[مها مصطفي]

شكرا يا قمر علي اهتمامك بصي يا ستي انا عايزه اعمل الصالون والسفره السيراميك الباركيه واعمل الحيطه موف في رصاصي علي فضي كده مخططه ورق حائط عشان عايزه اعمل الصالون موف والخشب بتاعه فضي ماكسد ايه رايك وهجيب السفره لونها بني غامق مات بس الكراسي تنجدها هيبقي علي موف برضه ايه رايك هيبقي حلو ولا....... ده الصالون والسفره.....اما الباقي هقولك عليه بعدين عشان مش تزهقي مني شكرا

[theredrose]

شكرا كتيير على الموضوع المفيد
شوفي يا ستي
انا غرفتي النوم مليت كتير منها وبدي اغير فيها بس ما بقدر ادفع تكاليف كتير الميزاننية محدودة
مساحة الغرفة 16م مرع ليها شباك من الجهة الشمالية في منتصف الوجهة 1.5*1.5 متر . باب الغرفة الرئيسي على الوجه الشرقية من جهة الزاوية الجنوبية وباب الحمام من الجهة الشرقية في منتصف الواجهه الشرقية كلا البابين 1.2*2م لون الخشب ايض لماع مع بعض النقوش البنية على السرير والخزانة والتسريحة السرير له تاج شبه داري متوسط الحجم يحتوي على مراة "كسرت وازلتها اصبح القوس الداري فارغ" والتسريحة لها شكل زاوية بمراتين من كل جهة وقاعدتها على شكل قطع دائري ضلعه 1.2م الخزانة كبية تحتل 3/4 الوجهة الجنوبية وتتوسطها السرير يتوسط الواجهه الغربية والتسريحة على الزاوية الشمالية الشرقية وخزانة تعليق الثيب 0.9م عرضها بين باب الحمام والباب الرئيسي وهناك علاقة ثياب طولية "عمود" لونها بنفسجي سيء اخفيتها خلف باب الغرفة وكرسي التسريحة اسطواني لونه بني فاتح
الاكسسوارات في الغرفة عبارة عن صورتين لزفافي يعلوان السرير تقريبا على اطرافه تتوسطهما مسكة العروس خاصتي ولونها ابيض وبعض النثور البنية يعني نفس لون الغرفة مع بوكيه ورد ابيض وبني في زاوية التسريحة
ستارة الغرفة مش حلوة نهائيا عبارة عن ستارة بيج وبني بس فواتح كتير وفيها شوية لمعة القماش حلو بس الموديل هو اللي مش حلو ولون الجدران زهري فاتح يكاد يكون ابيض والسقف ابيض.
اعتقد هيك بتقدري تتخيلي الغرفة
لو كانت عندك هاي الغرفة بميزانية معقولة يعني 500 دولار تماما كيف بتغيريها
وشكرا سلف

[ديكوراتى]

بسم الله الرحمن الرحيم
اخواتى الحبيبات
وحشتونى جدا واعتذر عن تاخري عليكن فى الردود
كنت بصيف
حرتب اموري باذن الله انتظرونى خلال يومين حبدا الرد على الاسئلة
من صفحة 3 باذن الله لغاية اخر سؤال
وححاول اعمل ملف متكامل فيه ردرود على الاستفسارات المتشابهة
علشان لو كنت غايبة تقدروا تستفيدوا من الاجابة دون الحاجة لانتظاري ...
واعتذر مرة اخرى...وان شاء الله اقدم لكم اجابات شافية واكوزن عند حسن ظنكم
اتفرجوا على حبة الصور دي مؤقتا

[ديكوراتى]

[إبتســـــــــــــامه]

ربنا يكرمك
صور فرش الانتريهات بالذات اكتر من رائع
عمليه وواقعيه ومنطقيه مش عارفه اشكرك ازاى
ربنا يرزقك الزوج الصالح عاجل غير اجل يارب
ويرضى عليكى

[dalia.com]

الف حمدالله على السلامة يا بشمهندسة
انا عضوة جديدة معاكم عرفت الموقع من كام اسبوع ودخلت
وقريت كل اسئلة الاعضاء وكل اجابتك عليهم واستفدت جدا
وكنت محتاجة منك مساعدتى فى شقتى انا لسة
مش عملت فيها اى حاجة غير السيراميك بس هو لونة ابيض
وفى مجرد خطوط رفيعة جدا وبسيطة رمادى
ولكن للاسف لقيت حضرتك غايبة ومفيش ردود خالص
على اخواتى الاعضاء وفقلت انتظرك عقبال ما ترجعى بالسلامة
والنهاردة عرفت بوصولك بجد نورتى وياريت مش تغيب عننا تانى

