[Dr.Dina]

السلام عليكم و رحمة الله
انا لسة عضوة جديدة بس انا متابعة ال موقع من كتيير
اما عن سبب كتابتى ف قسم معلنلة الازواج رغم انى مش متجوزة فى هو انى مرتبطة ب شاب هى تعتبر خطوبة بس مش رسمى لكنه اهله عرفيين و انا كمان
احنا بقالنا حوالى سنة اهه و انا اخدت بالى من حاجة
هو بيحبنى اوى بس ساعات بيبقى بيكلمنى و هو هيتجنن عليا لكن احيانا بيكلمنى ب فتوور مش طبيعى مش ببقى وحشاه و مش بيكلمنى ب نفس الطريقة بيبقى بيكلمنى عادى تقضية واجب لاننا بنتكلم كل يوم و بينسى يقولى انى وحشته و حتى لو قالها انا من جوايا ببقى حاسه انه مش بيقولها عشان انا وحشاه بجد
المشكلة ان انا مش قادرة اتعود على كدة و مش بحبه يكون كدة و ببقى متضايقة جدا لان انا عمرى ما ببقى معاه كدة انا دايما بيبقى واحشنى ف مش عارفة اتعامل معاه ازاى مش عارفة اخرجه من الفتور ده لمل يحس بيه ازاى
و معلش لو طولت عليكم

اذا اعجبك الموضوع و اردت نشره في المنتديات الاخرى فاستخدمي هذا الرابط:
انا مش متجوزة بس حاسة انكم ممكن تفيدونى..
http://forums.fatakat.com/thread26592

[ام هاجر 2]

يا اختى الخطبه هى وعد بالزواج فقط ولا يجوز فيها هذا الكلام
يمكن علشان كده هومابيقولكيش هذا الكلام
وربنا يصلح حالك

[توته1]

والله يا دينا الإجابة على كلامك تتحدد بطبيعة العلاقة بينكما.....هل هي مجرد ارتباط عاطفي ؟ أم خطوبة ؟ أم كتب كتاب......
وحسب اللي فهمته من كلامك انها لسه حتى مش خطوبة..
وأعتقد انه في هذه المرحلة ملهوش انه يقولك وحشتيني وكده...لأن ده أمر سابق لأوانه وكل شئ لما يكون في وقته بيكون له حلاوته.. بالإضافة إلى أنه مازال رجل غريب عنك طالما انه لم يكتب كتابه عليكي ..
أنا عارفه طبيعة المشاعر في المرحلة دي .. ولكن لازم نحاول نرضي ربنا من البداية لأجل يسعد حياتنا إلى النهاية.....
ربنا يسعدك ويهنيكي..

توته

[فرحه]

شوفى يا دندن هو الموضوع ده المفروض كان ينكتب
فى فضفضة وتجارب المهم
بالنسبة لموضوعك انتى بتقولى انكم متعودين انه يكلمك كل يوم
بلاها التعود ده صدقينى بعد كده مش هو بس اللى حيمل انتى كمان حتحسى بالملل
عشان بيكلمك كل يوم كل يوم واكيد فى نفس المعاد وحيجى فتره ومش حتلاقى كلام تقوليه ولا هو يقوله عشان انتو قولتوا كل حاجه وكل يوم لازم تبعدى شوية وهو يبعد شوية ولما تحسوا انكوا واحشين بعض يبقى يكلمك او تكلميه عشان تكسرى الملل ومدام علاقتكم فى النور واهلك واهله عارفين ان شاء الله ربنا يوفقك وتنخطبوا وتتجوزوا وتعيشوا حياه سعيده بس حاولى تشغلى نفسك مع صحابك واعملى حاجات ومتقعديش فاضية يعنى وصدقينى انا بكلمك من خلال تجربتى الشخصية مع خطيبى احنا مكتوب كتابنا وكنت برده بحس بكده وكل الفتكاوات نصحونى باللى بقولهولك لان بجد هو ده الصح
اسفه للاطاله وابقى طمنينى عليكى

[ماريمار]

ربنا يصلح حالكم







http://content.sweetim.com/tbsig/sig.asp?img=ad1

[حتة سكرة]

كلام فرحة صح 100%
اسمعى لازم تكونى تقيلة شوية
لان دة كمان هو اللى هيخلية يستعجل الخطوبة
يعنى بذمتك انتى كل يوم بتكلمية يبقى ناقصة اية؟
مش ممكن يفكر فى الخطوبة بجد دلوقتى
لان كل مابيعوزك بيلاقيكى
انتى غالية ولازم تفضلى كدة
وحسسية بكدة فاهمة (ركزى اوى على النقطة دى)
ومتحاوليش تتعلقى بية اوى
لان الاحساس دة وصلة عشان كدة هو اتمرع(متزعليش من صراحتى)
خليكى معتدلة فى مشاعرك وافتكرى ربنا
دة مش خطيبك ولا جوزك
وربنا يكرمك ويوفقك
وابقى طمنينى عليكى يا قمر

