[ام ميرا]

نفسى حد يقولى منكم الرجل يعرف معنى الحب الحقيقى لا اظن ايه هو الحب عنده انا متزوجه من 7 سنوات وعندى بنتين كانت غلطه عمرى انى اديت لجوزى كل الحب مستنتش منه اى مقابل لكن ساعات طبيعتى كا انثى ببقى نفسى احس انى انا اللى مرغوب فيه انا اللى المفروض يكون ملهوف عليه انا عندى كلام كتير نفسى احكيهولكم لكن عايزه اعرف فى واحده حست ان الراجل يعرف منعى الحب فعلا

[حتة سكرة]

بصى يا ام ميرا انا حاسة بمشكلتك
ودى مشكلة ناس كتييييييييير اوى
الاول عاوزة ارد على سؤالك
الرجالة ياحبيبتى قبل ماتعرف معنى الحب
بتعرف معنى الرجولة والصوت العالى والاوامر
دى مشكلة كل رجالة اليومين دول
ومشكلتك بقى انك اديتى كل حاجة ومش استنيتى حاجة
يعنى اية تسكتى على حقوقك؟؟؟
هو بيسكت على حقوقة؟
لا طبعا .......... مش عيب انك تطلبى منة حقك فية
انتى مراتة وزى مافى واجب عليكى
برضة هو المفروض يحس بيكى
يا جماعة بقولها وهفضل اقولها (انتى بنى ادمه زيك زيه)
مفيش حد احسن من حد لازم يحس بيكى ويراعيكى
احنا مش هانشحت الحنية
كلمية بهدؤ حاولي تفهمية ان معاملتة معاكى غلط
وبتاذى مشاعرك...... انتى ساكتة لية؟؟ لحد ماتفرقعى؟
وقوليلة زى مانتى شايفة طلباتة ومش مقصرة
يبقى من حقك على الاقل تسمعى كلمة حلوة
او تحسى انك مرغوب فيكى
وربنا يوفقك
ولو احتجتى اى حاجة انا تحت امرك يا قمر

[ام ميرا]

انا متشكره اوى انك رديتى عليه انا بجد كنت محتاجه حد يتفاعل معايا انا مشكلتى انى ضعيفه اوى ادامه مع انى والله مع اى انسان فى الدنيا بكون قويه اوى لكن مش عارفه ليه معاه بكون بالضعف ده انا ساعات بكره نفسى بجد ولما باخد قرار انى اعامله بنفس القسوه بلاقى جو البيت بقى كئيب عارفه ايه المشكله الحقيقيه انه بيسافر امريكا نص السنه ومش موجود معايا غير نص السنه بس يبقى المفروض نعيش الايام دى فى حب ولا قسوه لكن انا هفضل اقول انى انا السبب انا كمان للاسف مليش اصحاب كل حياتى هو كل اهتماماتى هو مليش اخوات بنات نفسى الاقى حد غيره احس معاه ان فى حد ياخد اهتماماتى طبعا ولادى الحمد لله موجودين لكن الصداقه مفيش غنا عنها انا عندى كتير احكيهولك واكيد هقولك انا متشكره جدا لردك عليه

[lol5]

الحمدلله لا توجد عندي هذه المشكلة

زوجي الله يخليه ويحميه.. يعني مش عارفة شو أقول لك.. أنا تعلمت الحب منه

أختي أم ميرا.. لا يوجد إنسان (سواء رجل أو مرأة) لا يعرف الحب الحقيقي.. ولكن كيفية الوصول إلى مكنون كل إنسان وما في قلبه بتفرق من إنسان لآخر

اعرفي زوجك وطباعه وتعاملي معه على هذا الأساس، رح يتجاوب معك أنا متأكدة

بس إنتي فعلا اعرفي كيف تتعاملي معه، حتى لو كان مسافر، مش هاي هي المشكلة، المشكلة انه بينكم في شي مش بيخليكم تقدروا تعبروا عن الحب بنفس الطريقة

حاولي غيري من تعاملك، وحاولي تعلمي أشياء وطرق جديدة في كل شيء، من واجباتك الزوجية، من أكل، من ديكور للبيت، من تعامل مع أهله.. أي شي

جددي من نفسك.. يمكن لما تجددي من نفسك يتغير هو حسب شخصيتك الجديدة، ويبدأ يبوح لك بما لم يكن يستطيع البوح به

