[صيدلانيه عسولة]

لا ان شاء الله مفيش ضرر

وانا رايي تسمعى كلام الدكتور وتاخديها , فى ناس اصلا يا حبيبتى بتاخد الفورتاكورتين طول الحمل , والحوامل فى توائم كمان بياخدوها بعد الاسبوع 24 من الحمل

طب يا دكتورة الجرعة كدة مناسبة؟حقنة الصبح وحقنة بليل يومين ورا بعض؟مش كتير؟وكمان هى يتقلل حركة البيبى لمدة قد ايه؟انا اسفة على اسئلتى بس هموت من القلق الله يكرمك طمنينى وحاجة كمان هى المية اللى بتنزل قليلة اوى يعنى نقط كدة ولما اعمل مجهود بلاقى المية البيضة دى فهل هى دى مية البيبى فعلا وهل فى خطر على البيبى؟[/quote]

ممكن اعرف استخدام كريم املا المخدر ف المنطقة الحساسة للحامل فيه اضرار ولا لا؟

لا يا حبيبتى يفضل متسخدميهوش

[صيدلانيه عسولة]

لا الجرعة كدا تمام

ويا حبيبتى هى ملهاش علاقة بحركة البيبى هى بتعمل على نمو الرئة اكتمالها علشان لاقدر الله لو اتولد بدرى يقدر يتنفس كويس

اهم حاجة ترتاحى خالص علشان مية البيبى متقلش وتهدى وتثقى فى الله يا حبيبتى ربنا كريم وهتقومى بالسلامة ان شاء الله

اخر سؤال معلش انا تعبتك معايا يعنى دى فعلا مية البيبى؟وهل ممكن اسافر لان الدكتور بتاعى فى محافظة تانية ؟انا بسافر بالقطر لمدة 3 ساعات ونص؟وفى دلوقتى اى خطر عالبيبى لحد مقدر اروح للدكتور كمان اسبوع؟[/quote]

لا يا حبيبتى ولا يهمك ..
وانا مقدرش احددها .. بس برده السفر الطويل غلط فى الوقت ده ياريت تروحى لاقرب دكتورة او حتى تعملى سونار بعد يومين ولحد كمان ما التحاليل تظهر

[ommomen02]

جزاكى الله خيرا ربنا يجعله فى ميزان حسناتك
عاوزه اعرف افضل نوع معطر الفم يعنى تكون منعشه وتدوم لفترات طويله وشكرا

[كنزى سيف الدين]

grapexon يحتوى على (شاى اخضر 300 مجم+ زنك + مستخلص بذر العنب ) وهو بيساعد على التخسيس وكمان كمضاد للأكسدة خاصة لمرضى السكر والضغط
اما ال multi treat فهو يحتوى على شاى اخضر 300 مجم فقط ,مرسى جدا على اهتمامك يا جميل يعنى معنى كدة ان المالتى تريت مش بيخسس اصل الدكتور كتبلى جريبكسون بس دكتور الصيدلية قالى الاتنين زى بعض بالضبط وانا محتارة انا عايزة اللى بيخسس اخد ايهما معلش جوبينى اصل انا قلوقة شوية ربنا ينولك اللى فى بالك

[ahabebe]

عايزة اسم فيتامينات يكون مناسب في فترة الحمل ..... وربنا يجازيكي كل خير

[نداء الجنه*]

وجزاكى يا حبيبتى وانا تحت امرك

بخصوص الهرمونات وانتى آنسة فكدا كده الموضوع كان فيه مشكلة فطالما بداتى العلاج يبقى تكمليه لحد ما الدهون تخف ةالموضوع يتحسن وكله هيتزبط باذن الله
اما السيكلوبروجينوفا فهو علاج تعويضى ييهرمونات بناءا على التحاليل اللى المفروض الدكتور اداهالك ..
البريود ددى بتيجى كاستجابة لارقام الهرمونات , هرمون زاد او قل بتلخبط الدورة , فبنضظر نستخدم العلاج التعويضى مع علاج سبب المشكلة ومعلش هو الموضوع بيطول شوية بس احسن من البهدلة بعد الجواز
ممكن تسألى دكتورك على الادوية دى هتساعدك جدا فى تقليل الدهون (HI CHROME , CHITOSAN)
استمرى على العلاج الى دكتورك حدده وعلى فكرة السيدوفاج مش بيعمل انيميا هو ممكن فى بعض حالات يقلل فيتامين ب 12 وده بيتحس من الارهاق وتنميل فى الاطراف .. وممكن ناخد اقراص فيتامين ب12

