[ديكوراتى]

بسم الله الرحمن الرحيم
sara naser
مرحبا كيفيك؟
صعب عليا جدا انى اقولك الحل السليم من غير ما اعرف
تفاصيل اكتر زي مثلا مقاسات الغرفة الطول والعرض ومكان فتحة الباب والشباك وقطع الاثاث داخل الغرفة علشان اقدر
اتخيلهل واديك حل عملي
ونصيحتي مؤقتا انك ممكن تلجأي للفرش بطريقة غير تقليدية
تؤدي لجعل الغرفة شبه مربعة
زي مثلا تضعى السرير تقريبا فى وسط الغرفة يتجه ناحية فتحة الباب مثلا
وظهره للفراغ المتبقى بالغرفة
وتضعي مكتبة برفوف مفتوحة خلف السرير
وتستغلي نصف الغرفة الفارغ بمكتي للدراسة اي كانك قسمتى الغرفة نصفين واحد للنوم وواحد للدراسة واللعب مثلا
او العكس..
وساحاول شرح رايي بصورة تقريبية

[ديكوراتى]

ادخلو الموضوع دا
موضوع ان شاء الله يفيدكم وحلو قوى
وحطيت فيه صور على ذوقى
http://forums.fatakat.com/showthread...801#post316801

[nehad]

مشكوره للديكورات
انا يا حبيبي عندي كتاف في الشقه منتشره في كل الاوض تقريبا ماعدا النوم و بتهدر معايا في المساحات كتير ماعدا السفره لاني حطيت البوفيه بين كتفين
ممكن تقوليلي اذا ممكن أستغلها؟

[smsma amr]

اختى العزيزه مهندسه الديكور
شكرا على مجهودك بس عندى مشكله انا عروسه وبختار كل حاجه فى شقتى لوحدى وبنفسى ممكن اتتعبك واستشيرك فى حاجه انا عايزه اعمل الوان طلاء الجدران فى شقتى الوان فاتحه جدا لان المساحه مش كبيره اختر للنوم الون الروز المائل للابيض وللرسبشن السيمون المائل للابيض يعنى عايزه افتح درجه للون وفاضل غرفه هتبقى للمعيشه مش عارفه اعملها لون ايه مع العلم ان لون سيراميك الارضيا واحد وهو لون متدخل من الروز والسيمون والبيج ومعاش اتعبك سوال كمان بلنسبه لغرفه النوم انا بحب اثاثه يكون الون البنى المحروق او الوان الخشب الفاتحه هتبقى حلوة مع لون الغرفه
وشكرا تعبتك

[شيرى]

انا بجهز شقتى لوحدى وزوجى مسافرحسه انى مش عارفه انسقها خالص هقولك انا عملت فيها ايه جبت السيراميك عسلى فى بيج والبياض محتارة فى لونه بس بفكر اعمله لون سن الفيل او افتح شويه وببان الشقه بفكر تكون بيضاء او لون الخشب الطبيعى بس فيه لمعه ده مبدئيا لسه مفكرتش فى حاجه تانيه عايزاكى تقوليلى ايه رايك وتنصحينى بايه

[ديكوراتى]

بسم الله الرحمن الرحيم
raghoda
لا تعب ولا حاجة انا باذن الله معاكى وسالي زي ما انتى عايزة...
بصي ما فيش قاعدة معينة تخلينا نقول دا لايق ودا مش لايق
عينيكي هيا الميزان وشطارتك انك توزعي الالوان فى المكان ..يعني ايه؟
يعني جبتي الخشب بنى والستائر نبيتي وفيها لمسات ذهبي وشوفي لون السيراميك ايه...وماتخرجيش عن درجات الالوان دي ...ووزعيها فى المكان يعنى حطي السجاجيد بيج في بنى وفيها لمسات نبيتي ..حطي فازة ورد كبيرة بنى وفيها ورد بيج فى نبيتي....تابلوهات على الحيطة براويز بني بنفس درجة لون الخشب بتاعك والتابلوه يكون يجمع بين البيجات والبنيات والنبيتي ... ابا جورة قعدتها خشب بني والشابوه نبيتي...وهكذا..وزعي الوانك فى كل التفاصيل الصغير والاكسسوارات فى البيت مهمة بتنطق المكان..
المطبخ الوانه متقاربة وحلو ة باذن الله اختاري لون بقى بتحبيه برتقالى مثلا او ازرق...او فسدقي... مثلا اخترنا برتقالي يبقى خليه يكون فى سجادة المطبخ (وفيه نوعية مخصوصة لسجاجيد المطبخ حتلاقيها وتر بروف)...واعملى ستارة بيج والبرقع بتعاها كروهات بيج فى برتقالي...وهاتى كل اكسسوارات المطبخ والدلع بتاعه برتقالي...وعلقي تابلوهات بيج فى برتقالي ..ومسكات الفرن والبرطمنات وشمع برتقالي كدا يعنى موصكيش حتلاقي المطبخ نطق كدا وظهر...