ربي معك ويسهل لك أمورك

تحياتي

[ام ميرا]

انا متشكره ليكى اوى يا حبيبتى لكن انا هحاول اتغير فعلا لكن انى اكون لنسانه مش كل اهتماماتها هو وبس هحاول يكون ليه لهتمامات واكتر حاجه ممكن اهتم بيها وفى نفس الوقت تقربنى منه عارفه ايه الاهتمام اكتر بزكر الله وتلاوة كتابه الكريم وانا الحمد لله بدءت فعلا اكيد قربى من الله هيساعدنى وهو المستعان ارجو التواصل دائما

[حتة سكرة]

بارك الله فيكى يا ام ميرا
هو دة فعلا اللى هيبعد عنك السؤ
سواء مع جوزك او مع اى حد تانى
اتقربى من ربنا دة عفو رحيم
وصديقنى لما الواحد بيكون مظلوم ويرجعلة
ربنا بيقوية وبياخد حقة(يمهل ولا يهمل)
استمرى فى تقربك لله هو نعم المعين
واى حاجة تانى انا فى خدمتك

[ام حبيبة123]

السلام عليكم اختى ام ميرا انا اختك ام حبيبة والله موضوع الاهتمام بالزوجه موضوع محير ولكن احسن شيىء القرب من الله ومن عفا واصلح فاءنه من عزم الامور

[ام ميرا]

انا متشكره اوى على ردودكم بس عارفين انا حاسه انكم وجودكم فى حياتى هيفرق كتير لانى بعد ما كان معنديش اصحاب خالص وكان هو كل اهتماماتى بقه عندى مليون صحبه انا بحبكم كلكم

[shimo_shiko]

شوفي يا أم ميرا أنا قرأت مشكلتك و حسيت كم هي معاناتك كأنثي
و لكن بدي أنبهك أن الرجل كالمرأه يعرف الحب و يحس به و يحتاجه و ربما أكثر من المرأه .
و لكن هناك رجال لا يعرفوا كيف يعبروا عن مشاعرهم .
أنا علي فكرة معقود قراني . و وافقت علي عقد القران و في إنتظار الزفاف حينما نتم سنه علي الخطوبة .
و هذا لأن بيننا قصة حب و صديقيني أنا لم أسمع من زوجي من يوم تعرفت عليه إلي أنا كلمة بحبك و الكلمة الإطراء و الغزل بالبداية كنت أعاني
و لكن الآن تعودت و قلت يكفيني أنه حتي لو لم يعبر عن حبه لي
يكفي أنه لي و يتعب و يعاني في عمله لأجلي
يكفيني أنه عندما يكون مخنوق من شئ ما فيبحث عني أنا
فلو لم يكن يحبني ما إستمر معي و ما بحث عن راحته عندي .
و هذا أسمي معاني الحب .

و طبعا أنت قرأتي الموضوع اللي كتبته عن كيفية إستخراج كلمات الحبمن فم الزوج
و هناك موضوع يتكون من ستون نصيحة للزوجة السعيدة

[ام ميرا]

انا ردك فادنى والله بحبك اعمل ايه بقى يعنى ابوسك

[active_girl]

حبيبتى الرجالة دايما لما بيحسوا ان الست بتحبهم زيادة بيبعدوا عنها او بيكونوا مش مقدرين الحب ده ومش بيحسوه ولا يقدروا قيمتوا غير لما يبعد عنهم .طبعا عارفة انه صعب عليكى انى اقوقلك بطلى تحبيه وعمرك ما هتبطلى تحبيه لكن تقدرى مش تبينى ده قدامه اوى يعنى حسسيه انه عادى متبقيش ملهوفه عليه يمكن تقولى لا كده ممكن يحس انى قصرت ويروح لغيرى انا لو مكانك هافكر كده واقول لا بقلبى .لكن لو فكرتى بعقلك كلامى صح هو هيحس بحاجة نقصاه وهيرجعلك تانى وهو اللى هيطلب منك الحب وهيقلك كل كلام الحب وهيندم على كل يوم عاملك فيه بقسوه

[ام ميرا]

انا بجديا خشوع حزينه لحالك احنا كلنا باين كده ربنا معاكى ومعانا