انا المفروض الايام دى هاختار الوان الشقة انا هانزل شكل بسيط لتقسيمة الشقة
عاوزة اعمل الوان هادية ومتناسقة انا فكرت فى كام لون بس قولت تساعدينى احسن عشان مش الخبط الدنيا
ميرسى جدا لوجودك فى هذا المنتدى
ومتشكره مقدما على ردك عليا

[احلى كاراميلا]

بجد كل ردودك جميلة,, تسلمىانا عندى سؤال انا متجوزة من سنه ونص واسست بيتى بمزاج والحمدلله حلو قوى المشكله ان الموبيليات احجامها مناسبة بس زى ماهى وصعب اغير مكانها ..انا بزهق وبمل ونفسى اغير ممكن تقوليلى على اضافات للتغيير...

[ديكوراتى]

ربنا يكرمك
صور فرش الانتريهات بالذات اكتر من رائع
عمليه وواقعيه ومنطقيه مش عارفه اشكرك ازاى
ربنا يرزقك الزوج الصالح عاجل غير اجل يارب
ويرضى عليكى

تسلمي يا غالية
واشكرك على الدعوة الجميلة
وانا ولله الحمد والشكر ام لولدين

[ديكوراتى]

dalia.com
احلى كاراميلا
تسلمو حبيباتى
اعذرونى لسة ماردش على اسئلة من صفحة 3 باذن الله
حرد باسرع وقت تابعونى وانا حكمل ردود بالتسلسل باذن الله
بس ادعولي ربنا يبارك فى الوقت لحسن اليوم بيخلص
واللي ورايا ما بيخلصش

[ديكوراتى]

عزيزتى ديكوراتى،

أنا عارفه ان سؤالى موش جديد بس برضه عايزه أخذ رأيك، يا ستى أنا عندى فيلا بشطبها وحنزل مصر قريبا جدا عشان أنقى ألوان الدهانات، و عشان تتخيلى الموضوع الأرضيات: رخام بيج فاتح فى قلم كافيه، وعامله كرانيش بس طبعا مافيش ألوان،والأبواب لون بنى غامق بس موش أوى، وباب البيت فرفوروجيه أسود مع أكسوديه ، ولسه لم أشترى عفش حتى الأن.
أنتى قلتى اننا بنمر ب3 مراحل: أول حاجه بنقى الأرضيات ودى خلاص والمرحله 2 هى اختيار ألوان الدهانات، انا بحب خشب العفش يبقى بنى غامق أو ماهوجنا ويكون محلى بالنحاس وبالنسبه لألوان التنجيد أعتقد انى بأميل لللون النبيتى مع البيج " طبعا كل دى تخيلاتى" موش عارفه لما أنزل وأنقى حختار أيه !!. فتفتكرى أدهن الحوائط أيه؟؟
وفى نفس الوقت فكرت أدهن بيج لحد لما أفرش وساعتها أشوف ايه الألوان اللى حتنطق البيت، ولكن خايفة البيج الأسبونج مع الكافيه يغمق البيت، ايه رأيك يا مهندسه؟؟؟؟

حاجه ثانيه، انا نفسى أعمل حاجه حلوه وفى نفس الوقت ما تكونش مكررة، يعنى انا عجبنى أوى دهان الحوائط المقلم خاصتا البيج مع الذهبى بس أصحابى عملوه فى بيتهم،وعاجبنى أوى أنى أذهب الكرانيش بس خايفه تقلب بلدى!!!!

الحاجه الوحيده اللى انا متأكده منها أنى عايزه أعمل غرفه نومى لون روز فاتح ويكون الحائط اللى خلف السرير روز مقلم مع أبيض، بس سؤال هنا هوا ممكن نقلم الحائط بعرض القلم تقريبا 2سم ولا ده يبقى صعب بالنسبه للصنعه؟؟؟؟

وكمان نفسى أعمل ستائر نبيتى بس خايفه تظلم البيت، ففكرت أعمل ذهبى، كل ده وانا لسه لم أشترى العفش، ايه رأيك البيضه ولا الفرخه؟؟؟

أنا عارفه أنى حيرتك بس أنا كمان محتاره موش عارفه أروح كده ولا كده، ريحينى ألهى يريح قلبك دنيا وأخره؟؟؟؟؟

وجزاك الله خيرا عنا جميعا.

