|
رد: حد بيحب حماته قدي؟؟؟!!!!بصرررراحة
ما شاء الله تبارك الله عليكى ,فعلا لازم اخلاص النيه لله فى موضوع حب الحموات ده,حتى الامهات ممكن يكونوا مزعجين بكثره تدخلهم وحاجتهم الزايده للدلع والاهتام فى الكبر . من حقهم يا جماعه.
انا بصراحه اول ما اتجوزت نويت اكون انا الباديه بحسن النيه وحسن التعامل ,والحمد لله نجحت فى كده جدا ,لكن ده مش معناه انى ماكنتش بزهق لما حماتى تطول القعده عندى (4 شهور),ثم اتكست من نفسى انى فقط من جوايا اتضايقت وقررت انى اتغير.
وفعلا لما جت حماتى عندى بعد كده كنت بدلعها وبهتم بيها من عير زهق وكنت اصمم اخرجها معايا والبسها واسرحها وانشف رجليها (كان عندها سكر).......وفرحت بنجاحى جدا وهى ماشيه كانت بتدعيلى
هى ماتت من 6 شهور وهى بتحبنى زى بناتها زى ما كانت بتقول الله يرحمها
نصيحه مهمه , وخاصه الحموات بيحبوا الهدايا مش عشان عايزينها لكن عشان بتعبر عن الاهتماموتهادوا تحابوا.انا كنت بجيب لحماتى هدايا العرايس يعنى تابلوهات ومفارش وديكورات للبيت وحتى مره جبتلها سجاده جميله فرحتها اوى (كان عندها 77سنه)وكنت بصبغ لها شعرها علطول وكانت بتستنانى اجى من السفر عشان اصبغهولها وما ترضاش بناتها يصبغولها(بيتهياْلى الصبغ ده زود رصيدى عندها للسما)
افتكروا دايما داين تدان .واسفه على الاطاله.مشكوره يا امه الله على الموضوع الجميل
|
أنا في أول جوازي كنت مش بحبها ولكن لما عشرتها حبتها أوي أوي ربنا يخلهالي يا رب بس مش بحبها ذي ماما بحبها حب من نوع تاني بس والله بحبها كفايه أن هي مدياني أحلي حاجة في عمري جوزي وأنا ربنا يقدرني وأهديها أول حفيد ليها
