[Marwa Esmael]

السلام عليكم ورحمة الله وبركاته

كنت اود ان استفسر عن شىء من الفتوكات وهو متي يمكن التوقف عن استخدام البامبرزابنتي عمرها الان سنه و3 اشهر ولقد اشتريت لها قاعده تتركب علي التواليت واجلسها عليها حاواي 4-5 مرات لكن ممكن تعمل مره او اتنين والباقي في البامبرز
حاولت ان اجلعلها بدون البامبرز لفتره لما استطع التحمل كانت تتبول تقريبا كل ساعه وما كنت الحقها قبل ماتعمل وغرقت لي الدنيا

وعلمتها تقول ايأح بقت تقول بعد ماتعمل يعني تعالي غيري لي انا خلصت بقيت اعنفها وازعق لها لكن تعتبره لعب وساعات بضربها برضه مفيش فايده بتفتكره لعب وتتضربني مش عارفه اعمل ايه وامتي هقدر استغني عن البامبرز وكيييييييييييف

اذا اعجبك الموضوع و اردت نشره في المنتديات الاخرى فاستخدمي هذا الرابط:
مش عارفه اعمل ايه؟
http://forums.fatakat.com/thread27560

[دعاءالامام]

واللة يامروىانا عانيت الموضوع دة مع ابنى لانى بدأت معاة بدرى اعتقد ان البنت لو كبرت شوية هتفم وانشاء اللة تريحك اصبرى عليها شوية كام شهر تانى

[Marwa Esmael]

شكرا يادعاء وربنا يعيننا

[drnahla]

بصى مروة
بنتك صغيرة لسه.... خديها بالراحة
سما قلعت البامبرز ف البيت وهية سنتين
ودا رابط موضوع ممكن يفيدك قووووووى


http://يومياتى انا بودى فى الحمام .... حد يبدأ معايا؟؟

[Marwa Esmael]

متشكرة اوي يانهله اصل ماما وحماتي دايما يعلقو علي البامبرز وخلوني احس اني انا اللي مقصره بس الرابط اللي انت باعته مش بيفتح

[drnahla]

جربى تانى من الرابط ده لنفس الموضوع

http://forums.fatakat.com/thread11398

[القطه]

ازيك يا مروه انا تعبت جدا مع بنتى الكبيره قبل 8 سنوات بهدلتنى
لغايه مااتعلمت تعمل بيبى على التواليت هما بيستسهلوا وبعدين كمان بيبقوا مش متعودين يعملوا كده فى الهوا من غير البامبرز
انا دلوقتى فى نفس الموال مع بنتى الصغيره وعلى فكره اكبر من بنتك
عندها سنه وخمس شهور ولسه هبدا معاها فما تقلقيش انتى بس حطى الموضوع فى دماغك وعلى فكره هاقترح عليكى اقتراح انا بعمله مع بنتى
دخليها معاكى الحمام وانتى داخله هتشوفك وهتبقى عايزه تقلدك ده هيفيدك كتير
وهيفرق معاهاانها هتكون عايزه كده مش مفروض عليها
وادعيلى انا كمان ربنا يقويكى ويقوينا جميعا

[Marwa Esmael]

انا بعمل كده فعلا ياقطه وشكرا

[Marwa Esmael]

شكرا يانهله قريت الموضوع كله ونزلت الكتاب وربنا يعيننا جميعا

[bosycat0200]

انا زيك كمان بس بنتى اكبر سنه و8شهور وبدخلها معايا بس بنتى بتالع هدومها بعد اما بتعمل فى البامبارز وانا كمان محتاره خصوصا انها اول مره ليا

[بنوته شقيه@@]

مروى بنتك ح تآخد فتره حتى تتعلم اهم شي تكون بتعملها لو وحده مره في التواليت وبعد كدا وبالتدريج
هيا بنفسها ح تتعود ع التواليت لانها ح تحس انه اريح من البامبرز

انتي حوالي بعد ساعه من الوجبه تدخليها الحمام ..وهيا ح تعملها

اما ع البيبي فعلميها انه البنت الحلوه والشاطره تعملها في التواليت

ومره في مره ح تزبط معاكي وح تتعود

وبعدين ترا بنوتتك لسه صغيره ..لكن بالاستمرار و المحاوله حتتعود

[Marwa Esmael]

بوسي كات ادخلي علي الرابط اللي بعتتهولي نهله هيفيدك اوي وشكرا ليكي يابنوته شقيه

[ولد الامارات]

انت منو

[روشا]

على فكرة يا مروة بنتك لسة صغيرة بس برضه عوديها على القاعدة انا قلعت ابنى البامبرز وهو عنه سنة وعشر شهور ومتعبنيش خالص علشان كان متعود على القاعدة بس اوعى تضغطى عليها دلوقتى علشان ده حيجيب نتائج عكسية بس عوديها

[nehad]

متشكرة اوي يانهله اصل ماما وحماتي دايما يعلقو علي البامبرز وخلوني احس اني انا اللي مقصره بس الرابط اللي انت باعته مش بيفتح

أنا زيك بس ظروف رجلي منعاني

[أسعد أم]

شكرا يا مروة والله لانك فتحتي الموضوع ده لان بنتي عندها سنة و7 شهور ومع ذلك لسه ما حاولتش معاها قلقانه اوي من التجربة دي لكن سؤالك افدني كتير

[Marwa Esmael]

شكرا ياروشه والف سلامه علي رجلك يانهاد مالها قوللي يمكن اساعدك انا اخصائية علاج طبيعي واسعد ام ادخلي علي الرابط اللي بعتتهولي نهله هيفيدك جدا انا عارفه ان بنتي صغيره بس الحفاض جب لها التهابات فطريه فظيعه اخدت وقت طويل علي ما راحت ده اللي دفعني اكتر