[ريحانة القلب]

بسم الله الرحمن الرحيم
:m ad:

الحقونى برأيكم أرجوكم حاسه أنى مخنوقه وشايله فوق طاقتى الأنسان عندما يكون فى حيره يشعر أنه يغرق أنا فتاه مخطوبه (تم قراءة فاتحتى )على شاب كان زميلى فى العمل ولم يكن بينى وبينه أى صله إلا السلام فقط وبعد أن تركت هذا العمل بثلاث سنوات تقدم لخطبتى ولم أكن أعلم أنه يفكر فى طيلة هذه المده فرفضته ولكنى وجدت الأسره كلها توافق عليه وتحاول أقناعى به فهوشخص على خلق ودين وحافظ للقرأن الكريم كاملا ولكن مع الخلافات المستمره بيننا أشعر أنه سلبى فهو لايحب المواجهه والصراحه وهى صفة أصليه عندى وهوغير رومانسى وأنا حساسه جدا والسن بيننا مقترب جدا ولكن المحيطين بى يقولون أن تفكيرى أكبر من سنى ويمكن لهذا السبب أنا أشعر بالفرق فهو يتصرف بطبيعة سنه ..علمآ بأن شقته عندأهله في بيت العيله وطبيعة المعيشه ريفيه غير عندنا وأنا كنت رافضه تلك الأشياء طول حياتى ولكنى
وافقت عليه عملآ بقول الرسول (ًص) إذا جاءكم من ترضون دينه وخلقه فزوجوه... وكثيرآ قالوا لى خذى اللى يحبك وماتخديش اللى أنت تحبيه

رغم يقينى فى الله ولكننى أخشى من الغد .. أخاف أن يكون حبه لى فتره وقتيهأقصد مجرد(أعجاب بعقلى )فهو قال لى أن هذا ما شده لى وأخاف أيضا من طبع السلبيه وعدم المواجهه فأنا لا أحتمل هذا الطبع أبدًا فأنا أفكر فى فسخ خطبتى ولكنى أخاف أن أفترى أوأظلمه فيعاقبنى الله وأنا أعلم جيدا بشبح العنوسه الموجود الأن علمآ بأن عمرى 24 سنه علما بأن من بعدماتقدم لى وقد زادت العرسان فى طلبى سبحان الله
ولكنى أخشى أيضًا أن أظلم نفسى فهو قرارالعمر

أرجوكم ساعدونى فى أتخاذ القرار
وجزاكم الله خيرًا فى أنتظاركم

اذا اعجبك الموضوع و اردت نشره في المنتديات الاخرى فاستخدمي هذا الرابط:
ألحقووووووونى
http://forums.fatakat.com/thread27529

[ريشه حبيبه رورو]

حبيبتى عن تجربتبتى انا مخطوبه انا كمان اخدت اللى بيحبنى مش اللى بحبه بس الحمدلله هو بيحاول يرضينى ويسعدنى
وقبل كل شى ياغاليه كل شى نصيب

[توته1]

غاليتي ريحانة القلب...
قبل أن أبدأ أذكرك بصلاة الاستخارة فمعها بإذن الله لن تندمي..

1- الدين
أحب أقول لك أن من يحفظ القرآن فهو انسان على دين والدين هو ما يعصم الإنسان من الخطأ فاعلمي أن هذا الشخص حتى ان كرهك فلن يظلمك.......

2- سؤال؟؟؟؟؟؟
هل العيوب التي ترينها في هذا الشخص مما يحتمل وتستمر معه الحياة أم مما لايمكن تحمله بالنسبة لك؟؟؟؟؟؟؟
وأعتقد أنها على الأقل من الأشياء التي يمكن أن تتغير مع الوقت والتجربة...

3- تذكير....
أذكرك حبيبتي أن كل ابن آدم لايخلو من العيب والنقص ، حتى أنت وأنا بنا الكثير من العيوب التي ربما اختفت ولم تبدو أمام الناس......ولعل العيب الواضح البين أفضل من المخفي الذي لايظهر إلا مع العشرة......
فلا تبحثي عن الكمااااال فهو لله وحده ..ولكن فكري هل هذا العيب مما تستمر معه الحياة أم تقف؟؟؟؟؟؟ فقطعا سيكون هناك عيب سواء في هذا الإنسان أو غيره.....

4- موازنة!
أحضري ورقة وقلم ، ووازني أختي الحبيبة بين الميزات والعيوب......ثم استخيري الله
والله معك.......
وأعتذر عن الإطالة

توته

[سوكة الددة البيضة]

اختى الغالية ريحانة ...
انا هبدا من اخر كلامك ....حكاية ان من ساعة ما اتقدم ليكى والعرسان زاذت دى همزات من الشيطان وبتزيد لو البنت مش مقتنعة تمام الاقتناع بخطيبها ...

اما بخصوص ضغف الشخصية .....
انا فى العادى كنت ناوية اقولك مش مشكلة بكرة لما يتقفل عليكو باب الزوجية هتحسى بوجوده فى حياتك والحياة مليانة مواقف هتبين الشخص على حقيقتة ...
وكلننننننننننننننننننننننننننننن....
حزارى من الصفة دى فى العيشة مع اهله فى بيت عيلة....