ما شاء الله تبارك الله يا عبير
باين كدا ان ذوقك حلو وتخيلك للمكان اهم حاجة بتعمليها
ومش محتاجاني ولا حاجة
خلاص حقفل واروح......
بالنسبة لموضوع البيضه ولا الفرخة
فالاتنين مع بعض اي نعم
يعني لازم علشان ادهن الحيطة اعرف حجيب الاثاث المفروش
اممها لونه ايه لانى لما ادرس الموضوع دا كويس حلاقي الحيطة والفرش
بينطقوا بعض...والمكان قيمته بتعالى وبتحسي ان كل حاجة مكملة لبعضها
طيب تعملي ايه طالما لسة ما اشترتيش الفرش.. ؟
ادخلي البيت عندك ومعاكي ورقة وقلم
واقفي في كل حيز ( يعني حتة )
وتخيلي الحيطة واللي ادامها واكتبي بقى
مثلا فى الحائط اللي ظاهر من المدخل حتعملي تجليد بخشب
ال MDF وحتخلي لونه جوزى غامق او مهاجوني
وفى النص حنعمل 3 او 6 تجاويف مربعة فى الخشب
ونحط فيهم اسبوتات وطبعا فى كل تجويف حتحطي تحفة
وتوحدي خامة التحف ولتكن نحاس مثلا..
وامام الحائط دا مش حتحتاجي غير ترابيزة بسيطة وكرسين
ممكن تخلي ظهر الكرسي من القماش الجوبلان والقاعدة من قماش سادة
قريب من درجات الجوبلان..وعلى فكرة مش حتحتاجي تشتري الجوبلان الغالي
بالعكس هاتي حاجة بسيطة لان الشكل النهائي العام حيدي فخامة
وحتلاقي كل حاجة منطقة بعض
كدا بقى عرفتى حتشتري ايه ادام الحيطة دي بالظبط ..
وهكذا كل مساحة تتخيلي تصميمها وعدد قطع الفرش والالوان والاكسسوارات كمان
وابقى اكتبي لستة المشتريات
واشتري براحتك بقى طالما متخيلة كل مكان عايز ايه بالظبط
ودي شوية صور ممكن تفيدك










وبالنسبة للريهات 2 سم صغير وصعب فى الدهانات وممكن يزغلل كمان
لو مصممة ممكن تلاقي ورق كدا
والذهبي اعملي الذهبي المترب وانا كمان بخاف يقلب بلدي لو مش مدروس
وفيه ورق حائط رائه فيه الذهبي مه جميع الالوان وفيه تصميمات شيك جدا

[marooo]

السلام عليكم.,انا المفروض اختار الوان الحوائط فى ريسيبشن عبارة عن 3اجزاء متجاورة بدون فواصل والسيراميك فى كل جزء بيج محاط باطار بنى .ايه الاختيارات المتاحة للألوان برأيك مع العلم ان المساحة مش كبيره؟ممكن ادخل مع الدهان ورق حائط؟

[gina]

حمد لله علي السلامه يا عسل و يا رب تكوني قضيتي وقت جميل بس بقول ايه رضي علينا بسرعه بقي علشان احنا اشتقنا لافكارك الجميله انا السؤال بتاعي في صفحه خمسه مستنيه الرد يا قمر....و تسلميلي

[dalia.com]

dalia.com
احلى كاراميلا
تسلمو حبيباتى
اعذرونى لسة ماردش على اسئلة من صفحة 3 باذن الله
حرد باسرع وقت تابعونى وانا حكمل ردود بالتسلسل باذن الله
بس ادعولي ربنا يبارك فى الوقت لحسن اليوم بيخلص
واللي ورايا ما بيخلصش

ياريت بجد يا بشمهندسة ترد عليا بسرعة عشان الايام دى المفروض اختار الوان الحوائط وانا بصراحة كانت بفكر فى اللون الموف الهادى والاصفر الكنارى والفستقى او الاخضر التفاحى بس عاوزة بردوا أعرف رايك واستفدى من خبرتك عشان انا اول مرة اجهز شقة
معلش هاتعبك معايا

[omnya95]

حمد الله على السلامة ويا رب تكون اجازة سعيد و دا سؤالى ردى علية انا فرحى قرب اوووووووى انا بسالك على اية الستاير اللى تليق والبراقع اللى تليق الوانها مع بعض انا فى شقتى لون الحيطة فى الصالة والصالون والسفرة لونها كفية ولون الانترية بيج فى رصاصى خفيف و الصالون نبيتى فى زيتى والسفرة لونها زيتى بيلمع ردى عليا بسرعة pleaseوياريت تردى ومتاخريش عليا علشان الحق اعملها وياريت تنزلى صور للبراقع والستاير جديدة ومقاربة لالوان شقتى وجزاكى الله كل خير

