تنبيهات هامة:
اولا) اذا وصلتك اي رسالة خاصة من عضوة تعرض عليك الانضمام لمنتدى اخر فارسلي رسالة خاصة فيها اسم العضوة الى احدى المشرفات لايقاف سرقة العضوات، ايضا اذا وصلتك اي رسالة خاصة من عضوة تعرض عليك بضائع للبيع فارسليها الى احدى المشرفات.
ثانيا) تجاهلي اي موضوع يتكلم عن شحن الجوال ببلاش او وجود ثغرة في موبينيل او فودافون او اتصالات حيث انها تسرق رصيدك!
ثالثا) الرجاء عدم اضافة مواضيع عن الجرائم او الصور المفزعة او صور فيها نساء متبرجات او اغاني او انتقاص من قدر اي شخص.
السلام عليكم اولا يا ام كيكى انا بشلرك فى موضوعك بعد رؤيتى لموضوع روان
اولا انا بعاتب عليكى لانك لسة جديدة ودخلة شمال فى المنتدى وانتى لسة محدش اتعرف بيكى وانتى جاية انضماما لنانو الاسلوب دة كدة غلط حتى لو انتى شايفة ان فى تعنت وانا حقيقى على الاقل معايا مش ملاحظة دة
ولو مش عاجبك المنتدى ما تشتركيش
اسفة للاطالة
أحنا بندخل المنتدي للترويح عن أنفسنا
ولا داعي لكل هذا الجذب بين الاعضاء و المشرفين
بس أكيد في نقطه ضائعه لا أعرف ما هي
بس انا حاسه ان المنتدي في حاجه مش مظبوطه مش زي زمان
نفسي أعرف ايه السبب
لاني كل كام يوم الاقي عضوه ماشيه طب ليه؟
أحنا لازم نحب بعض أكتر من كده
لان مافيش مصالح بينا
والموضوع مش معركه مين يكسب ومين يخسر
ياريت نراعي أسلامنا و نتعامل بخلق المسلم
والله الدنيا فيها حاجات كتير أهم من كل ده
جزاكم الله الخير كله
أنا لا احب ان أري منتداي الحبيب كده
لانه قدملي كتير قوي
تحابوا في الله أرجوكم
الحياه والله ابسط من كده
ماشي يا ستي شكرا على اسلوبك بس انا قديمه يمكن قبلك كمان وكنت باشتغل بأسم ناننو قبل ما اعمل اسم خاص بيا ... وكلامك بيأكد كلامي اننا بنفتقد لحسن الحوار .. انا مش زعلانه منك لان دا رأيك وانا بأحترمه ... بس صدقيني احنا بنحب فتكات جدا وكل دا زعل عليها
لاء انا مش معاكى يا ام كيكى انا مشفتيش دة من المشرفين وحاسة انهم زوق جدا ممكن يكونوا بيعملوا كدة عشان شايفين حاجة مش مظبوطة ولازم حتة الشد دى عشان المنتدى يفضل فى نجاح على طول متزعليش منى بس دة رائى
في مثل جميل اوي يا ام كيكي بيقول
نعيب في الزمان والعيب فينا !!!!!!!!!!!!
جربي المحبه والحسني هتلاقيها حوليكي
المنتدي دا بتنا
واللي فيه كلهم تعبه لحد مابقي كدا !!!