اليك تنسيق بنيات مع نبيتى ..

[ديكوراتى]

بسم الله الرحمن الرحيم
nehad
بخصوص الاكتاف حلولها كتير ان حقولك بشكل عام لاى مش شليفة الوضع عندك ازاي بالظبط ..
وعماة الاكتاف بتبقى ميزة مش عيب لما تستغليها كويس..
وبشكل عام برضه هيا بتديكي تركيز على اللي بينها يعنى لو حطتي نص عمود جبس على الكتاف اللي حطتي السفرة بينهم حيدوكي شكل حلو اوي
1 - ممكن تجيبي نجاريجلدها خشب ويعملك بيت للنور ينزل منه اسبوتات ويعملك رفوف او تعلقي مرايا او بروازويقفلك النص اللي تحت بجزامة مثلا ..
2- ممكن تيجي على الحائط اللي فيه الكتف وتفصلي دولاب كبير حيظهرلك عدل من الخارج وحيداري الاكتاف وتتعمل زوايا مكان الاكتاف من الخلف علشان الدولاب يدخل ....
3-اشكال جمالية مثلا تعملي ارشات واصلة بين الكتفين بتدي شكل حلو فى المكان وممكن تضيفي حديد فيرفروجيه حول الاكتاف..او تاكدي وجودهك بانك تدهنيهم لون تانى او تجلديهم بورق الحائط اللي شبه الطوب وتطلعي منهم بكام طوبة من كل جنب بشكل عشوائي..
هيا بصراحة حلول كتير بس حسب الغرفة ومكان الكتف فيها واليك بعض الصور ستفيدك باذن الله

[ديكوراتى]

بسم الله الرحمن الرحيم
smsma amr
ان شاء الله ما فيش تعب ولا حاجة وانا متبعاكي..ومبروك وربنا يتمملك بخير بس ماتنسيش تدعيلي..
حديلك القاعدة الذهبية
خدي حتة من بلاطة السيراميك بتاعة شقتك خلى الصنايعي يكسرلك حتوة من البلاطة وخليها معاكي دايما فى شنطتك وخديها معاكي وانتى بتختاري الدهنات..
بصي برضه بشكل عام المكان بيوسع بالوان فاتحة ومريات واضاءات عامة وجانبية كتير وتحطي سجاد صغير على الرضية ولوحات كبيرة نواعا ما عى الحيطة وتخلي الستائر فاتحة برضه وتحطي سبوتات وكدا....
بالنسبة لغرفة النوم الروز فى بني حلو بس حقولك حاجة فى الف درجة روز والف درجة بنى وممكن نفس اللونين مع بعض يبقوا قمة فى الشياكة ونفسهم برضوا يبقوا بلدي..وحاولى تخلي الحيطة ورا الرير متميزة تظهرلك الغرفة اعمليها سبونج مثلا او ريهات بالطولروز فى بنى..
الفرق انك تختاري الدرجات المتناسقة مع بعض ودايما تمشي معاكي عينة من الوانك يعني لما تدهني الحيطة تخلى صنايعي يجبلك خشبة صغيرة عليها لون الحيطة ومعاكي حتة من السيراميك ويا ريت حتة خشب بنى بلون خشب الاوطة وهكذا علشان تختاري كل حاجة على نور مش من خيالك...
مهم برضه بالنسبة للالوان الصنايعية لما بيضربوا لون يعني بيلونوا الابيض ببدورة لون مش دايما بيطلع اللون مظبوط ..الافضل انك تخليهم يضربوا لون روز فاتح مثلا ويدهنوا وشين للحيطة والوش الاخير روحى اشتري لون مضرب جاهز مثلا من سكيب او اي شركة كبيرة حيطلع مظبوط اكتر وهما كمان حيساعدوكى فى اختيار اللون وتاخدي السيراميك معاكي ولون الخشب وكدا..

