لسة متمسكة بال( كنبة البلدي )طب تعالي شوفي إختراعي - العضوة *شجرة الصفصاف* هي صاحبة المشاركة
إزيكم يافتاكيتي الحلوين
..........................................
كتير مننا مازالت الكنبة البلدي عزيزة عليه
ومازالت جداتنا وامهاتنا لا يستطعن الاستغناء عنها
لتحملها وصمودها عن غيرها من الركنات الحديثة
خاصة في وجود الاطفال (اللي مكسرين كل حاجة) واهميتها داخل غرفة المعيشة
وفكرتي هي عمل نيو لوك لكنبتنا البلدي وإظهارها بشكل عصري إييييييييييييييييييييه ده
هوا لازم علشان الواحدة تكتب أي موضوع عن أي حاجة لازم مقدمة طويلة عريضة وموضوع إنشا حاجة ملل نيجي عالشغل علطول
بس بصوا الاول أنا معرفتش أنزل صور حقيقية علشان مفيش عندي وصلة من الموبيل للكمبيوتر
فقمت ببرنامج الرسام رسمت الصور علي أد مقدر علشان الفكرة توصل (شفتو الإخلاص ) وكل ده علشان فتوكاتي الغاليين
رد: لسة متمسكة بال( كنبة البلدي )طب تعالي شوفي إختراعي - العضوة *شجرة الصفصاف* هي صاحبة المشاركة
المطلوب ياعسولة منك ليها:
الكنبة (جديدة أو قديمة) مش عتفرق المهم تكون متينة
والحاجات دي نلاقيهم عند بتاع مستلزمات التنجيد :
.
.
لوح اسفنج تنجيد (الرقيق ) سمك 1سم
ولوح أخر سمك 15 سم بتاع شلت الانتريهات
قماش تنجيد الانتريهات اللون والنوع علي زوقك(بس أنا عملتهم قطيفة وشكلهم شيك خالص)
المسامير دي علبة إسمها (المسمار الطوزي)
أول شئ هنقص أرجل الكنبة بالكامل مع ترك واحد سم كده :
وبعدين نجيب السفنج الرقيق ونغلف بيه الكنبة من تحت لفوق ونثبته بالمسامير من داخل الكنبة كده:
ونثببته من الجوانب بالمسامير كده
:
وتقصي مربعين للجانبين وتثبتيهم كمان علشان يبقي كده
:
وتجيبي سفنج الشلت وتقصيه بنفس مقاس سطح الكنبة وتعملي منو كمان مسند الضهر (بديل عن المتنجد قطن التقليدي) :
ياريت الفكرة تكون واضحة
وهاتي القماش المخصص للركنات والانتريهات بالوان شيك وقصيه بمقاس الكنبة مع زيادة بسيطة(تكفي لتثبيته بالمساميل )
وخيطيه في بعضه من الجانبين كده :
وبعدين لبسيه للكنبة وثبتيه من الاطراف كلها كويس
بس خدي باللك إنك تقلبي الكنبة وتثبتي بالمسامير من الداخل علشان المسامير متبقاش واضحة
وإعملي غطاء بنفس مقاس الشلتة والمسند بالقماش بتاعك
ولبسيهم هما كمان وقفليهم كويس
وهاتي قطاقيط صغيرة وإعملي لها أغطية بألوان من القماش بتاعك (علي زوقك)
ولو شطورة أوي ممكن تزودي أفكار من عندك زي الفرنش أو الاحزمة ....الخ
علشان الشكل النهائي يبقي كده:
.
.
.
.
إنتي بقي وزوقك طبعا أحسن وشغلك هيكون أجمل وسواء الفكرة عجبتك أو مش في دماغك ممنووووووووووووووع
منعا باااااااتا اللطش
محدش يلطش فكرتي لأني بجد
تعبت تعبت تعبت
في الرسم والكتابة يعني الموضوع عملاه بضميري
ومتنسيش صاحبتك الغلبانة بحتتة تقييم صغنن
علشان محرمش إفتكاس تاني
سلام ياقمامير
عن قرة كان رجلا يأتي النبي عليه الصلاة والسلام ومعه ابن له فقال النبي - صلى الله عليه وسلم: تحبه؟ قال: نعم يا رسول الله، أحبَّك الله كما أحبه، ففقده النبي - صلى الله عليه وسلم - فقال: ما فعل فلان بن فلان؟قالوا: يا رسول الله مات، فقال النبي - صلى الله عليه وسلم - لأبيه: ألا تحب أن لا تأتي بابا من أبواب الجنة إلا وجدته ينتظرك؟ فقال رجل يا رسول الله: أله خاصة أم لكلنا؟ قالبل لكلكم
رد: لسة متمسكة بال( كنبة البلدي )طب تعالي شوفي إختراعي - العضوة shimaa MF هي صاحبة المشاركة
بصرف النظر عن الفكره
بس انتي فنانه ماهره في الرسم وتعبك في الموضوع واضح اوي ههههههههه
جزاك الله كل خير يارب
0
اللهم أنت ربي لا إله إلا أنت خلقتني وأنا عبدك، وأنا على عهدك ووعدك ما استطعت أعوذ بك من شر ما صنعت، أبوء لك بنعمتك علي، وأبوء بذنبي فاغفر لي إنه لا يغفر الذنوب إلا أنت
2
عادي
........................................
الاطفال
(اللي مكسرين كل حاجة) واهميتها داخل غرفة المعيشة
إييييييييييييييييييييه ده 
حاجة ملل
نيجي عالشغل علطول
وكل ده علشان فتوكاتي الغاليين