هى اختك اصلا ضغطها واطى ولا انخفض بسبب السيدوفاج ؟؟؟ ولو بسبب السيدوفاج بتاخد جرعه اد ايه وايه الاعراض التانية مع انخفاض الضغط ؟

ب

جد ربنا يخليكي لينا يا رب
وانتي فعلا دكتوره عسوله
الله يباركلك يا رب
انا اختي من نوع الي ضغطها واطي بس مش للدرجه دي
هي بتاخد سيدوفاج 500 قرصين في اليوم هي بقالها شهر بتاخده وبتاخد معاه كويك سلم
الدكتور بيقولها ان الشريان الاورطي مش بيوصل الدم للاطراف
وبتاخد حاجات تنشط الدوره الدمويه
الاعرض التانيه قيء وبدوخ جامد لدرجه انها اغمي عليها


اما بالنسبه لي الدكتور معمليش تحليل هرمونات
وبيقول ان الموضوع عندي بسيط انا الحمد لله مفيش مثلا شعر زايد وحاجات من دي
وانا يعني مش تخينه اصلا وبعد السيدوفاج خسيت خالص
وعلي فكره انا كنت با خد نيوترا كروم اخدته حوالي 4 شهور وبعدين قالي وقفيه
وهو بيقولي الدهون نزلت والاشعه نظيفه الحمد لله
بس لسه البريود ملخبطه
وجزاكي الله كل خير يا رب

[moonlight_8468]

دكتورة انا كنت سالتك امبارح عن حقن الكورتيزون ارئة الجنين وانا لسة فى السادس وكان فى شك ان فى ثقب فى كيس الماء
انا رحت انهاردة عملت سونار والدكتور قاللى ان حجم المية ممتاز ووضع البيبى كويس ومفيش مشاكل وقاللى ان المية اللى نزلت عليا دى ممكن تكون افرازات وكتبلى على كريم مهبلى وغسول وقاللى مفيش داعى للعلاج لا الكورتيزون ولا اليوناسين بس السونار بتاع الدكتور دة عتيق يعنى ممكن من اكتر من20 سنة مثلا من عمر جوزى لان دة دكتور حماتى والصورة مش واضحة خالص فهل دة كافى انى اطمن على ابنى ولا اروح عند حد تانى يكون السونار بتاعه حديث؟

[lip gloss]

لو سمحتي كنت عايزه اسأل حضرتك عن الادويه دي جرعاتها ايه عشان انا مش عارفه ايه اللي بيتاخد الصبح وباليل وقبل الاكل وبعد الاكل

جريبكسون
توب جنج كاب
ميجافيت
سوبر سليم
فيروتون
بران
نيوترشن فور يور هير
سيلينيوم
فيتامين سي (سي ريتارد)
سيكلوبروجنوفا
فيتامين E (فيتون 100)


انا عارفه انهم حاجات كتير بس انا عندي مشاكل كتير اوي في بشرتي وجسمي وشعري
كنت عايزه اعرف المواعيد اخد كل واحد فيهم امتي ولو في حاجه منهم بتتعارض مع التانيه عشان اوقفها
شكرا

[صيدلانيه عسولة]

جزاكى الله خيرا ربنا يجعله فى ميزان حسناتك

عاوزه اعرف افضل نوع معطر الفم يعنى تكون منعشه وتدوم لفترات طويله وشكرا

وجزاكى يا حبيبتى
والله يا حبيبتى لو فى رائحة غير طبيعية بسبب فطريات مثلا فبنستخدم غسول زى اورالدين
اما لو عادى لبان كلورتس حلو .. وهولز برده جمييل

grapexon يحتوى على (شاى اخضر 300 مجم+ زنك + مستخلص بذر العنب ) وهو بيساعد على التخسيس وكمان كمضاد للأكسدة خاصة لمرضى السكر والضغط
اما ال multi treat فهو يحتوى على شاى اخضر 300 مجم فقط ,مرسى جدا على اهتمامك يا جميل يعنى معنى كدة ان المالتى تريت مش بيخسس اصل الدكتور كتبلى جريبكسون بس دكتور الصيدلية قالى الاتنين زى بعض بالضبط وانا محتارة انا عايزة اللى بيخسس اخد ايهما معلش جوبينى اصل انا قلوقة شوية ربنا ينولك اللى فى بالك

