[prettyangel]

ها يا فتكوات عاملين ايه
هسالكم السؤال بس عايزاكوا تردوا بموضوعية وتقولوا الاسباب ممكن؟؟
امبارح كنت بتكلم في البيت مع اسرتي
في موضوع معين
وحبيت اعرف رايكم فيه
يا ترى يا فتكات
لو ليكي اخ او ابن
وحب يتزوج من بنت معينه
وانتي عارفة ان البنت دي اخلاق جدا وملتزمة
بس للاسف اتعرضت لمحاولة اغتصاب
يا ترى هترضي
انك تزوجيها
لابنك او لاخوك
انا عايزة رد صريح واسباب مقنعة
بس قبل ماتردي فكري في راي الدين
وفي انك بتعاملي ربنا
لان في حكاية انا عايزة احكيلكوا عليها
ممكن؟؟
بس انا عايزة اعرف ردودوكم الاول
ها قولولي
ممكن تختمي قراتك بقولك سبحان الله وبحمده
سبحان الله العظيم

نحكي الحكاية بقى
بصوا يا فتكوات
الحكاية دي فعلا حقيقة
وحصلت لبنوتة (للاسف الله اعلم بقى بحالها)
البنت دي كان عمرها 16 سنة
واتعرضت لحادثة اغتصاب
ولما راحت كشفت
اتقالها انه هي اتاثرت
بس
وقالتها اطمني
كلها كام شهر وترجعي تمام تاني زي الاول
بس ابقي تعالي اكشفي تاني عشان اطمن عليكي
المهم في اجازة الصيف البنت دي اتقدم واحد ليها
مامتها حظرتها من انها تقوله
بس هي رفضت وصارحته بالحقيقة
وما كان من الولد
الا انه
صدقها وقبلها بحالها
وبعد مرور تلات شهور
وكان الكلام دة في رمضان
كانت هي وهو ماشيين
وكانت الساعة عشرة بليل
بس كانت فعلا الدنيا صاحية وزحمة(مع اني ارفض اصلا خروجهم مع بعض)
بس هما كانوا خلاص هيدخلوا اصلا على العيد
وبيفنشوا حاجتهم
المهم
كانوا ماشين
وخرج عليهم عشرين ولد (على حد قولها وقوله)
ومسكوا خطيبها ضربوه
وخدوها منه
في الشارع
قدام الناس كلها
وللاسف تناوبوا الاعتداء عليها
ورجعت بيتها تاني يوم الصبح
وخطيبها بقى
خدها من اصيرها وفلسع
البنت دي فعلا انا اعرفها
ولا ازكيها على الله
ولكن احسبها على خير
واعلم تماما انها صادقة في كل اللي بتقوله
لاني اكاد اكون معاصرة معاها الحادثتين
البنت دي فكرت انها فيما بعد
تخدع اللي يتقدم لها
لانها اتعجبت جدا من موقف خطيبها
انت قبلت بها بدون ما تعرف اذا كانت
صادقة ولا لا
ولما اتعرضت للموقف دة قدامك
اتخليت عنها

تفتكروا بجد
واحدة زي تعمل ايه؟؟؟؟َ!!!!!!!!!!!!
انا بجد كل ما اكلمها او اشوفها
بحس اني موجوعة اوي لحالها
اااااااااااااااااااااااااااااااااااااااااااااااااا ااااااااااااااااااااااااااااااه

[prettyangel]

ها يا فتكوات انتوا مش قلتوا انكم هتردوا؟؟؟؟؟؟؟؟؟؟؟؟؟؟؟؟؟
تخ شكاكوا كدة رجعتوا في كلامكم ولا ايه
بجد عايزة اعرف رايكم

[raghoda]

بصى حبيبتى اولآ انا حرد و اقولك الاسباب بعد الرد:
انا عن نفسى حوافق ليه بقى:
1- عمليه الاغتصاب ليست بأرداتها يعنى هيه مكنتش راضيه و كان غصب عنها
2- لو اخويا بيحبها فعلا و واثق فى اخلاقها اكيد حشجعه على الارتباط بها
3- مش ممكن البنت ديه تروح تعمل عمليه صغيره و تبقى بنت و تخدع الانسان اللى حتجوزه ممكن ولا لآه ؟ يبقى ليه نرضى بالغش والصراحه افضل بكتير ..
4- و لو المجتمع موقفش جنب الحالات ديه مين اللى يوقف جنبهم ديه حالات مالهاش ذنب

ده رأى و مقتنعه بيه

[فدووو]

انا كمان لو اتعرض للموقف ده هوافق علشان هيه ملهاش ذنب فياللي حصلها ده ومادام اخلاقها كويسه ومعروفه باخلاقه المحترمه ايه المشكله؟

[اسكندرانى]

الصراحه انا متردده
بس لو البنت فعلا مؤدبه ومحترمه يبقا ليه نرفض
فعلا ممكن تكون واحده تانييه عامله نفسها مؤدبه وهى فى الحقيقه........
اسباب موافقتى:
* لو واحده قريبتى هى اللى اتعرضت للموقف ده اكيد هبقا متعاطفه معاها جدا لانى واثقه فى اخلاقها واللى ارضاه لنفسى ارضاه لغيرى

