[بس ياسيدي وقامت معيطة]

السلام عليكم...كل مواضيعي ببدأها بالسلام عليكم ولا مرة حد رد عليا السلام ههههههههههههه..بهزر معاكم علشان بحبكم والله العظيم..المهم..بابا سافر ابوظبي فترة كبيرة كدة على بعضها وحوش فلوس واحنا كنا قاعدين عند ام بابا لاننا كنا بيعنا شقتنا لظروف معينة ..المهم بابا لما رجع بقى ومعاه شقى السنين وكل الفلوس اللى معانا علشان يشتري ارض ويبنى بيت كويس بقى وكدة المهم وبابا رايح يدفع الفلوس في السكة الضهر اذن راح دخل الجامع يصلي وساب الشنطة اللى فيها شقى السنين كله وكان مبلغ محترم اوى طبعا سابها على المجزمة بتاعت الجامع ليييييه بقى؟؟؟علشان قال لو اخدتها ادامى وانا بصلى غصب عنى عيني هتبقى عليها ومش هركز كويس في الصلاه..راح سابها على المجزمة وقال في حفظ الله وانا ونصيبي ..قام الحرامى دخل والصلاه شغالة ولم الجزم اللى على المجزمة كلها وساب شنطة بابا ههههههههههههه اه والله العظيم وربنا شاهد على كلامى بابا فضل يضحك وعينو مدمعه في نفس الوقت مش مصدق نفسه وسجد لربنا طبعا شكر لله لان فعلا بابا مش اكرم من ربنا يعني هو سابها علشان ربنا واتوكل على الله بجد يقوم ربنا عمره ماهيخذلو ابدا والحمدلله بابا راح اشترى ارض جميلة وبنى بيت ماشاء الله ولا قوة الا بالله كبير ...في الاخر عايزة اقولكو اللى يثق في ربنا بجد من قلبه عمر ربنا مابيخذله ابداا واللى يتوكل على ربنا في كل اموره ربنا بيقف معاه ويديله اكتر من اللى يتمناه ...عايزة اطلب منكو طلب ومكسوفة ممكن اللى مش عاجبه الموضوع بالله عليكو بلاش تقييم سئ احسن بيجبلى احباط ونفسويتى بتتعب اوووي ..انما بقى لو قيمتو لبابا زي ماقيمتو لماما قبل كدة علشان بابا ميزعلش يبقى كتر خيركو في امان الله





http://content.sweetim.com/tbsig/sig.asp?img=ad1

[مصريه الى الابد]

بسم الله ماشاء الله وسبحان الله

[زهرة القاهره]

المجزمه ؟؟؟؟؟؟؟؟
اسمها الجزامه

[سونه حبيبي]

اكيييد اللي مع ربنا عمره ما يضيع بس بتهيالي الواحد ياخد بالاسباب اكتر من كده

[doaa hesham]

ممتاز ياقمراية والله دمعت

[نسيت اسمي للاسف]

ربنا كبير بس الحرامي شكله احول ههه

[روووشي]

ممتاز طبعا يا قمر .. وربنا يخليلك ماما وبابا ويباركلك فيهم ويجعلك بنت بارة بيهم .. اللهم آمين

[عليه العوض]

ممتااااااااااااااااااز لبابا

[somiaa]

وعليكم السلااااااااااااااام..
ربنا يباركلكم ياااااااااااااااااااااااارب

[zoza_mum]

الحمد لله