[dall3 ya dall3]

بصى ياقمر من طبيعه الرجاله اساسا انهم مش رومانسين اوى زى الستات فى حاجات بتشغلهم اهم من وحشتينى والكلام دة وانتى بردة اتقلى يابت اتقلى الرجاله تعشق التقل مرة تتاخرى عليه فى الاتصال مرة مترديش وتقولى كنت نايمه نسيت وبعدين متخليش كلمه حبيبى وبحبك ووحشتنى لبانه خليها نادرة اوى او ىواى اوى علشان تعززى نفسك وبعدين هوة فى حاجه تمنع انه يجى يخطبك اضغطى عليه لو مافيش يبقى ايه المانع ومتخفيش انه يسيبك والكلام دة الراجل يموت فى الست الواثقه من نفسها دة حقك يابنتى لما تلاقيه تقيل اتقلى اكتر وبس ومتزعلش نفسك ياقمر انت

[سموح وبس]

اسمعي يابنتي انتي لازم ماتكلميه مرة لانه حرام ماهو زوجك ثانيا اذا قعدتي تكلميه حيدعسك وما حيعطيك وجه لكن لو طنشتيه ومارديت على مكالماته حبستعجل الخطوبة والزواج وحيكون خاتم بصبعك طيعيني وانت الكسبانة

[سموح وبس]

عفوا حيستعجل الخطوبة بالمناسبة كم عمرك اناعشرين
مع خالص الحب

[رانيا الدلوعه]

بصي بقي يا جميل
اولا حكايه انكم لسه ما اتخطبتوش دي ممكن تكون راجعه لضروف انتي ادري بيها
بس عيزه اقوليك علي حاجه لازم تتقلي عليه شويا يعني لما يكليميك حسسيه انك مش بتعته وقلولي مثلا ان عنديك في البيت بقو مديقين من تليفوناتو
لانو مش خطيبيك رسمي اتقلي عليه انا عرفه انك متعلقه بيه اوي
ربنا يجمعكم قريب اوي
بس لو انتي بجد عيزاه ليكي علي طول لازم تعملي الي بقوليك عليه ده
كوني تقيله بس بطريقه هوا ما يحسيش انيك انتي الي قصده تبقي تقيله حسسيه انيك حتموتي عليه بس الضروف فوق طقتيك وان في البيت عنديك بدئو يديقو من العلاقه الي بينكم وانو لازم ياخد خطوه جد عشان تتأكدي او فعلا بيحبيك اوي
انما وحشتني والحاجات دي ياريت تبقي بلاش دلوقتي بعني لما يتكتب كتبكم ابقي قولي وحشتني ولو في بيتكم تبقي احسن لانه وقتها حيكون جوزيك بجد وسعتها حتعبري عن شوقيك ليه بكل الطرق ومن غير ما تغضبي ربنا ولا تكوني بتشيلي زنوب
بجد انا بتمناليك كل التوفيق ولو احتجتي اي حاجه ابعتيلي علي الخاص وانا اختيك الكبيره الي حسعديك بأمر الله

[lol5]

دينا حبيبتي

أنا عارفة كلهم قالوا لك ما تكلميه واتقلي.. وكلهم كلامهم صح وأنا ما بقدر أنفيه نهائي.. لأنهم كلهم خايفين على مصلحتك.. ولأنك غالية علينا كلنا

أنا بعرف الشعور اللي بتقولي عنه.. شوفي صح أنا متزوجة.. ومرت علي أوقات واحنا مخطوبين كنت بقول ليش ما بيقول لي كلام حلو؟ كنت أشتاق لهيك كلام.. وأحس إني محتاجة أحس إني مهمة أنا كمان عنده.. بس لكل واحد فينا شخصية مختلفة، وكل واحد فينا بيعبر عن شوقه ومشاعره بطريقة غير..

يعني يا دينا كل واحد له طبعه، وكل واحد له ظروفه ونفسيته وعلى حسب الوقت اللي بتحكي معه فيه

يعني ما تتوقعي إنه مشغول بشيء مهم أو مستعجل ويقعد يحب ويتغزل ويسمّعك كلام حلو

ولا تتوقعي إنه لو في مشكلة بينه وبين صاحبه مثلا.. أو في مشكلة بسيارته - طبعا كله لا قدر الله - يكون في مزاج بيسمح له إنه يسمّعك كلام حلو

برأيي - المتواضع طبعاً - إنتي أولاً حاولي تقللي المكالمات اللي بينكم لأنه فعلا ما في شي بيربطك فيه رسمي.. وتاني شي راعي وضعه النفسي، يمكن متضايق، زعلان، مشغول.. ما بتعرفي

تالت شي هاد كله بمصلحتك والله زي ما الأخوات قالوا لك.. لا ترمي نفسك عليه ولا تحسسيه إنك دايما موجودة.. اتقلي شوية.. وتعالي على نفسك.. بعرف صعب، بس هاد الصح

"كل ممنوع مرغوب".. امنعيه عنك فترة.. ح تلاقي بيركض وراكي يقول لك: إنتي فين؟؟!!!

