[ميرو ميجو]

السلام عليكم ورحمة الله وبركاته
ازيكوا يا فتوكات يا رب تكونوا بخير.
انهردة ان شاء الله هنقول طريقتى فى البيتزا باذن الله تجربوها وتعجبكوا وابقوا ادعولى
المقادير :كيلو دقيق-ذرة ملح-ذرة سكر يعنى معلقةصغيرة -ملعقة كبيرة خميرة فورية-معلقة زعتر مطحون
ربع كوب زيت ونص كوب لبن او زبادى او معلقتين لبن بودرة -ماء للعجن

مقادير الحشو:طماطم مقطعة مكعبات وفلفل مقطع وزيتون مخلى وجبنة موتزريلا والحشو الى تحبيه ممكن تونة او لحمة مفرومة معصجة او جمبرى او سوسييس

الصلصة الى هنفردها على البيتزا : عبارة عن 4 ملاعق كبيرة صلصة نخففها بماء قليل ومعلقة زيت وتوم مفروم وملح وسكر وفلفل اسمر وشطة وتاخد غلوة على النار

الطريقة:هخلط الدقيق والملح والسكر والزعتر والخميرة الفورية مع بعض ثم نضيف الزيت واللبن ونعجن بالماء شوية شوية لحد ما العجينة تلم وتمسك وتبقى مش ملزقة نغطيها ونسيبها فى مكان دافى تخمر

بعد متخمر العجينة ندهن الصوانى زيت ونفرد العجينة ونحط عليها الصلصة الى عملناها والحشو كله اللحمة او التونة والطماطم والفلفل والزيتون والجبنة وندخلها فرن حامى مسخن من قبلها على الرف الى تحت لمدة ربع ساعة او 12 دقيقة او حسب فرنك

ومتنسونيش من صالح دعاؤكم

[السندريلا مونى]

تسلم ايديكى ياقمر

[afafmans]

تسلم ايديكى

[ام سيف و على]

ياريت كان فى صور

[حبيبة زوجها واولادها]

ماشاء الله
تسلم ايدك
وبالهنا و العافيه