ماشي
دا انتي لسه بتقولي يا هادي
انا مع ام كيكي فى ان اسلوب بعض المشرفات مش حلو وجاف ومش كلهم عشان منظلمهمش انا مثلا عشان قلت راى فى موضوع عملولى حظر للدخول يوم كامل مع انى معبتش فى حد بس انا علقت على موضوع كان حد من الاخوات جيباة وهو موضوع يبكى لانها بتتكلم عن المجاعة فى العالم ومع ذلك يوجد بعض الدول ترمى الاكل بصورة فيها تبزير وجابت صور لاطفال الصومال تبكى واللة تبكى والغريب انة حطوة فى قسم الطرف والضحك فكانت الاخت تصرخ على ما فعلوة وطلبت راينا وانا قلت ان دا هو الهم اللى يبكى وهم اللى يضحك وقلت ليها معلشى اصل المشرفات عايزين نضرات عشان يشوفوا الموضوع بصورتة الصحيحة وتفاجأت ان ام الطيب عملت ليا حظر لية انا مش عارفة والله من يومها لا اعلق على اى موضوع تكتبةخالص ام الطيب دى لانى زعلت منها جدا لانى متغلطش فيها بس هيا ظلمتنى وانا مش مسمحاها وحسبى الله ونعم الوكيل وانا بحترم ام كيكى اوى عشان هيا بجد جريئة وشكلها داقت من ظلم بعض المشرفات وياريت بجد كلنا نقول راينا بصراحة يمكن نرفع بعض الظلم عنا ونفوق كل مشرفة ممكن تكون بتظلم ودا طبعا من حبنا وخوفنا عليهم لاننا مش عايزينهم يظلموا ولا عايزينهم يتزعل منهم وربنا يجعل كلامى خفيف عليهم
لا حول ولا قوة الا بالله والله ما اقدر اقول غير كده فى ايه يا جماعه هو المنتدى اتحسد ولا ايه ؟؟ وبعدين يا ام كيكى انتى متوقعه الرد الوحش ليه مش يمكن ريرى وهاله لما يدخلوا يهدوكى ؟؟ طب ليه متوقعه العكس دا حتى حسن الظن بالمسلمين واجب ؟!! وفى الحقيقة انا عمرى ما شوفت اى حد دخل المنتدى وعيب على اسلوب المشرفات وانا بقالى كتير عن نفسى عمرى ما شوفت منهم اى حاجه وحشه بالعكس دول حتى بيدخلوا مواضيعى وبيقيموها ولما بكون فى مشكله بيبعتولى ع الخاص مع العلم انى مفيش بينى وبين اى مشرفه معرفه شخصية يعنى عمرى ما شوفتهم ولا شفونى كله عن طريق الموقع ولما بيحصل حاجه متعجبنيش ببعتلهم رساله لا بيتكبروا ولا بيتقنعروا بالعكس بايردوا عليا بكل ادب واحترام وبعدين احنا مش بنقبض من بعض فلوس ولا لينا مصلحه ولا انا لما بقى هايله ولا متميزة حاخد درع ولا المشرفه بتاخد فلوس كل ده تقدير معنوى ميستهلش خناقه يعنى ولا هو اكل عيش على راى نهاد احنا بندخل نتفك ونفرفش ونستفيد ونفيد وكله بنيه لله وحده مش لاى حاجه شخصيه وبعدين مين اللى انتردت ولا انحذف موضوعها لانها اختلفت مع مشرفه ده حصل امتى اساسا؟؟ يا ريت يا جماعه نهدى شوية ونحب بعض لان بجد الدنيا مش مستاهله كل ده اسف للاطاله دعائى لكل العضوات بظهر الغيب
يا دودينا ابقى قولى رايك بصراحة وانتى حتشوفى كل اللى احنا بنقولة دا لاننا مش بنقول من فراغ احنا بنقول عن تجربة يا دودينا وعلى العموم مش مشرفة ولا اتنين يخلونا نسيب بيتنا اللى احنا حبينة وعمرنا ما حنسيب فتكات واحسن حاجة اننا نتجاهل المشرفة اللى مش حتعاملنا حلو وخلاص كل واحد مننا يبقى فى حالة صباح الخير يا جارى انت فى حالك وانا فى حالى
يا حبيبة قلبى كل عضوة هنا بتقول رايها بصراحة انا وغيرى طالما مفهوش تجريح ولا سب فى اى حد ودة مش تعامل انك تتجاهلى اى مشرفة وفى الاخر احنا هنا اخوات واسرة واحدة وزى ما نهاد وفرحة قالوا احنا بندخل هنا عشان نفك عن نفسنا
تجدين في منتدى فتكات الذي يعد اول
منتدى نسائي مصري و عربي يضم كل الجنسيات العربية
تهاني و تبريكات و رسائل حب و مسجات و زغاريد و احلى الاخبار في قسم
الترحيب و الاجتماعيات و شات و دردشة متنوعة في قسم
دردشة
و شاركي اخواتك في مشاكلهن و اذا كانت عندك مشكلة فاكتبيها و سوف تجدين كل الدعم في قسم
فضفضة و تجارب،
تعرفي على اسماء بنات في القرآن الكريم و سيرة الرسول صلى الله عليه و سلم و زوجات الرسول و تفقهي في دينك و اسألي عما تريدين معرفته و تعلمي
