[gannat mam]

مين فيكوا لما بتشترى
ملابس جديده
بتتصدق ببعض القديم
حتى لو كان اوكى.
مثلا جبت عبايه جديده
ادور فى العبايات الاقدم
واختار واحده اتصدق بيها.
ايه رايكوا اكيد كلنا بنشترى هدوم جديده للصيف ,يلا واحده جديده بواحه قديمه
سهله بس ربنا ياْذن وتلاقى حد تتصدقى عليه

اذا اعجبك الموضوع و اردت نشره في المنتديات الاخرى فاستخدمي هذا الرابط:
مين فيكوا بتعمل كده؟؟
http://forums.fatakat.com/thread27536

[توته1]

من ناحية نلاقي فأكيد هنلاقي
وبجد الناس الغلابه كتيرأوي
وخصوصا ان الدنيا غليت...
أنا معاكي أختي في كل كلمة وسأبدأ بنفسي..
وجزاك الله خيرا على التذكييييييير

توته

[سوكة الددة البيضة]

والله عندك حق يا جانيت
بس انا بالنسبة ليا الحكاية دى مش بتبقى كل ما اشترى حاجة بالضبط ولكن بتكون على هيئة دفعات........
يعنى كل فترة ..افتح الدولاب واراجع الموجود وايه الى بيتلبس بجد وايه الى ممكن استغنى عنه....
وان كان على الغلابة فهم كتيييييييييييييير بس احنا نلاحق عليهم ..
مشكورة يا قمر على التذكرة

[رانيـــا الشقية]

مشكووووووووورة يا جنات على التذكير
فعلا الواحد لازم يساعد الغلابة
مفيش أكتر منهم دلوقتى فى الوقت بتاعنا
مع الاسعار المرتفعة وقلة الشغل
وربنا يعينا على فعل الخير دايما ً

[مؤمنة بالله ورسوله]

مشكورة حبيبتى

[نوشة]

فكرة حلوة جدا ومن ناحية نلاقي حد اكيد حنلاقي ومصر مليانة ناس غلابة
مشكورة

[gannat mam]

مشكورين فتكاتى على المشاركه
وجزلكم الله خيرا

[مهوهه]

ربنا يبارك فيكي يا جانيت أنا بعمل زي اللأخت ساندي تمام يعني كل فترة بفتح الدولاب واللي فيه النصيب بوزعه

[emyaly]

تسلمى على التذكير
ربنا يقدرنا على فعل الخير
"لن تنالوا البر حتى تنفقوا مما تحبون"صدق المولى تبارك وتعالى

[nefrtlove]

انا نفسي اعمل كده
شكرا ليكيى

[shitos_lovely]

بصراحه انا مش بعمل كده كتير الى في الكوتشيات اللي صغرت وحجات قليله من اللبس بس انا من بعد ما قرأت الموضوع كل ما اشتري طقم جديد اتبرع بطقم قديم شويه
وشكرا انك خليتينا نحس بالموضوع ده فينا

[أميرتى يمنى]

شكرا ليكى جدا
وأنا فعلا ببقى نفسى أعمل كده بس ببقى مش عارفة أعطيها للناس اللى محتاجها بجد أزاى ياريت تقولولى أوصل لهم أزاى

[أم ايثار]

[ام سيكا]

[كادبورى 81]

والله فكرة حلوة قوى هحاول اجربها

[eg.meramar]

انا فعلا جربتها واحساس جميل والله لو تجربوه انا لبس فرحى كله كنت مفصلاه ومانفعنيش ولسه جديد ولقيت فى واحده بتجمع لعروسه ملابس بصراحه فرحت قوى ياريت فعلا كلنا ننفذ الفكره دى مش عارفه انا مكنش مفروض اقول لان دى حاجه لله بس عشان انقلكوا احساسى واشجعكوا

[ياسسو]

هي فعلا فكرة جميله

[gannat mam]

شكرا لكل الفتكات على التجاوب
ان شاء اله ماْجورييييييييييييييين

[gannat mam]

اميرتى يمنى ,مش صعب نلاقى حد نديه الهدوم ابدا ولو مش لاقيه فعلا يبقى نساْل قرايبنا ,جيراننا,اصحابنا, اكيد حد فيهم ان شاء الله يعرف حد محتاج
وكل ما نتعب فى التدوير والتوصيل لنا الاجر ان شاء الله

[crazy_tota]

عادي والله طالما حاجة مش حستفيد بيها حشيلها لية غيري اولي بيها والله ساعات كمان الهدوم الجديدة غيري بياخدها
انا مش بهتم اوي يعني