* حرام عليا أشيل ذنب انسانه بريئه

* البنات الموثوق فيها الزمان ده قلائل

[برتقال سكرى]

بصراحة أنا مش عارفة
بس يا رب ما أتحط أبدا فى الموقف ده

[رانيه]

طبعا راح اوافق اذا كانت بنت ملتزمه لانها بسساطه اتعرضت لحادث مش بارداتها

[prettyangel]

بصى حبيبتى اولآ انا حرد و اقولك الاسباب بعد الرد:
انا عن نفسى حوافق ليه بقى:
1- عمليه الاغتصاب ليست بأرداتها يعنى هيه مكنتش راضيه و كان غصب عنها
2- لو اخويا بيحبها فعلا و واثق فى اخلاقها اكيد حشجعه على الارتباط بها
3- مش ممكن البنت ديه تروح تعمل عمليه صغيره و تبقى بنت و تخدع الانسان اللى حتجوزه ممكن ولا لآه ؟ يبقى ليه نرضى بالغش والصراحه افضل بكتير ..
4- و لو المجتمع موقفش جنب الحالات ديه مين اللى يوقف جنبهم ديه حالات مالهاش ذنب

ده رأى و مقتنعه بيه

ربنا يكرمك يا رب انا كمان معاكي جدا

[prettyangel]

انا كمان لو اتعرض للموقف ده هوافق علشان هيه ملهاش ذنب فياللي حصلها ده ومادام اخلاقها كويسه ومعروفه باخلاقه المحترمه ايه المشكله؟

جزاكي الله كل الخير فودووو

[prettyangel]

الصراحه انا متردده
بس لو البنت فعلا مؤدبه ومحترمه يبقا ليه نرفض
فعلا ممكن تكون واحده تانييه عامله نفسها مؤدبه وهى فى الحقيقه........
اسباب موافقتى:
* لو واحده قريبتى هى اللى اتعرضت للموقف ده اكيد هبقا متعاطفه معاها جدا لانى واثقه فى اخلاقها واللى ارضاه لنفسى ارضاه لغيرى

* حرام عليا أشيل ذنب انسانه بريئه

* البنات الموثوق فيها الزمان ده قلائل

معاكي حق جدا يا ريس اسكندراني انت
وفعلا هي اصلا مالهاش ذنب في اللي حصل

[prettyangel]

بصراحة أنا مش عارفة
بس يا رب ما أتحط أبدا فى الموقف ده

امين يا رب برتقال
بس لازم تعرفي وتقولي لينا؟؟؟؟؟؟؟؟؟؟؟؟؟

[prettyangel]

طبعا راح اوافق اذا كانت بنت ملتزمه لانها بسساطه اتعرضت لحادث مش بارداتها

ربنا يكرمك يا رانيا وانا معاكي اوي في اللي انتي بتقوليه

[rehab]

أنا من رأيي رغدا جداااااااااااا

[prettyangel]

يارب ربنا مايعرض حد فينا لاي حاجة من هذا القبيل
ويستر علينا وعلى بنات المسلمين يارب
ها انا عايزة اسمع اراء باقي الفتكوات
بجد انا عايزة احكي ليكم الحكاية علشان هي وجعاني اوي
وللاسف حصلت لحد قريب اوي ليا
وحاسة اني موجوعة اوي
بس مستنية اعرف باقي الردود
اللهم استرنا فوق التراب وتحت التراب ويم العرض والحساب


عندي تعليق صغير(على فكرة لو لا قدر الله اتحطيتي في موقف زي دة احتمال بنسبة 99% تغيري رايك)

[drnahla]

اكيد هوافق لو اتاكدت من اخلاقها
لان الموافقة ع الزواج والرضا بمثل هزة الحالة تتوقف ع الزوج
ولو الزوج موافق
فلمازا انا ارفض؟؟؟؟؟

[ام بسنت]

هو الاساس اللى حيجوزها لازم يكون مقتنع من جواه وموافق وراضى وينسى الموضوع ده عشان مياثرش على حياته فالمهم فى الموضوع هو صاحب الشان اللى حيتجوز هو اللى حيعيش معاها ولازم يقدر ان ملهاش ذنب وغصب عنها
وربنا يسترها على وليانا يارب

[prettyangel]

ربنا يكرمك
ام بسنت ودكتور نهلة
ويارب يكون هي دي طبائعنا في التعامل مع الناس
اننا نكون متحابين وبنخاف كدة على بعض
ويارب برضه ربنا ما يعرض اي حد فينا لموقف زي كدة
اللهم استرنا فوق التراب وتحت التراب ويوم العرض والحساب

[nona.ezzo]

موضوع جميل للنقاش لانى بحس ان الايام دى بنفتقد الاهتمام به
وانا شايفه انه مافيش مشكله طالما ان الشخص ده بيحبها ويحترمها
وهى اكيد مظلومه ومالهاش ذنب ووقعت ضحيه لهذا المجتمع ومن الظلم اننا نكون عليها احنا والزمن
وربنا يستر على بناتنا