السلام عليكم ورحمة الله وبركاته
اعجبني جدا المنتدى فقررت الانضمام لاسرتكن الكبيرة ارجو قبولي بينكن. وابدأ على بركة الله اول مواضيعي (ارجو ان لا يكون موضوع تعرضتن اليه من قبل).
كلنا بنعرف اد ايه الست فينا بتحب الهدايا. واد ايه بنستنى عيد ميلادنا او مناسبة عشان نتبادل الهدايا. بس فكرتي فمرة من غير ولا مناسبة تفاجئي جوزك بهدية من غير ما تستني منو هدية هو كمان؟ العطاء بيكون احلى بكتير من الاخذ وخصوصا لما يكون لانسان ملك قلب وعقلك, لزوجك الي شقيان طول اليوم برة عشان يوفرلك لبسك ومكياجك وفسحاتك و قوت اولادك, فكرتي فيوم ترديلو جزء بسيط من الي بيديهولك كل يوم من امن وراحة؟
مش لازم تكون الهدية غالية ممكن تكون اكلة هو بيحبها او حتى ابتسامة وكلمة حب تنسيه تعب اليوم بحالو ممكن تكون حركة بسيطة او حضن كبير تحسسيه بيه اد ايه انتي متعلقة بيه ومبتستغنيش عنو.
خلينا من غير مناسبة ولا تفكير نهدي لازواجنا هدية تعبر عن حبنا ليهم.
ربنا يسعد الجميع ويهنيهم
