[كادبورى 81]

السلام عليكم ورحمةالله وبركاتة

بمسى على كل الفتوكات وعايزة آخد رأيكم فى حاجة
هو لية كل المقالات اللى بنقراها عن سر الحياة الزوجية قائمة فى الاساس على قدرة المرأة على احتواء زوجها؟؟؟؟؟؟؟؟؟؟؟؟؟؟؟
هى مش المرأة برضة نصف المجتمع وكمان شريكة بالنص فى الحياة الزوجية
يعنى لية الست لازم هى اللى تشوف طلبات زوجها وتدلع زوجها وتقول حاضر ونعم لكل رغباتة واوامرة مهما كانت مش مقتنعة لييييييييييييييييييييييية؟؟؟؟؟
لية عند اى مشكلة بين الزوجين نقول دايما للزوجة معلش حاولى تكلمية بالراحة واختارى وقت مناسب لكلامك وانتى عليكى الاستحمال لييييييييييية؟
لية مش الراجل هو اللى يدلع مراتة ويحتويها ويحاول يعرف اية اللى بيريحها ويعملة
واية اللى بيضايقها ويحاول يبعد عنة؟
الشراكة اساسها المصلحة المشتركة يعنى خد وهات والزوجين مش متزوجين بس عشان هى تدى وبس وهو ياخد وبس.
الزوجة لو لقيت الحب والحنان والرعاية والاحتواء هتدى من غير حدود وحتستحمل اى حاجة فى الدنيا طالما انها مع زوج محب .

واخيرا عايزة اقولكم ان فية حكيم قال ان :

الرجل يحب بعينية،
اما المرأة فتحب بأذنيها.

يعنى المرأة بيفرق معاها قوى الكلمة الحلوة.................والا اييييييييييية؟؟؟؟؟؟؟؟
عايزة رأيكم يا فتوكات ويا ترى انا غلطانة فى رأيى دا والا ايييييييييييييييييية؟؟؟؟

اذا اعجبك الموضوع و اردت نشره في المنتديات الاخرى فاستخدمي هذا الرابط:
ليييييييييييييييييييييييية؟؟؟؟؟؟؟؟؟؟؟؟؟؟؟؟؟؟
http://forums.fatakat.com/thread27530

[اسكندرانى]

انا معاكى فى رايك يا أحلى شوكولاته فى الدنيا

المرأه رقيقه وضعيفه محتاجه حب وحنان وطيبه واحتواء من الرجل

بس فى نفس الوقت هى قبطان البيت فى ايدها تخلى اليت سعيد بكلمه منها للرجل
لانه احيانا كتيربيبقا مخه صغير جدااااااااااااااااا
يعنى هى لو رضته بكلمه مزاجه هيتزبط وهيبقا معاها كويس وحنين
يعنى هى بتدى عشان تلاقى اللى هى محتاجاه منه (الحب والكلمه الحلوه)

أرجع تانى واقولك المرأه هى اللى محتاجه الدلع اكتر عشان تصمد
ولاننا خلقنا من ضلع اعوج
والرسول عليه الصلاة والسلام وصى علينا
( رفقا بالقوارير) & (استوصوا بالنساء خيرا)

[توته1]

كلامكم كله صح وجميل..........
وأنا طبعا معاكم لأني امرأة مثلكم..

لكن طبيعة المرأة التي فطرها الله عليها من الحب والحنان والعطاء بلا حدود فقد هيأها الله لهذه المهمة ..ودايما بيقولوا الرجل طفل كبيييييير_ صحيح هو كبير أوي ههههه_بس ده ميمنعش ان هو محتاج معاملة خاصة من زوجته
يعني يا جماعة السبب اختلاف الفطرة والتكوين بين الرجل والمرأة وأيضا اختلاف المهمة التي خلق من أجلها.........
وده ميمنعش ان المرأة أيضا لازم تدلل وتراعى من زوجها....
وأعتذر عن الإطالة

توته

[غاده الصايغ]

