[Marwa Esmael]

.بنتي هتجنيني عندها سنه و3 شهور

ترفض أكل الخضار والفواكه بكل صورها خضار علي ارز مثلا

فاكهه مقطعه او هي تمسكها في ايدها حتي العصير

اللي سهل في الاكل الزبادي والدانيت يعني معظم اللي بتاخده كالسيوم وبروتين والفيتامينات قليله اوي

ساعدوني ارجوكم.

[ريتا ميشيل]

تعالى احط خيبتى على خيبتك ونلاقى حد يقولنا انا بنتى عندها سنه ومش بتاكل حاجه خالص ماعدا الرضاعه

[drnahla]

والله يا مروة دى مشكلتى
بنتى بتشرب لبن بس وسندوتشات جبنة
وقليل لما تاكل بطاطس مقلية
وقليل قوى رز
احيانا جزر او خيار كل يومين
لكن هى بتحب العصائر
والفواكه
والله انا اشتريت لها فيتامينات عشان تعود نقص الحديد عندها
ومش عارفة اكلها ازاى

[Marwa Esmael]

ياعني محدش هيقولي اعمل ايه طب حد ينصحنا احنا التلاته وينوبه فينا وفي عيالنا ثواب ايه ده انا بشحط باين عليا ولا ايه

[بنوته شقيه@@]

اممممممممممممم

تيب ح احاول اشوف لكم حل

يا مروه طيب انتي تقولي انه بنوتتك حتى العصير ماتشربه ..طيب برضو جربي تاني بس اعطيها مثلا عصيركوكتيل انتي اعمليه في البيت وطبعا بطريقه مشهيه يعني لوني لها هوا مثلا(حطي في البدايه شووويه عصير توت مركز في الكاسه وبعدها صبي العصيرات الباقيه مانجو-والفراوله واللي تحبي تحطيه )امكن لما تشوف الكاسه ملونه تفتح نفسها وتشرب

اما يا ريتا
بنوتتك لسه سنه وهيا شكلها مكتفيه بالرضعه ..بس حاولي معاها بصحن فواكه مسلوقه ومهروسه وعليها شويه سكر ..حطيها في صحن ملون وحطي اصباعين بسكوت او ويفر خارجه من الصحن على انها اذن واعملي حركات حتى تلفتي نظرها وانشاء الله تستجيب لك ..

استخدمو مع اطفالكم اسلوب المكأآفاه والثواب..يعني انهم لو خلصو حتعطوهم كيكه ..او يلعبو بالالعاب ..او انها ح تخرج معاكي

كمان لاتنسو التنويع في الاكل ..وطريقه التقديم لازم تكون حلوه

اما انتي يا drnahla فبنوتتك ماشاءالله شطوره وطيب انها تحب العصاير والفواكه

جربو مع اطفالكم وانشا ءالله تطلعو بفايده

وانا ازا لقيت طرق او حلول تانيه راح اقول لكم

تحياتي لكم

[nehad]

هههههههههه
لما بعمل كده لياسين بيلعب في الطبق و بيلحوس نفسه خالص
لا ياكل اللحوم ابدا
ولا فاكهه ولا عصير

[Marwa Esmael]

وانا كمان بنتي استاذة لحوسه وعكاكه درجه اولي ولما اشتكي للدكتور يقولي اديها الطبق وخليها تلغوص فيه والباقي انتو عارفينو طبعا

[بنوته شقيه@@]

صح اتركيها تاكل براحتها ...هذه طريقه الاطفال الخاصه في الاكل

وانتي عشان تريحي نفسك ..حطي لها سفره في الارض ..وحطيها هيا وطبق الاكل في وسط السفره ..وحاولي تفهميها انها ماتخرج عن حدود السفره .. امكن اول مره حتخرج عن حدود السفره لكن بعد كدا ح تتعود ..

[بياض القمر]

صباح الخير/مساء الخير
عليكم أعضاء المنتدى الكرام
بجد يا مروة دى مش مشكلتك لوحدك بس اللى اقدر أعملهولك
إنك تجربى بأشكال غريبة شوية

يعنى نبدأ مثلا" بالفطار إعصرى الموز وأعطيه على هيئة عصير
أو الفراولة
أو إعملى كوكتيل فواكه وحطى عليه قطع وشانيموه وخلة أسنان فى طبق
وحاولى معاها إنك تحببيها فى الحاجة
ذوقيها إنتى أولا" ثم قولى لها لو أكلتى اللى انا عاملاه حجيب لك عروسة
أو أى حاجة هيه بتحبها تانية

الغداء مثلا"
إعملى خضار مسلوق وقطعى عليه الفراخ أو اللحمة
وإضربيه فى الخلاط حتى بنعم الأكل مثل الجربر
معلش الموضوع صعب شوية ولكن بكرة تتعود على أكل الخضار

أو حطلها المكرونة مثلا فى طبق على الارض ومعلقة وراقبيها من بعيد
ايه ايه اللى بتعمله
واياك يا ميرو والضرب علشان الأكل
مش حيجيب نتيجة - بالعكس تماما" حيديكى نتيجة عكسية

والعشاء مثلا اديها بيضه وهيه تاكلها حاولى بجبن مثلثات
حاولى تأكليها معاه زيتون حتحبه جدا"

لك منى التوفيق ......

[بياض القمر]

نسيت أقولك يا ميرو
الزبادى واللبن اللى هيه بتاخده حطى عليع العصير بس
كترى من اللين طالما هيه بتحب منتجات الألبان
والزبادى هكذا حطى عليها الفاكهة مقطعة وناعمى ألى حد ما

وربنا يهديهالك إن شاء الله
وأوعى تنسينى فى الدعاء لما إن شاء الله ربنا يهديها وتاكل كل حاجة
وأوعى بس تدعى عليا لو لا قدر الله ما أكلتش

[Marwa Esmael]

متشكره اوي يابياض القمر بس انا بجيب لها زبادي بالفواكه بتخرج الفواكه من فمها والموز والتفاح جربتهم زي ما قولتي بيسودو من الركنه وبكلهم انا في الاخر وبعدين هي لسه صغيره مش بتفهم الكلام انا بجرب اسلوب الثواب علي اد فهمها ولما بسيبها تاكل هي بتلعب بالاكل مش بتاكل ولما بحط لها علي اللبن حاجه بتميزها ومش بترده تشربه دانا مره حطيت لها معلقه عسل صغيره قوي عليه ماردتش تشربه وكان في البيبرونه معلش دوشتك انا عارفه انها مشكله بس بفضفض شكرا علي مساعدتك

[بياض القمر]

لالالالالا ما فيش مشكلة يا ميرو
انا عارفة احنا بنفضفض وبنشوف حل لمشاكلنا ومشاكل صغارنا

دمتى بود