[Gusto]

السلام عليكم بصوا بقا يا بنات انا سمعت كتير عن مشاكل الصابون وقد ايه بيضر البشرة وان الشاورات اللى فى السوق بتسمر بردو !! فقلت مبدهاش اعمل شاور واجرب
اول حاجه جبت صابونه دوف وبشرتها




وحطيتها فى حلة صغيرة ..وعليها نص كوبايه ميه وسبتها تدوب
جبت نص كوبايه رز وطحنتها (بيشد ويعطى نضارة ويبيض و يصنفر )


وحطيتها على الخليط ده
وحطيت معلقه كبيرة حلبه مطحونه (تعتبر مطرية للجلد ومنعمة ومبيضة وتحسن لون البشرة خاصة البشرة الباهتة ومتخفيش ملهاش ريحه ) او لو معندكيش ممكن ترمس مطحون رااائع بردو جدااااااااا ولو عندك الاتنين قشطه اوووى


ومعلقه كبيرة سدر بودره (معروف فوايده للتنضيف والتفتيح والتقشير وكانوا زمان ايام الرسول صلى الله عليه وسلم بيغسلوا بيه وشهم فكانت بشرتهم بتبقا صافيه جداا )



طبعا لو متماسكه بزود ميه لحد ما احس ان الخليط كله تجانس ..بحط بقا الزيوت اللى انا عايززاها
انا حطيت زيت رز جبته من اولاد رجب نص كيلو ب 15 بس مقلكوش عملت سيرش طلع مليان فوايد وغرقان فيتامين ايى وطبعا كلنا عارفين فوايد فيتامين ايى للبشرة دا غير ان ملوش ريحه خالص



وحطيت زيت زتون كمان وزيت لوز حلو وزيت ورد


وحطيت معلقتين كبار لبن لو عندك قشطه يبقى احسن وطبعا اللبن منظف للبشرة


واخيرا ومعلقه كاكاو او قهوة (علشان السيلوليت ) ومؤخرا شركات التجميل اكتشفت فوايد الكاكاو التجميليه لا تعد ولا تحصى ..والقهوة بردو مشهوره جداا فى القضاء على السيلوليت


بعد ما تقلبى كله ويتجانس كويس زودى معلقه عسل ابيض لو عندك

و اقعدى زودى ميه لحد ما تحسى انه لا سايل اوى ولا تقيل ..وبعد ما يدفى هاتى علبه بلاستيك كبيرة شيليه فيها ..وحطيه فى التلاجه وطلعيه قبل ما تاخدى حمامك بساعه وخلصى ودخليه التلاجه تانى علشان ميفسدش
ادخلى بقا بلى جسمك بميه دافيه
افرد الشاور ده على جسمك كللللللللللللللله وبعدين بايدك اقعدى افركى كل مكان فى جسمك وراعى اتجاه الدور الدمويه
وفى الاخر سيبيها خمس دقايق عشر دقايق على قدر ما تقدرى بس انا قبل ما تنشف علطول جبت الليفه بتاعتنا العاديه وقعدت اخد لفه وابل جسمى وادعك جسمى
بس كده غسلت جسمى حسيته نضف عن حمامى العادى والله ..وقلت اكيد مع الاستعمال هيدى نتيجه كويسه اوووى وطبعا الكميه اللى انا عاملاها تكفى انى اخد بيها دوش حوالى خمس مرات فموفره وبتنضف وتحفه
بعدها رحت رشيت على جسمى ميه ساقعه من الحنفيه ونشفت جسمى وقبل ما ينشف حطيت زيت صبار بتاع جونسون وعليه زيت ورد وزيت رز ...طبعا ريحه الورد معروفه ولو مش بتحبى الورد ممكن فل او اى زيت عطرى ..

جربوا وادعولى
ومش منقول على فكرة

[د/بكره احلي من النهاردة]

ممتاز
موضوع جميل وممتاز فعلا و خلطة جيدة

[amlsaad]

يسلمواااااااااااااا يا قمر

[ام يوسف العجمى]

رااااااااائع وكلها حاجات فعلا مفيده للبشره

[لولوه 2000]

شكرا علي الوصفه

[عنود80]

حلوه الوصفه دي لامه كل المفيد ...تن إن ون

مش تو إن ون....وانت تن علي تن ههههههههههههههههه

[سوار كسرى]

شكرااااااااااااااااااااااااااااااااااااا

[فتوكة جديده ام انس ومالك]

تسلمى يا قمرايه

[Gusto]

شكرا يا بنااااااااااااااااااااااااات ربنا يسعدكوا ياااااااااااااااااارب

[محبة عائشة 97]

تسلم الافكار الله ينور ياابيض