انا معاكي في كل اللي انتي قولتيه
بس انتي عارفه المشكله فين ان مش عارفه ليه دايما تفكير البشر كلهم ان الست لازمن ولابد انها تستحمل علشانهو اللي بره البيت وبيتعب علشان يجيب البرادس اللس هصرف علنا بيها
واحنا قاعدين في البيت علي قلبنا مرواح بنصرف بيها
!!!!!!
انا مش عارفه انا كئيبه كدا ليه انهارده
انا هقفب وروح اصلي وحاول انام
باي

[رانيـــا الشقية]

أنا معاكى ياكادبورى
الست بتحتاج للحنان والحب والعطاء
والراجل لازم يحتويها ولكن هو بيعتبر نفسه انه لازم يدلع من زوجته
عشان هو سى السيد ومينفعش هو يدلعها ازاى عيب فى حقه
لو نتبع سنة نبينا الكريم والله لكانت حياتنا تبقى جنننننننننننننننننننننة

[nona79]

هو معاكي حق بس دائما يقولو الكلام ده للست عشان احنا قدرة اكبر علي

للتفهم وبصراحة نتحمل اكتر من الرجالة

بس ده ما يمنعش انهم يعاملونا بنفس الطريقة يعني مرة علي الراجل

ومرتين علي الست عشان قلبنا الطيب

شكرا ليكي موضوع جميل

[ناناودودي]

بصي يا كادبوري مافيش طبعا ادني شك ولا اي مانع في ان الست محتاجه للحنان والكلمه الجميله
لكن صدقيني يا كادبوري الست لما بتحتوي الراجل وتتحمله وقت عصبيته او لما تقوله حاضر ارضاء ليه مش بتبقي بتيجي علي نفسها ولا حاجه
صحيح هيه اسنانه ليها عقل ومحتاجه تقتنع لكن مش بالعند ولا بالتحدي لكن بالحب والتفاهم توصل للي عايزاه وفي الوقت المناسب مش في الوقت الي الست بتشوفه مناسب لان كتير بيكون مش مناسب
انتي بتقولي ليه الست الي تعمل كده وتيجي علي نفسها لان ربنا خلقها كده وجعل جوها الحنيه والقدره والاسلحه الي تحتوي بيها زوجها خلقها بطبيعه والراجل بطبيعه تانيه زي ماربنا خلق الراجل عنده قدره علي الشغل والتعب وممكن في وقت من الاوقات ينحت في الصخر زي ما بيقولوا علشان يصرف علي بيته
ضعف الست مع جوزها قوووه ما يتشعرهاش الا الي بيستخدما صح وهو مقتنع ان ده مش تقليل من شانه لان الراجل لو متفاهم هيعرف ان مراته ليها حقوق برده وهيحترمها بس من غير هيه ما تفرضها عليه وكل شويه تقوله لا ده حقي واشمعني انا ولما الراجل يلاقيها خير زوجه هيكون ليها خير زوج
اما بقي اذا حد قال اصل فيه رجاله ما بتقدرش طيب ما برده في ستات ما بتقدرش الي ممكن واحد يعمله وتقول ده العادي ماهو لازم يعمل كده
كل واحده لازم تعترف ان العبء الاكبر بيقع عليها في المحافظه علي الزوج لان ربنا حلله اربعه لكن حللها واحد وربنا اعلم بخلقه علشان كده جعل الراجل كده مش الست وده دليل علي ان تركيبت كل واحد فيهم مختلفه فامينفعش نقول اشمعني

[سوكة الددة البيضة]

انا معاكى طبعا يا كادبورى فى كلامك ميه فى الميه
والله الى انا اعرفه ان الأصل عند الست الدلع يعنى هى الى عايزة الى يراضيها ..
مش تبقى شغلتى طول النهار ان ازاى افرفش سعادة البيه المدير جوزى ..
والى بيشفع لكل ده هو الراجل ال يستاهل انك تعملى كل ده علشانه ..
يعنى متجيش على واحدة طفحة الكوتة مع الراجل وتقوليلها دلعيه ..دلعته عقربة..
ومتجيش على واحدة جوزها بيشتغل 12 ساعة فى اليوم وبيرجع عايز يا كل وينام وتقوليلها اختارى مواعيد الكلام معاه ....ماهو امتى يعنى ؟؟؟؟
مأنا لو قلتله مساء الخير هينفجر فى وشى زى البابور....