[nehad]

تسلميلي يا قمر
بس معلش في شئ تاني انا عندي البلكونه بدخله صغيره عن الريسيبشنوهي علي جنب مش في سنتر الصاله يعني هيه علي اليمين و علي الشمال وصلات للتكيف لسه معملتوش يعني البلكونه عامله زي حرف uمقلوب لجوه الشقه والستاره حطيتها عليها بس مع ان كان نفسي أعملها من الحيطه للحيطه لشكل احلي
بس ممكن تقوليلي أجملها ازاي والمكان لا يحتمل وضع كراسي فيه أنا حطيت زرع علي الارض

[ديكوراتى]

بسم الله الرحمن الرحيم
شيرى
ربنا يرجعلك جوزك بالسلامة..وعيزينك تطولي رقبتنا ويجي يلاقي مفاجئات سارة..
وانا معاكي اساليني فى اي حاجة وربنا يقدرني وافيدك..
اتفرجي على صور كتير وفيه حركات بسيطة وما تكلفش ممكن تبقى روعة وتنلك مستوى الشقة لفوق..
ادخلي على الموضع دا
http://forums.fatakat.com/thread27726
مبدئيا الاختيارات اللي في بالك متناسقة ورقيقة..

[raghoda]

الف الف شكر على اهتمامك و ان شاء الله اعمل بنصيحك لآنها فعلا هايله متشكره جيدا على طول صبرك معايا

[ديكوراتى]

nehad
تسلميلي يا قمر
بس معلش في شئ تاني انا عندي البلكونه بدخله صغيره عن الريسيبشنوهي علي جنب مش في سنتر الصاله يعني هيه علي اليمين و علي الشمال وصلات للتكيف لسه معملتوش يعني البلكونه عامله زي حرف uمقلوب لجوه الشقه والستاره حطيتها عليها بس مع ان كان نفسي أعملها من الحيطه للحيطه لشكل احلي
بس ممكن تقوليلي أجملها ازاي والمكان لا يحتمل وضع كراسي فيه أنا حطيت زرع علي الارض


ضيفي اضاءة عليها علشان تظهر متبقاش مهملة ...وتعطي وسع للمكان
وحول الزرع ممكن ترمي خدديات حلوة كدا وفازات كبيرة فخار مثلا وطالع منها حرف مفرش ولا ايشارب..وممكن تحطي بانكيت ظريف كدا او لو المكان ينفع حطي كورنر ظريف..

[ديكوراتى]

الف الف شكر على اهتمامك و ان شاء الله اعمل بنصيحك لآنها فعلا هايله متشكره جيدا على طول صبرك معايا

تسلمي يا قمر وانا موجودة وتحت امرك وان شاء الله ربنا يقدرني وافيدك

[ديكوراتى]

فينكم يا فتوكات
يا ريت فتوكة مرت بتجربة عمرة فى بيتها
تدخل وتحكيلنا الخطوات وغيره
اسال مجرب ولا تسال...

[ام رحمة و جنة]

السلام عليكم ا ولا اشكرك على موضوعك الرائع دة واللى بيفيد ناس كتييييير زى انا كدة ثانيا بقى انا عندى ليكى اسئلة كتير وارجو انى مبقاش بتقل عليكى انا باسس شقة جديدة ونفسى اعمل ابواب الاوض مدورة و لكن استيل الشبابيك وباب الشقة مربع ينفع دة ولا بيبقى بايخ واسفة للاطالة

[ام سيكا]

[ديكوراتى]

السلام عليكم ا ولا اشكرك على موضوعك الرائع دة واللى بيفيد ناس كتييييير زى انا كدة ثانيا بقى انا عندى ليكى اسئلة كتير وارجو انى مبقاش بتقل عليكى انا باسس شقة جديدة ونفسى اعمل ابواب الاوض مدورة و لكن استيل الشبابيك وباب الشقة مربع ينفع دة ولا بيبقى بايخ واسفة للاطالة

وعليكم السلام ورخمة الله وبركاته
اشكرك وفى انتظار اسئلتك اسالي براحتك
ممكن تجمعي بين الابوب الي فيها اشكال دائرية والشبابيك بزوايا قامة .. خاصة وانك اكيد حتحطى ستائر على الشبابيك ومعظم السائر موديلاتها فيها دورانات..

ودي شوية ابواب علشان تاخدي فكرة..وعامة حتلاقي الابواب الخشب جاهزة وانتى حتختاري الموديل اللي يعجبك..



وممكن تعملي لباب الشقة اذا حبيتي اي تصميم حول الباب يخلي مظهره دائري زي كدا

[ديكوراتى]

ام سيكا
تسلمي يا قمر