لا مين قال كدا ؟؟ الشاى الاخضر موجود فى الاتنين .. بس خدى ال grapexon افضل

ب

جد ربنا يخليكي لينا يا رب

وانتي فعلا دكتوره عسوله
الله يباركلك يا رب
انا اختي من نوع الي ضغطها واطي بس مش للدرجه دي
هي بتاخد سيدوفاج 500 قرصين في اليوم هي بقالها شهر بتاخده وبتاخد معاه كويك سلم
الدكتور بيقولها ان الشريان الاورطي مش بيوصل الدم للاطراف
وبتاخد حاجات تنشط الدوره الدمويه
الاعرض التانيه قيء وبدوخ جامد لدرجه انها اغمي عليها

بالاعراض اللى بتقوليها دى لو سببها السيدوفاج فعلا يبقى لازم توقفه وتروح للدكتور يغيره او يغير التركيز

اما بالنسبه لي الدكتور معمليش تحليل هرمونات

وبيقول ان الموضوع عندي بسيط انا الحمد لله مفيش مثلا شعر زايد وحاجات من دي
وانا يعني مش تخينه اصلا وبعد السيدوفاج خسيت خالص
وعلي فكره انا كنت با خد نيوترا كروم اخدته حوالي 4 شهور وبعدين قالي وقفيه
وهو بيقولي الدهون نزلت والاشعه نظيفه الحمد لله
بس لسه البريود ملخبطه

وجزاكي الله كل خير يا رب

ربنا يطمنك ان شاء الله ويعافيكى والحجات دى بتاخد وقت وطالما الامور اتظبطت يبقى استنى لحد ما البريود تنتظم وان شاء الله مش هتطول

دكتورة انا كنت سالتك امبارح عن حقن الكورتيزون ارئة الجنين وانا لسة فى السادس وكان فى شك ان فى ثقب فى كيس الماء
انا رحت انهاردة عملت سونار والدكتور قاللى ان حجم المية ممتاز ووضع البيبى كويس ومفيش مشاكل وقاللى ان المية اللى نزلت عليا دى ممكن تكون افرازات وكتبلى على كريم مهبلى وغسول وقاللى مفيش داعى للعلاج لا الكورتيزون ولا اليوناسين بس السونار بتاع الدكتور دة عتيق يعنى ممكن من اكتر من20 سنة مثلا من عمر جوزى لان دة دكتور حماتى والصورة مش واضحة خالص فهل دة كافى انى اطمن على ابنى ولا اروح عند حد تانى يكون السونار بتاعه حديث؟

طيب الحمد لله رب العالمين
اه يا حبيبتى خلاص كدا .. وان شاء الله الافرازات تختفى مع العلاج ..
واسبوع كدا او اتنين وتعملى سونار تانى وتطمنى

لو سمحتي كنت عايزه اسأل حضرتك عن الادويه دي جرعاتها ايه عشان انا مش عارفه ايه اللي بيتاخد الصبح وباليل وقبل الاكل وبعد الاكل

جريبكسون
1-2 كبسول يوميا قبل الاكل
توب جنج كاب
مرتين يوميا قبل الاكل
ميجافيت
مرة واحدة بعد الغدا
سوبر سليم
كبسولة واحدة قبل الفطار بنصف ساعة
فيروتون
مرة بعد الغدا
بران
قرصين او 3 قبل كل وجبة بساعة ويفضل متاخديش معاه اى دوا تانى فى نفس الوقت , افصلى على الاقل ساعتين

نيوترشن فور يور هير
قرص مرتان يوميا
سيلينيوم
مرة واحده صباحا
فيتامين سي (سي ريتارد)
خديه مع السيلينيوم
سيكلوبروجنوفا
قرص واحد يوميا ابتداءا من اليوم الخامس للدورة (كل يوم فى نفس المعاد) لمده 21 يوم ثم تاتى الدورة
فيتامين E (فيتون 100)
خديه مع السيلينيوم والفيتامين سى وريحى نفسك وهاتى selenium ACE فيه التلاتة دول
انا عارفه انهم حاجات كتير بس انا عندي مشاكل كتير اوي في بشرتي وجسمي وشعري
كنت عايزه اعرف المواعيد اخد كل واحد فيهم امتي ولو في حاجه منهم بتتعارض مع التانيه عشان اوقفها
شكرا

ربنا يشفيكى ويعافيكى

[lip gloss]

جزاكي الله خيرا يا حبيبتي معلش تعبتك معايا
بس عندي استفسار تاني عشان افهم بس انا كده فهمت صح ولو غلطانه صححيلي
يعني كده الصبح اول ما اصحي قبل الفطار اخد (جريبكسون,توب جنج,بران,سيلينيوم,فيتامين e, فيتامين c) ؟؟؟؟؟!!!!!
عادي يعني ميجبليش هبوط عالصبح بالصيدليه اللي هبلعها عالريق دي ؟؟؟