بس الصراحة فى نوع من الرجالة بيبقى مش شايف قدامه من التعب ..بس لازم يلاطف مراته ولو بكلمة هزار ...هما دول الى يستاهله التضحية فى الحقوق..
مشكورة يا شيكولاتة

[rawan432]

بصى زمان ومش زمان قوى يعنى من القرن 18 حتى الربع الاول من القرن ال20 كان الرجل يتدله فى حب المراة ويبذل كل شئ فى سبيل الفوز بها الا ان حدثت الحروب الاولى والثانية العالمية وقتل الكثير من الرجال يعنى نرجع لقانون العرض والطلب فى بلاد كثيرة النسبة 1 الى 6 يعنى راجل لكل 6 نساء يبقوا مش عاوزاهم يتدلعوا ويطلعوا فينا القطط الفاطسة

[كادبورى 81]

يا جماعة انا لما كتبت الموضوع دا مكنش قاصدى ان المرأة تتخلى عن كل واجباتها وكفاية عليها كدة بقى وتقعد عشان زوجها يدلعها لالالالالالالالالالالالالالالالالالا
انا قاصدى تبقى شركة والزوج يفهم دا ونونا قالت مرة علية ومرتين علينا لا انا بقولك يا نونا مرة علية وعشرة علينا بس بحب ...برضا..بالمعروف...مش عافية
والا ايييييييييييييييية؟؟؟؟؟؟؟؟؟؟؟؟؟؟؟؟؟؟؟

[moheyeldin]

والله يا فتكوات معاكم حق فى الى قولتوه
وانا عن نفسى عشان اهدى بفكر فى معنى كلمه
حواااااااااااااااء
واقول انه بمعنى احتواء وهذا يجعلنى اتحمل الكثير من الدلع الرجولى

[eg.meramar]

بصراحه انتى كلامك فى محله انا دايما بسال نفسى السؤال ده ليييييييييييييييه بس للاسف مالوش اجابه لان الرجل اقوى منك ولو مكنتيش زى ماهوه عايز ابقى قابلينى بقى اصعب حاجه انك تتعاملى مع جوزك كويس عشان خايفه منه احسن يروح لواحده غيرك وده بيخليكى دايما تتراجعى فى اى فعل ممكن يضايقه بس والله بجد انا عن نفسى بعمل كل حاجه ترضيه ومستنيه الجزاء من عند ربنا واكيد لو انتى احتويتى جوزك هاتلاقى المقابل منه

[hdhd]

كلام جمييييييييييييييييييييييييييييل
لا اطيل عليكم الموضوع يختصر فىكلمه واحده وهذه الكلمه تحمل
كثير من المعانى وهى
(( الحب**))
الحب المتبادل بين الطرفين تحل جميع المشاكل التى تواجهنا
اتمنا لكم الحب والهناء*

[أم الطيب]

عجبني كلام توتة وناناودودي...
شكرا على موضوعك الجميل يا كادبوري.

[برتقال سكرى]

موضوعك ممتاز يا كادبورى
ودى مش أول مرة كل مواضيعك حلوة
المهم أنا أقولك لييييييييييه الست ومش الراجل؟
علشان الست هى أصل الدنيا كلها وسر الوجود
يعنى لو هى حالها اتعدل والله هتعدل كل حاجة حواليها
وكمان احنا الجانب الحنين الرقيق وده من فضل ربنا علينا
احنا اللى بنحمل ونولد ونرضع يعنى بنستحمل كتيييييييييييييييييير أوى
حاجات الراجل نفسه ما يستحملهاش ودى برضة نعمة من ربنا
الراجل اتخلق علشان الشغل والتعب وشيل المسؤولية
يبقى حرام نشيله مسؤولية العلاقة كمان
والست الذكية هى اللى تعرف تعمل اللى هى عايزاه بس تحسسه انه هو المسؤول
وهى ياعينى ضعيفة لا حول لها ولا قوة
ده رأيى ومش عارفة ان كان صح ولا غلط