ربنا يهديكي ونسمع منك خبر الخطوبة وتعزمينا كمان


ولا احنا مش معزومين؟؟

[Dr.Dina]

شكرا بجد على كل ردودكوا
وبجد فيدتونى اوى
اولا على فكرة موضوع انه مش خطيبى او جوزى انا عرفاه كويس و عارفة ان فى ناس هتقولى ان ده غلط لانه غلط فعلا بس انا محبتش اكذب عليكوا
بس هو مخطبنيش مش عشان انه قدر يكلمنى من غير خطوبة هو مستنى بس يخلص كلية لكن كل اللى بينا ف النور و اهله عرفينى كويس و اخواته بيكلمونى و باباه و مامته برضه
هى المشكلة فعلا انى متعلقة بيه زيادة عن اللزوم عندى استعداد اكلمه 24 ساعة و بجد دايما هموت عليه مش عارفة ايه الدلقة دى بس بجد مش عارفة اعمل ف نفسى ايه دايما واحشنى لانى مش بشوفه الا كل شهرين مرة لانه مش من القاهرة
انا فعلا محتاجة حاجة تشغلنى عنه و فعلا انا لما بسيبوا شويه بلاقيه هو يسأل مكلمتنيش ليه ياريت فعلا اعرف اشغل نفسى عنه
و ميرسى بجد على مساعدتكم

[Dr.Dina]

bel nesba lely s2lt 3la senny
ana 18 sana

[العمدة الباشا]

السلام عليكم ورحمة الله وبركاته
عايزه اقوللك حاجه واتمنى انك ماتزعليش دي علشان مصلحتك وكمان علشان اريح ضميري من ناحيه ديني الاسلام حثنا على التمسك بالعفه والعفاف والحياء وحياء المراه هو سر جمالها انا لا اقول لك انسيه او ابتعدى عنه فهذا ليس من حقي ولكني افكرك بدينك حتى لا تندمي بعد كده وتتذكري الله وتطلبى منه السماح على ما فعلتيه من كلام حب ليس من حقكم الان اتمنالك التوفيق فى حياتك وان تنالين ما يرضيكى

[العمدة الباشا]

على فكره انتى 18 سنه انتى ممكن تكونى فى سن المراهقه وده السن اللى بينجرف فيه الشباب والشبات فى عواطف كبيره جدا ولكنهم فى النهايه يكتشفوا انهم كانو مخطئين فى مشاعرهم اسفه برده عايزه اقولك كلمه اخيره حاولى ان تقراي القران وسنة نبينا وان تفهميهم وتتقى الله فيما تفعليه

[العمدة الباشا]

شكررررررررررررررررررررررا لحسن استماعك

[رانيـــا الشقية]

ربنا يوفقك يادينا
والله انا مش لاقيه كلام أقوله بعد كلام الأخوات
بارك الله فيهم

[غاده الصايغ]

انا مش لقيه كلام اكتر من قالوا هولك الاخوات
ربنا معاكي
بس عاوزه اضيف حاجه صغيره ان كل الرجاله مش بفكروا زينا
هم بيحبوا بعقلم وقلبهم
لكن احنا ونعم الخيبه بنحب بقلبنا ثم قلبنا الي مالا نهايه
وبعدين لما نفوق نبا نحب بعقلنا
فااسمعي كلام اخواتك احسنلك

[fofa]

بالراحه عليها شويه ياجماعه انتي عندك كام سنه
اسمعي هقولك علي حاجه ويارب تستوعيبيهااااااااااااااااااااااا
لو عندك فستان غالي عليكي اووويبتحبيه وبتحبي تلبسيه في كل المناسبات اكيد هيجيلك فترة وتزهقي منه غيري لازم التغيير موش تغيرة هو غيري من شخصيتك حسسيه انك موش وحده بس هيه بتاعت كل مرة عمرة ما هيزهق حاجه كمان ابعدي حبه تزيدي محبه ابعدي لحد لما يحس انه مفتقدك خليه يدوخ غليكي شويه يحس بقمتك موش هتندمي صدقيني وانتي عاوزة كلام حلو علي طول هتزهقي لازم من ده علي ده ياريت تبقي تبعتيلي وتقوليلي عملتي ايه