[ديكوراتى]

السلام عليكم ورحمه الله وبركاته
ازيك ياقمر انا هتعبك معايا
بصي ياستي انا خطيبي ولحمد لله راح اختار لون سراميك غير الي كنت عايزاه المهم دلوقتي انا دلوقتي عندي غرفتين لون هم عسلس ومش عارفه هل عسلي غامق ولا فاتح لاني لسه مش شفتهم فالمهم انا عايزه اسئلك عن الي عايزه اعمله في الحيطه انا هعمل الحيطه سبون هافان والباقي اما كريمي او سكري فاتح وده في غرفه الانتريه والنوم والسفره ايهع رايك انا هعملهم لون واحد وهو كريمي لاتنين ولا اع مل لونين وكده لو السراميك غامق مش الالوان دي تفتحوا
وكمان عايزه اعمل الانتريه هافان في بيج
والستاير زيه بصي قوليلي رايك وردي عليه معلش دوشتك وجزاكي الله خيرا
اختك قمرررررر

عادي جدا يا قمر
وانا كمان خطيبي
اللي هوا زوجي وابو اولادي حاليا جاب السيراميك من ورايا
بس على مين
احنا نعمل من الفسيخ شربات باذن الله
انا شايفة ان اختياراتك للالوان هادية ومريحة للعين
وان شاء الله تدي وسع وراحة للعين
بس انتى اختاري درجات الالوان بعناية ووزعيها فى المكان صح وكتري من الاضاءات
الجانبية زي السبوتات والاباجورات
واديها مرايا تنور كدا
وابقى حطلينا اكسسوارات على اللون اللبني او الازرق حتبقى ظريفة برضه ان شاء الله
على فكرة الوان الديكور وتنسيقها
قريبة من تنسيق الالوان فى الملابي
يعني الكريمي بيليق مع اللبني ..وهكذا

[همس الكلمات]

السلام عليكم
حبيبتى عندى اسئلة كتير جدا جدا انا فرحى 1/8 ان شاء الله وعلى الاسبوع الجاى كل حاجه هتكون فى الشقه وعايزه الشقه تكون تحفة وتكون متناسقة ف كل حاجه
أولا: انا لسه مشترتش السجاد عندى الصالون الحوائط لونها موف مع السقف وفيه رسومات بالوان مختلفه فيها والسائد طبعا الموف بدرجاته والستائر نبيتى فى ذهبى وقماش الصالون واخد الوان كتير المهم هيمشى معاها النبيتىوالذهبى اختار السجاد على اساس ايه وقوليلى لو فيه لمسات فنية من عندك انتى بقى اعملها
والانتريه نفس الستاير بس الجدران الوانها مختلفة السقف نبيتى والجدار مايل لاصفر كنارى بس غامق شويه وفيه مكتبه بيضا السجاد هيكون ازاى واحط ايه فى المكتبه وخلى بالك الانتريه ممكن يكون استخدامه اكتر عندى
بصى انا طولت عليكى صح ؟ ردى عليا وبعدين اسألك على باقى الأوض وخاصة السفرة لأن اليش هيوجع دماغى هو والبوفية
سلام مؤقت ياجميل
ف انتظار ردك

[تغريدالسعداوي]

مهندستنا الجميله \ممكن تساعديني عندي السيراميك في المطبخ لون اخضر زتوني اعمل المطبخ لونه ايه مع العلم ان السيراميك لاخر الحائط ولوسمحتي اقترحي عليا الوان دهانات تناسب الصاله وغرفه المعيشه وغرفه للانتريه وربنا يجازيكي عنا خير

[مها مصطفي]

هاي عليكي يا ديكوراتي انا عايزه اسالك هو انتي ابتديتي تردي ع الاسئله ولا لسه عشان انا كنت عايزه اسالك علي حاجات تانيه
شكرا ليكي

[كتكوت(s)]

مرحبا..
لوتكرمين بغيت أسأل عن طريقة ترتب والتنسيق المجلس,لأن مجلسنا مستطيل الشكل ولون الحائط بيج والغنفة لونة أخضر وما اللون الأفضل لستائر لدمج مع الباقي الألوان,وما الطريقة المناسب لوضع عليها لمسات جميلة.