[dall3 ya dall3]

.بسم الله الرحمن الرحيم

الاول احب اوضح ان الموضوع دة فعلا حقيقى وموجود فى المجتمع العربى ان الراجل يلجا للزاوج بواحدة تانيه او يطلقها قال ايه؟عشان مراته تخنت او تخينه منتهى الانانيه وعدم الشعور بالمسؤوليه الموضوع دة بدا يشغلنى من يوم اما قريت مشكله واحد على منتدى وهقولكم يااخواتى كل التفاصيل

بصوا هوا بيشتكى وبيقول ان مراته تخنت بعد الانجاب وانها مهمله فى نفسها وانه حاول ينصحها لكن مفيش فايدة وانه بدا يتقزز لما تغير امامه بصوا ياجماعه انا شايفه انه عندة حق فى حكايه الاهتمام بالنفس التخن مش عائق للجمال يامه تخان وقمرات وياما رفيعين ورشيقات ومهملين فى مظهرم ودة موضوع تانى للنقاش الموضوع الاهم انه مفكرش لحظه انه مش بايدها انها تخنت بعد الانجاب اذاكان عليها فهى مش بمزاجها دى هرمونات وتغيرات فى جسم المراه وان محدش بيحب يتخن محدش بيرمى نفسه فى التهلكه

اللى غاظنى اكتر ان ردود الرجاله اللى زى سيادته لحل مشكله الافندى انه يهددها بالطلاق او الجواز عليها كما لو انها (ومحدش يزعل منى ) حيوان يهدده لو معملش كدة هحرمك من كذا مفكروش انها بنى ادم المراه بنى ادم بيحس وبيضايق ومحدش يقولى تلاقيه نصحها بالزوق وهى مسمعتش الكلام كلنا عارفين ان احنا معشر النساء بيضحك علينا بكلمتين حلوين كلمه حلوة منه مثلا متبداى (ايه ياحبى انا خايف على صحتك دايت وانا هساعدك) كلام من دة واحنا عارفين ان الرجاله اسطوات فى كدة ميتوصوش فى الكلام الحلو لاجرحها والمفروض انها تلبى رغباته الانانيه بكل بساطه

النهاردة بقى وانا بتفرج علىبرنامج عمرو اديب فى فقرة اسال رجاء فى برنامج القاهرة اليوم كان الموضوع ياحلوات عن سمنه الزوجه بعد الجواز وان فى واحدة جوزها بيهددها بالطلاق لو مخستش لانها تخنت بعد مانجبت ابنهم وركزوا على ابنهم اللى هوة ابنه بردة 17 كيلو عارفين 17 كيلو ياعينى عليها 17 عيب بالنسبه له او ممكن اضعافهم معلش اصل مافيش فيها اى صفه حلوة مقهور الله يكون فى عونه على فكرة انا بتريق عليه عشان محدش يفتكر انه بجد صعبان عليا لا بصراحه صعبان عليا لانه انانى وانانيته هتضرة اهم النوع دة اللى بيقولوا عليهم دماغهم تعباهم وبصراحه انا مكملتش الفقرة بس فى بعض الناس اتصلوا واللى كان رايهم الرجاله طبعا يعنى انها تخس اصله هوة واخدها كدة وحقه انها تفضل طول العمر كدة على اساس انهم مبيتخنوش ومش بيظهر لبعضهم الكرش ومبيقرعوش واسنانهم مبتوقعش على اساس انهم مودلز والمشكله انها حاولت تعمل دايت عشان ترضيه لكن كلامها السم كان بيسمم جسمها فكانت بتكتئب وتاكل اكتر
انا راضيه زمتكم فى كدة ينفع كدة هل اناينه الرجاله وصلت بيهم للحد دة انا واحدة متبعه مبدا ان الاهتمام بالنفس ثم الاهتمام بالنفس ثم الاهتمام بالنفس اه هتقوليلى مهو الرشاقه من الاهتامام بالنفس هقولك ولو متوفرتش او فشلت الست فى انها توصل للرشاقه هل معنى كدة انها خلاص راحت عليها شوفوا معايا ليلى علوى اما كانت تخينه كانت قمررررررررر شيك من الاخر حته شوكلاته التخن مش مقياس للقباحه المقياس الحقيقى للقباحه انك تشوف الست اللى قدامك مهتمه بنفسها ولالا

انا عاوزة اوضح انى مش بهاجم الرجاله او انا من اللىحزب ضد الرجال لا انا مع الحق بدليل انى وضحت انه عندة حق فى اول مشكله مساله الاهتمام بالنفس والشكل وانها غلطانه فى كدة لكن اللى عقد المشكله حكايه تهديدة ليها وان بعض الرجال مش بيفكروا غير فى نفسهم وبس ميهمهمش الانفسه نفسى نفسى وبس وياريت كل واحدة تدخل وتوضح رايها فى الموضوع دة ياقمرات...................

