبَعُوهُمْ بِإِحْسَانٍ رَضِيَ اللَّهُ عَنْهُمْ وَرَضُوا عَنْهُ وَأَعَدَّ لَهُمْ جَنَّاتٍ تَجْرِي تَحْتَهَا الأَنْهَارُ خَالِدِينَ فِيهَا أَبَدًا ذَلِكَ الْفَوْزُ الْعَظِيمُ}(التوبة/100).

نسأل الله العظيم رب العرش العظيم أن يجعلنا من الذين اتبعوهم بإحسان وأن يرضى عنا في الدنيا والأخرة
اللهم إنى نشهدك أننا قد رضينا عنك فارضى عنا ياكريم

والسلام عليكم ورحمة الله وبركاته

[ام ميداء]

قصدك عمر بن الخطاب
ربنا يرزقك بالزوج الصالح اللى يتقى الله فيك ويعاملك بما يرضى الله
وتمنى من الله ان زوجك يكون فى اخلاق الصحابة

العقاد ابدع فى تفصيل عبقرية عمر انا قراتها وممكن تكونى متاثرة بيه
مش لاقية كلام اجمل من كلام ام بسنت جزاها الله خيرا

[ماجي2008]

بجد انا متشكرة ليكو بس ياريت اللى يقرأ ما يقولش فى سره البت دية مجنونة

[temoon.pompa]

بالعكس يا ماجى انتى مش مجنونه ولا حاجه ........ انتى عاقله جدااااا وتفكيرك حلو اوى وبعدى ربنا ليكى وليا معاكى انه يرزقنا بالازواج الصالحه اللى يعرفوا ربنا ويتقوه فينا يارب .... قولوا اميييييييييييييييييييييييييييين ولكل بناااااات المسلمين يارب

[ماجي2008]

طبعا يا حبيتى هو سيدنا عمر بن الخطاب رضي الله عنه
شوفتى لما انسان يتجمع فيه كل الصفات الحلوة
اللين ، والشدة ، الخير ، الامانة ، الزهد ....... اقول اية ولا اية الكلام لما انسان يتبرع بكل ماله الى بيت المال مني لمو يوفى حقه اكيد دول ناس اسفة الصحابة اتخلقو اكيد من طبيعة خاصة سبحان الله لو احنا كنا اتخلقنا فى الوقت ده كنا هنتحمل اللى اتحملو عشان الاسلام يبقى سبحان الله

[reda mohamed]

تعرفى يا ماجى .. أنا قبل ما أتزوج كنت بفكر فى سيدنا عمر بن الخطاب وكنت بتمنى شخص مثله يعنى مش إنتى لوحدك يا ماجى والحمد لله ربنا أكرمنى بزوجى صالح ... عقبال ربنا ما يكرمك بالزوج الصالح الى يتقى ربنا فيكى ..

[أم الطيب]

انت عارفة يا ماجي انا بحب جدااااااااااااا شخصية سيدنا ابو بكر وكان نفسي جوزي يكون فيه ولو القليل من شخصيته بس الحمدلله جوزي بيحب سيدنا على جدا وفيه كتير من شخصيته وبحمد ربنا جداااااااا على النعمة دي.
موضوك جميل أوي وأشكرك عليه

[eltourky]

عادي ياماجي لما تفكري ف سيدنا عمر وتتمني واحد زيه
طب مااغلب البنات بتعجب بشخصيات السينيما
وتتمني تتجوز واحد زيهم وتفضل حاطه كل احلامها فيه
بيقي الصحابه وسيدنا عمر اولي واحق منهم بالاعجاب ده
بس لازم اعجابنا بيهم يكون ف حدود الطبيعي
يعني تقتدي بيهم وتحاول تاخديهم مثل اعلي ليك
لكن متعشيش حلم انك تتجوزي انسان زيه
لان دا صعب هتلاقي ف اي انسان مهما كان تدينه صفات عكس ال انت تتمنيه
ساعات هتصدمي لان ف خيالك حاجه تانيه
المهم ربنا يرزقك الزوج الصالح ويكون فيه بعض الصفات من سيدنا عمر
واصلا لو كان ف حد زيه كان زمان حال امتنا اتصلح

[shosho90]

انا عن نفسه معجابها بيكى اوى لو ينفع كنت اتقدامت ليكى واطلب الجواز منك بس اسفه مرتبطه هههههههههههههههه ربنا يبارك فيكى

[أم لوجى و ملك]

لا يا ماجى انت مش مجنونه ولا حاجه ده شىء بتتمناه كل ست
بس من المستحيييييييييييييييييييييل انك تلاقى حد على نفس خلق الصحابه
لانهم مش بشر عاديين ولكن يكفى انك تلاقى شخص بيحاول انه يقتدى بيهم
وفقك الله

[em salam]

كل وحده مننا بتتمنى رجل زي الصحابه بشخصياتهم وايمانهم ورجولتهم
بس حتلاقي فين في الزمن ده

[أم يوسف22207]

تعرفى يا ماجى .. أنا قبل ما أتزوج كنت بفكر فى سيدنا عمر بن الخطاب وكنت بتمنى شخص مثله يعنى مش إنتى لوحدك يا ماجى والحمد لله ربنا أكرمنى بزوجى صالح ... عقبال ربنا ما يكرمك بالزوج الصالح الى يتقى ربنا فيكى .

[ماجي2008]

ان بشكر كل انسانة جميل ورقيقة رددت على موضوعى ده ماتتصوروش انا ببقى سعيدة قد اية يارب اكرمنى وارزقنا وارزق بنات المسلمين بازواج طيبة وصالحة

[toto s]

الله يبعثلك ابن حلال على قد نيتك يا رب

[ماجي2008]

ربنا يخلكى يا توتو يا عسل يسمع من بقئك ربنا

[مانجو]

حبيبتى ماجى انا كمان بحب سيدنا عمر فى الله جدا و هقولك حاجة حتقولى ان انا اللى مجنونة ! انا بغييييييير من زوجته موووووووت

[om alhana]

طبعا مش هسمحلك مجرد انك تحلمى انك تتجوزى عمر بن الخطاب
لان بكل بساطة محدش هيتجوزه غيرى وده فى الجنة ان شاء الله ربنا يوعدنا جميعا
دا انا طول النهار اقول لجوزى اتجوزك فى الجنة تانى ليه والجنة فيها عمر بن الخطاب ايش جابك انت للعملاق ده