انا عايشة مع اهل زوجى فى بيت عيلة فى القاهرة ...الشىء الوحيد الى بيخرجنى من المواقف الى بتعرض ليها مع اهله هو دماغ زوجى الكبيرة وقدرته على السيطرة على الأمور بشكل سريع جدا.....
يعنى بيسمع منهم ومنى ...ويراضينى ويراضيهم ...ينزل عندهم يقولهم مش كده يا جماعة راعو ضعط العيال عليها ....ويطلع عندى يقولى كبرى دماغك يا قمر وراعى ضيق خلق الناس الكبار...

السؤال :هل انتى متخيلة ان خطيبك لو اتعرضتى لموقف مشابه هيتصرف بحكمه ولا يزعق لك ويقولك دول اهلى وغصب عنك ؟؟؟؟؟؟؟؟؟؟؟؟؟؟؟؟؟
وعايزة الفت نظرك ان الامور الى من النوع ده بتبقى صعبة شوية فى الأرياف ..يعنى عايزة راجل من الأتنين :::1 - شخصية حكيمة .او 2 - بيحب زوجته بدرجة مش طبيعية ..

فكرى فى كلامى ....وانتى سيدة قرارك....وعليكى بالأستخارة والتفكير مع بعض.
وربنا يوفقك للى فيه الخير ان شاء الله.

[رانيـــا الشقية]

أنا بصراحة مع ساندى ياريت تفكرى فى كلامها عين العقل
وصلى صلاة استخارة وربنا يوفقك فى حياتك ياقمر

[ام الاولاد]

اولا يجب ان تودى صلاة الاستخارة قبل اى شى وممكن يكون ميعاد الجواز قرب وانت قلقانة من كده

[ريحانة القلب]

ربنا يخليكم ليا يارب أنا مش عارفه أشكركم أزاى جزاكم الله خيرًا

أنا أقتنعت بكل كلامكم

بس والله أنا بصلى أستخاره أو أدعى بدعائها يوميا وذى ماشفتم الموضوع فى الأول مشى أزاى وتمت قرائة الفاتحه رغم رفضى
ودلوقت أرى رؤى غريبه مره أن الخطبه تم فسخها ومرات أنى متزوجه أشخاص أخرين ولكنى لم أستقرعلى شئ مع الأستخاره سبحان الله لحكمه معينه لايعلمها إلا هو

أنامؤمنه أنى مش هشوف غير اللى ربنا كتبهولى ولكن طبعا أحنا برده بنختار خايفه أختار غلط
ومش عارفه حكاية السلبيه دى بفكر على المدى البعيد يوم مايحصل بيننا حاجه لاقدر الله وأروح بيت أهلى عمره ماهيفكر أنه يجيبنى لأنه هيخاف من المواجهه

ياجماعه ليه ماحدش أتكلم عن السن مابيننا
أعتذر لأطالتى عليكم

بس بجد أنا أرتحت شويه لما حسيت أن كلكم بتفكروا معايا

ربنا يعزكم جميعا يارب

[بسمة الأمل]

وأنا كما مع كلام توته حبيبتى والله يسعدك ويجبلك اللى فيه الخير يا رب

[توته1]

غاليتي ريحانة القلب :
مش عارفه ليه موضوعك شدني
وحقيقي أنا قلقة عليكي ..
ربنا يقدر لك الخير يا رب...
وحاولي تقرئي ردي مرة أخرى بتمعن
والله المستعان..........

توته

[eltourky]

بصي ياريحانه بالنسبه لفرق السن البسيط
طبيعي ان البنت بتنضج فكريا وعقليا قبل الولد
يعني انت لما يكون سنك 24 تبقي ناضجه جدا وواسعه الافق
وتقدري تاخدي جميع قراراتك
لكن لما يكون الولد 24 او 25 غالبا بيكون لسه منضجكش فكريا
ولسه معندوش خبرة جامده ف امور الخطوبه والزواج
انا رائي تصبري عليه
لاني كل البنات ال اعرفهم مخطوبين لشباب
فرق السن بينهم صغير بيعانوا من نفس مشكلتك
واختي واحده منهم دايما تقولي انا مخطوبه لعيل صغير
دا طبيعي لانه برده يعتبر صغير منضجكش زيها فكريا

[أم الطيب]

انا مع توتة وساندي في رأيهم..
وزي ما اخواتك قالولك استخيري قبل كل شيء.
ربنا يشرح صدرك للي فيه الخير لك .

[برتقال سكرى]

والله صلى استخارة
وشوفى أنتى مرتاحة لايه
وربنا يقدم لك اللى فيه الخير

[ريحانة القلب]

أنا متشكره ليكم أوى ياجماعه ومش عارفه أقول لكم أيه بس بجد هدعيلكم لأنكم خففتم عنى كتير هو الموضوع لحد دلوقت متعلق بس شعورى أن فى حد معايا وحاسس بيا رفع جدًا من حالتى النفسيه

وشكر خاص جدا لتوته وليكم كلكم عارفين أنا حاسه بجد أن كلهم حاسين بيا أوى