[سيدة من مصر]

السلام عليكم ورحمة الله وبركاته
أخواتي العزيزات أنا عضوه جديده معاكم بالمنتدى وعاوزه مساعدتكم في مشكله حاصله ليا مع إبني ومش عارفه أتصرف فيها إزاي إبني عمره سنتين ومتعلق بيا قوي كل ما أروح في حته بيروح ورايا ولو حبيت إنى أنا أدخل لغرفتي وأقفل الباب علشان مثلا أغير هدومي أو أعمل حلاوه بيقعد يصرخ ويخبطلي على الباب كأنو هيكسروا فبأضطر أفتح له وأدخله معايا غير كده يقعد بصرخ ويبكي ويخبط على الباب لحد ما يجبرني أفتح له وأنا عارفه إن ده غلط بس هأعمل إيه تعبت معاه كتير وبخاف أضربو يعاند أكثر
أرجوكم محتاجه مساعدتكم أعمل معاه إيه لأني تعبانه جدا من الموضوع ده وزهقت منو أرجوكم إللي عندها الحل متبخلش عليا بيه
وجزاكن الله خير الجزاء

[hala_2007]

بصي حبيبتي دي مشكلة كل الاطفال وخصوصا لو كان وحيد بس حاولي معاة واحدة واحدة بالتدريج وحطي امامة اللعب او ضعية امام التليفزيون بس المهم يكون معاة حد في الاول وبعدين حبة حبة هيتعود

[ام مهند]

انا من راي
انه كده طبيعي لانه لسه صغيروهو في السن ده بيبقي متعلق بامه قوي
فلا تنهريه او تزعقليه لانك عنصر الامان بالنسبه له وتلقائي حتلاقيه بقي كويس كل ما يكبر
عوديه براحه انه يقعد لوحده بالتدريج وبرضه لازم يبقي تحت نظرك لان السن ده خطر خطر خطر
يعني ماينفعش تسيبيه لوحده
وبالنسبه للحاجات التي تريدين القيام بها اعمليها وهو نائم افضل واامن
حفظه الله لك وهداه هو وجميع الاطفال امييييين

[سيدة من مصر]

أخواتي الحبيبات أولا كل عام وأنتم بخيير بمناسبة عيد الأضحى
شكرا أخواتي على تفاعلكن مع الموضوع المشكله إنو مش بيرضى يقعد إطلاقا مع أي حد غيري ممهما يكون قدامه لعب بيقعد يلعب وأول ما يشوفني رايحه في حته يسيب اللعب كلها ويجري عليا فموش بيرضى إطلاقا إني أسيبه مع أي حد وعاوزني قدامه علطول ولو قفلت على نفسي باب الأوضه بتبقى مشكله يقعد يخبط على الباب جامد كأنه هيكسره ويعيط علشان كده بغير هدومي بسرعه جدا وبخرج له بس المشكله كلها لما أحب أعمل السويت لما أقفل علي الأوضه وأغيب جوه بيقعد يصرخ ويخبط على الباب جامد وأنا الصراحه بخاف عليه لأنو ساعات بيقعد يخبط راسه في الحيطه لو قعد يعيط كتير وأنا مفتحتلهوش وكده بيجبرني إني أفتح له بس طبعا أنا بغمي له عيونه لحد ما أخلص لأني بقول إذا كررها وأنا غميت له عيونه مع التكرار هيزهق من كده ومش هيقعد يعيطلي علشان أفتح له موش عارفه إذا كان ده صح ولا لأ أنا جربت الموضوع ده مرتين لحد دلوقتي
والمشكله إني مش بأعرف أعمل الأشياء الخاصه دي وهو نايم لأن أغلب أو قات نومه بيبقى باباه موجود وأنا بتحرج من عمل هذه الاشياء الخاصه وفي حد موجود في البيت والأوقات إاللي ببقى فيها لوحدي في البيت بيكون هو صاحي
عذرا على الإطاله بس حبيت أشرح لكم أبعاد المشكله
كل عام وأنتم جميعا بخير

[sanfoOora]

الله يعينك لان اختي كده وامي الله يصبرها مره طفشت ترى اصبري لان اختي من سنتين او3 على هذا الحال الى دحين عمرها 8 سنوات بس دحين تسيبها بس مستحيل تسيبها اذا حتخرج مكان ولما تنام لازم تنام جنبها وذا قامت من النوم ومالقتها تبكي

[مدام صافي]

اهلا اختي
ممكن اعرف ابنك عمره كام سنة

[سيدة من مصر]

اهلا اختي


ممكن اعرف ابنك عمره كام سنة

أهلا أختي إبني عمره سنتين

[مدام صافي]

هذا السن أختي انت له كل شئ وبعدك عنه سيأخذ فترة طويلة ولعل هذا يحتاج منك الصبر لكي تستطيعي أن تتحرري منه ويتحرر منك بعض الوقت اخلطيه مع أطفال من سنه تقريبا وأكبر ولا تيأسي من أول مرة الحقيه بحضانة مثلا يمكث بها لمدة ساعتين فقط وزودي المدة بشكل تدريجي ولا تضعفي للبكاء طفلك وهذا من الأمور الهامة أن يبدأ يعتمد علي نفسه بغض النظر عن ظروفك أو ممكن تتركيه مع من تأمنيه ويعرفها اختك مثلا .... زوروي أقاربك من لديهم نفس عمر ابنك تقريبا ودعيهميجلسوا في مكان غير التي تجلسون انتم فيه يعني اعطي له الفرصة لتعامل مع غيرك في نطاق محدود وفقكي الله أختي وحفظ لكي طفلك وهداه

[سيدة من مصر]

شكرا وفي إنتظار المزيد من الردود

[فتكات]

ايوة دلوقتي فات شهر و اكثر انتي قوليلنا عملتي ايه ؟
الوضع اتحسن شوية ؟

[فراشه زرقاء]

شوفي رابط موضوعي ده يارب يفيدك

forums.fatakat.com/thread11459

[@ام حمودي@]

الله يعينك ياسيده من مصر قد قريت مشكلتك في موقع اخر الله يصبرك ولازم اطفال واختي لحد الان متعلقه فيها مره عادي ويمكن اذا رزقكم الله ببيبي ثاني راح ترتاحي