[drnahla]

,والله الموضوع مهم جدا
عايزة اسال كام واحدة ف المنتدى بعد الانجاب رجع جسمها زى ما كان
وهل جوزك لما تغير شكله بعد الجواز بفترة
يعنى طلعله كرش واقرع حبتين
هل بقيتى تتقزى من شكله؟؟؟؟؟؟؟؟؟
ولا الحب بيحلى المحبوب
ويخلينا دايما شايفين اللى بنحبه هو اجمل انسان ف العالم
اكيييييييييد
كلنا الستات جسمنا بيتغير بعد الولادة
ترهل الصدر لازم يحصل مع الولادة
والكرش..........ز
لكن هل بيبقى شكانا اصبح مقزز لدرجة ان اجوازنا بقوا يزهقوا منا وعايزين يطلقونا
ويبداو يهينونا
ولو با التلميحات؟؟؟؟؟
فعلا مشكلة عايزة نقاش
ما هو لو مش عاجبك جسمى بعد الولادة كنت تتفق معاى اننا منخلفش عيال
او
يا سلام لو معاك فلوس هتتجوز بيها
ادينى الفلوس دى اعمل بيها عمليات شد وشفط
وانا ابقى اجمل من الهايفة والنسناسة واللسة
قصدى هايفة ونانسى واليسا
ربنا يهدى:::::::::::::::

[dall3 ya dall3]

صح يانهله اطبخى ياجاريه كلف ياسيدى اعملى يانور عينى عمليات شفط ونبطل انجاب اصل الدنيا خلاص موقفتش عند التخن والرفع خلينا احب من كدة واود من كدة وتسلمى ياقمر

[dall3 ya dall3]

ياجماعه اللى يدخل ويعطى صوته يقول ليه ارجوكم يمكن يصحح وجهه نظر ويفيدنا

[drnahla]

شكلهم رجالة الللى بيصوتوا يا دلع

[رانيـــا الشقية]

طبعا مش من حقه انه يهددها
لازم يعاملها على انها انسانة
لها مشاعر وأحاسيس وبتتضايق طبعا
هى طبعا لازم تهتم بنفسها زى ما انتى وضحتى وده من حقه
طيب يفكر فى نفسه بعد فترة من الجواز
أكيد حصل له تغيرات هل بقى وقتها من حقها تقول اطلق
أصلى ما اتجوزتك كده بكرش وأقرع

[حتة سكرة]

انا مش عارفة يعنى هو شكلة ماتغيرش
لسة مانيكان؟؟؟؟؟؟؟
ماهو اكيد اتغير بعد الجواز هو كمان
ولا هو مش شايف غير الغلبانة دى؟
انا من راى بجد ان اى واحدة جوزها يجي
يقولها انتى بقى فيكى كذا وكذا
تاخدة على المراية وتقولة بص ليا وليك
ولما يبص ويلاقى نفسة كرش شوية
او فشول من الجناب حبتين
مع انة مش بيحمل ولا بيرضع
يبقى هى مش غلطانة
وصح اللى يتجوز ويكع فلوس تانى
مايدفع لمراتة ويخليها اللى هو عاوزة
ماهو دة الجديد جلاص يابنات
الرجالة هتحاول تغير فىينا كل 3او 4 شهور
عشان نبقى على مستوى جمالهم ورشاقتهم
(بلا نيلة)دة احنا لينا الجنة

[dall3 ya dall3]

على رايك يانهله اما غريبه ان فى ستات بيصوتوا من حقه انا استغربت

وفعلا ياحته سكرة احنا لينا الجايه وانا لو جوزى قالى كدة هاخدة فعلا على المرايه وبردة هقوله هوة كدة اذاكان عاجبك الرجاله دول عقلهم صغير ياخواتى

[drnahla]

لا اله الا الله

http://مازا تفعلين ازا لم يعجب زوجك بجسمك

[lol5]

امممممم

مش معقول إنه الواحد يطلق مرته أو يهددها عشان جسمها تغير!!

وبدون الحمل والولادة.. أنا وحدة زاد وزني بعد الزواج، مش كتير.. بس برضه زدت!! هلا معنى هيك إنه زوجي يقول لي والله انتي مش زي ما انت لما تزوجتك؟؟ يا إما ترجعي متل ما كنتي ويا إما خلص بتزوج عليكي أو أطلقك؟؟

عن جد هاي أنانية.. طيب فعلا ما حتى هم بتتغير أجسامهم؟ شمعنا احنا ما بنحكي لهم شي؟ ولا هو لأنه زمان ومازالوا بيضلوا يقولوا :الرجال ما بيعيبه شي؟

لا أنا أعترض.. هاي مش بس أنانية.. هاي وحشية!

مع الاعتذار

[don vito coreleone]

اعتقد ان الرجل اذا احب زوجتة فان موضوع انها تخنت مش هيبقي هو السبب انه يروح يتجوز عليها وبعدين دة طبيعي بعد الحمل والولادة