[جين صبرى]

عشبة الأس مين سمع عليها .. ولو تدخلى منتدى وتلاقى السعوديات كاتبين عنها اللى تبى شعرها يجرى وراها تدخل
أدخل وألاقى الحل عشبة الأس
بصراحه عملت كعب داير عالعشبه ولاقيت نوعين الأس ولا الياس
حيرتونى ياناااااااااااااااااس
لحد مالاقيتها أسمها فى مصر ميرسين ولاقيتها والله بس لاقيتها لسه حبوب يا حرام
قولت وماله أشتريها وأربيها وأراعيها
وبعدين أستفرض بيها
والنهارده أن شاء الله حزرعها وحستناها براحتها تكبر وبعدين أجنيها وعلى شعرى وشعر بناتى أن شاء الله ححطها
أنا مش ورايا حاجه أنتوا وراكوااااااااا
يامسهل يارب ... ربنا يدينا ويديكوا طولة العمر
سلالالالالالالالالالالالالالالام
وعلى فكره اللى عوزه تسأل عن أى حاجه بخصوص العشبه أنا تحت أمرها

[reda mohamed]

بصراحة دى أول مرة أسمع عنها
ربنا يديكى طولة العمر وتحكيلنا عملتى إيه فى العشبة

[hala_2007]

حبيبتي لية يعني تزرعي وتقلعي عليكي وعلي حراز وهاتيعا من عندة انا جبتها من هناك وهي اسمها الياس وجربتها بس معملتش اللي بيقولة علية بس يمكن انا مستمرتش

[ميمي .ملاك]

مشكوره00000000

[جين صبرى]

رضا شكرا على مرورك وأن شاء الله بحكى لك
ميمى ملاك مشكوره وخليكى معانا أن شاء الله
هاله حبيبتى شكرا على مرورك ده أولا وثانياأنا أشتريت عشبة الأس وفمنتدى آخر تطوعت سيده سعوديه وصورت العشبه وطريقة أستخدامها وهى بتجيب نتائج من أول أسبوع
وقارنتها بالعشبه اللى عندى لا قيت أن فيه أختلاف
وفضلت وراها لحد ماعرفت أن الأس والياس الموجودين بمصر حاجه
والأس المقصود أسمه مرسين وقولت كده للعطار على طول قالى كنتى قولتى كده من الأول وجاب قاروره مكتوب عليها بذر مرسين
قولت يبقى لازم أجربها عشان بنتى لوجى نفسها شعرها يبقى طويل جدا جدا وكمان تبقى راقصة باليه
وعشان كده أجتهدت ولكل مجتهد نصيب
بس دعواتكم كلم لحد ماأجنى المحصول
بس بصراحه خايفه من العصافيرتاكل المحصول بتاعى

[زينة طارق]

السلام عليكم ورحمة الله وبركاتة
من فضلك علميني كيفيه استخدام الياس في الشعر
شكرا

[Om Hassan]

بس انا مرة قريت ان الآس هو الريحان
بصراحة احترت

[جين صبرى]

زينة الطارق شكرا على مرورك وححاول أنزل طريقة الأستخدام بالصور بس أنا لازم أستعين بصديق لأنى مش عارفه أدعى لى
أم حسان شكرا على مرورك الأس له أسماء كتير جدا جدا ومن الريحان أسم من أسمائه بس مش الريحان بتاعنا اللى أحنا عارفينه هما سموه ريحان عشان له ريحه قويه شويه

[Om Hassan]

مشكورة يا قمر على المعلومة

[عمرنا]

اولا عسبه الياس او الاس حاجه واحدة وتختلف تماما عن الريحان المعروف فى مصر
تانيا هى عبارة عن اوراق بيضاويه بطول عقله الاصبع ولها رائحه جيدة تشبه رائحه الكسبرة الجافه على خفيف
تطحن اوراق الياس الجافه ناعم جدا وتنقع كميه تلات ملاعق منها فى 1/2 كوب ماء دافىء وتترك ساعه تم نصفيها وناخد الماء ونستعمله مثل اللوسيون لدهان فروة الراس كلها مع التدليك فى حركات دائريه
يتم ذلك مرة يوميا قبل النوم ويغسل الشعر بالماء فى الصباح
النتائج التى لاحظتها من اول استخدام
لمعه مذهله غى شعرى وانا شعرى جاف اصلا وباهت
حفاف قليل فى الشعر
بعد استمرارى فى استعمالها لمدة اسبوعين تقريبا شعرت ان شعرى طال وانا من الناس اللى شعرهم سلحفاة ينمو ببطء شديد
لم اشعر باى ضرر ملموس منها الا الجفاف فقط وتغلبت عليه بزيت دابر املا وسيروم كريستال الايطالى
ابحثوا جيدا عنها واللى عايزة تشوف صورتها شوفوها على موقع الحواج اللاعشاب

[جين صبرى]

شكرا عمرنا بس أنا لاقيت عشبة الياس وعشبة الأس
ومصر غير قطر الحاجات دى متوفره بالسعوديه والخليج أكثر وأشتريتهم فعلا وقارنتهم بالصور الموجوده لاقيت فيه أختلاف كبير
ولما عرفت أن أسمها بمصر مرسين على طول رحت للعطار وأشترتها بس بذور
والأس اللى عندى عشب غير اللى بالصور والياس لاقيته ريحان
مشكوره بس ياريت نلاقى حد من مصر وعايش بمصر أشتراها برده من مصر وأحنا نشتريها منه هو شخصيا بالسعر اللى يقول عليه
كل اللى أشتروها من دول الخليج وهم بس اللى مدحوا فيها والبذره بالتربه والصور على جهازى وأدينا بنتابع
سلالالالالالالالالالالالالام

[ام الاولاد]

انا زرعته و طلع ايه رايكم يا حلوين .......بهزر هى ديه صورة نبات الاس اى خدمه بس يارب يطول شعر فاطمة و انا عايزه طريقة استخدامه يا قمرات

[جين صبرى]

شكرا على مرورك وحكتب لك الأستخدام

[2nashwa]

مشكورة جدا لانى برده دورت عليها كتير وملقتهاش وكان الناس بعد مسئلهم عليها يضحكو عليه بس كنت عيزه اعرف اجبها من فين

[جين صبرى]

شكرا على مرورك

[misskarmen]

خلالالالالالالالاص يا بنات
انا لقيت الحل
بلاهااا اس و ناسو عل ايه نحتاس
ما النت ماليان وصفات خلاص و قفت على دى
ازرعى طماطم و لا جرجير يا جين بدل و جع القلب و قزقزه العصافير

[جين صبرى]

ماشى يا كارمن يا عفريته
بس أحنا زارعين طماطم فعلا وبطيخ ومانجو وكل اللى تحبيه
وعلى فكره العصافير كلت الزرعه بس مش حيأس

[misskarmen]

هههههههههههههههههههههههههههههههه

اللى نفخ ف صور جوجو القرعه ( على حد وصف مامتها) ينفخ ف صور الباقين
و بعدين مش اقرر انا جوده الطماطم و البطيخ و المانجو و اللذى منو اللى عندكم ؟؟؟؟؟؟

[جين صبرى]

تعالى وعبيلك عربيه
بس أنتى حددى اليوم

[ALZAHRAA]

يا جماعه له الحيره دى بس وعموما يارب يبعد عن زرعك العصافير ياجين