انا بقى حكايتى حكايه
انا ساكنه فى شقتى من خمس سنين عمرى مدخلت شقه حد من الجيران وانا مش بكلم حد غير الدور الى تحنى علشان انا فى الدور التانى وهما بصراحه ستتين مش كبار قوى بس قد امى ومعندهمش اطفال وهما ناس كويسين وانا كنت عامله زى الوحيده لان المنطقه مش حلوه وبعيده عن امى وحماتى كمان بينى وبينها عشره دقائق
المهم
دى خلفيه بس
الدور فى شقتين الشقه الى قدامى كانت بتاعه شاب علشان يتجوز فيها فى الاول ابتدى يخبط لو سمحتى كبريت
لو سمحتى معندكيش كوبايه وجوزى مكنش راضى وانا اقوله ده ثواب وعلى فكره انا طول النهار لوحدى من ساعه لما ارجع من شغلى لغايه باليل وبعدين انا مرتحتش لكتر الخبط على لانه بيشرب سجاير وبيت امه على الامه يعنى معقول معندوش كبريت وعلشان انا كويسه والله مش بشكر فى نفسى وعدنى ربنا بالبقال هو شيخ نبهنى قالى انا حقولك على حاجه واخلص ذمتى من ربنا علشان انتو ناس كويسين والواحد مشفش منكو حاجه قالى خلى بالك من الى قدامك علشان دول ناس ملهومش مله متسمعيش غيره صوتهم العالى وبتوع مشاكل وامه شلق
اخدت الكلام ده فى نفسى وقولت خلى بالكوبعديها قابلته على السلم كنت بفتح الشقه وهو بيقفل شقته وبيكلمنى ولقيته بيهرش فىعضوه الذكرى قلت لا مفيش كلام تانى معاه وبقى يخبط على مفتحلوش يقابلنى على السلم معبروش لحد لما اتجوز
وبرده قعد اول 6 شهور من الجواز لا سلام ولا كلام ليه او لمراته ولا هما كمان كانو بيتكلمو لحد محصلت حادثه قدام البيت وفضلت فى البلكونه يعنى بتفرج على البوليس وكده يعنى وهى كمان كانت وقفه ولما جت عينى فى عنيها قولتلها كل سنه وانت طيبه علشان عيد الفطر كان فضله كام يوم وده كان اول كلام بينى وبينها وفضلنا نتكلم من الساعه عشره باليل لحد الساعه6 الصبح تانى يوم وقعدت حكتلى عنها وعن عيلتها وانا كمان وحسيت انها كويسه قوى جوزها لحد ماقلتلى ان جوزها قالها انه كان بيبص على من الشباك بتاع الحمام وكان بيتلصص على من الشبابيك بتاعه الشقه لان احنا شبابكنا فى وش بعض وان كان بيجيب اصحابه علشان بصوا على الجاره الى تحتى لانها كانت علطول بتقعد بهدوم عريانه هى واختها قولتلها هى فعلا اختها كانت علطول عندها وقعدت كلمتنى على الجيران دى اخدته من مراته ودى عملت وانا الى بقالى 5 سنين ومعرفش الكلام ده كله وقالتلى ان جوزها واصحابو بيقفو على القمه وبيبصوا على البنات والستات وبيتكلمو على كل وحده وانت كمان بيقعدوا يقولو دى طخنت دى صدرها كبر دى مش عارفه ايه وانا كنت اسمعها واغلى قولتلها خليكى صوت الضمير ليه تقولى انا عارفه انو بصباس وكنت اسمع منها واغلى وجوزى مكنش عحبه كلامى معاها وانا اقوله دى غيره صدقنى
وكنت ساعات ادخل عندها وكانت تقولى هاتى البنت الصغيره عندى لما تودى الكبيره الحضانه علشان متنزليش بيقى فى الشتاء وجوزى برده مكنش موافق بس اقوله حرام دى لسه ربنا مكرمهاش