[كادبورى 81]

احترم رأيك بشدة يل برتقال يا سكرى انتى فعلا معاكى حق فى ان الراجل بيتعب قوى ربنا يعينة بس بردة ما فية ستات كتير بتشتغل هل فى الحالة دى الراجل بيقول حرام دى بتشتغل وبتساعدنى يبقى انا كمان هساعدها فى شغل البيت دى يا حرام ((االمرأة العاملة))تقوم من بدرى تلبس الاولاد وتودى المدرسة وجرى على الشغل وترجع من الشغل جرى على المطبخ عشان تحضر الغدا وبعديها تروق المطبخ والبيت وبعدين مذاكرة الاولاد وهو ........((على قلبة مراوح))
يا جماعة كل اللى انا عايزاة(( الرحمة))ارحموا المرأة شوية

[كادبورى 81]

نانا ودودى
كلامك جميل فعلا بس فية نقطة عايزة استفسر عنها...
هو ربنا سبحانة وتعالى حلل زوج واحد للمرأة عشان تتفنن فى انها تحافظ علية وحلل للزوج اربعة عشان يدلع وبس ...اكيد لا
انتى تعرفى ان العلم الحديث اثبت ان المرأة لو قامت بعلاقة مع اكثر من واحد فى وقت واحد بيصاب رحمها بالسرطانات لان جسمها مهيأ لاستقبال الحيوانات المنوية من شخص واحد فقط وكمان تحديد الزوج عشان موضوع الانساب
ثانيا تعدد الزوجات للرجل الهدف منة تحديد الزيجات مش زى ما الناس فاكرة لان ايام الرسول كانت الزيجات ليس لها حدود فشرع اللة اربعة للرجل عشان الموضوع يبقى لة حدود وكمان الزواج لازم يكون لية اسبابة يعنى الزوجة مريضة او لا تنجب او لا يوجد توافق بينهم او مثلا عايز يتجوز تانى عشان فية مثلا مطلقة او ارملة عايز يساعدها ويحافظ عليها من القيل والقال يعنى الموضوع مش مفتوح كدة عشان(( مزاج سعادة البية))
نانا ودودى انا عايزة اقولك ان لو كان ربنا رزقنا بازواج صالحين بيعرفوا ازاى يعاملونا فبردة لو بصينا حوالينا هنلاقى غيرنا كتييييييييييييييير بيعانوا مع ازواجهم من سوء المعاملة
واخيرا اشكرك على اهتمامك بالوضوع والرد علية.

[ام رحاب]

موضوع جميل بس هى ده سنه الحياة

[Om Hassan]

بصى زمان ومش زمان قوى يعنى من القرن 18 حتى الربع الاول من القرن ال20 كان الرجل يتدله فى حب المراة ويبذل كل شئ فى سبيل الفوز بها الا ان حدثت الحروب الاولى والثانية العالمية وقتل الكثير من الرجال يعنى نرجع لقانون العرض والطلب فى بلاد كثيرة النسبة 1 الى 6 يعنى راجل لكل 6 نساء يبقوا مش عاوزاهم يتدلعوا ويطلعوا فينا القطط الفاطسة

هههههههه حلو التفسير ده

[gannat mam]

انا معاكى 100 فى 100
مش احن اللى ناقصات عقل ودين وبيفكرونا بالحكايه دى بمناسبه ومن غير مناسبه
وبعدين لما يحصل مشكله تبقى الست (هى اللى بتحافظ على بيتها) وتبقى الست (هى اللى تقدر ترجع جوزها) وتبقى الست (هى الى تيجى على نفسها عشان المركب تمشى)
وعجبىىىىىىىىىىىىىى