[toto s]

اولا السلام عليكم
انا كنت متردده اني افتح هيك موضوع لاني مش عارفه لو الموضوع ده اتكتب عنه ولا لأ لاني بعدني شبه جديده وبعدني مشفتش كل المواضيع
بس انا اتكلت على الله وقلت افتح هاد الموضوع
كيف ممكن تعرفي اذا كان الشاب اللي بتحبيه بحبك ولا بتسلى بيكي
اذا كان صادق معاكي ولا كزااااب
انا بدي اطلب منكو انو كل مدام او انسه فيكو انها تكتب حاجه مجربه يعني مش منقوله من كتاب او مجله او موقع معين
انها تكتب من تجربه ليها او تجربه لصديقتها
المهم انو تكون من تجارب صارت مع ناس عشان تكون الاسباب اكتر واقعيه



انا حقول اول حاجه
هي انو يتذكر كل ذكرى صارت معاكو متل عيد ميلادك, ذكرى زواج, ذكرى التاريخ اللي تقابلتو فيه , ذكرى اليوم اللي جمعكو سوى...........الخ


اتمنى اني الاقي اشتراكات كتيره واتمنى انو يعجبكو الموضوع



toto

اذا اعجبك الموضوع و اردت نشره في المنتديات الاخرى فاستخدمي هذا الرابط:
كيف ممكن تعرفي الشاب الصادق من الكزااااااااااب
http://forums.fatakat.com/thread27574

[batota23]

ع فكرة مش شرط يتذكر كل ده عشان يبقى بيحبك
الحب ده احساس جميل حتى لو مذكرش كلمه بحبك انتى بتحسيها بكل معانيها من خلال تصرفاته افعاله تحركاته نظراته وكل شىء جميل انتى بتحسيه
علشان يكون بيحبك لازم يكون صريح معاكى والصراحة اهم شىء ليكى وليه ويارب ابدا ما تفرق اى اتنين اجتمعوا على الحب الحلال

[toto s]

آميييييييييين يا رب
عارفه كلامك حلو كتير يا بطوطه

[نادو]

بصى ياتوتوس مش شرط فعلا انو يفتكر كل دة عشان يبقى بيحبك وانتى بتحسى لوحدك ومحدش يحكم على الموضوع دة غيرك انتى لانك انتى اللى عايشة الحب دة وانتى اللى حسة بية يارب يارب يجمعكم على خير وترتبطوا ببعض ويسعدك ياقمر

[toto s]

تسلميلي يا نادو
انا حاسه انكو مش فاهمين قصدي
انا كل قصدي من هاد الموضوع انو كل واحده فينا تحط حاجه تكون بالنسبه الها دليل انو بحبها
انا عارفه انو كلامك يا نادو وكلام بطوطه صحيح
بس انا كل هدفي انو نجمع كم دليل اللي تعرف من خلالهم البنت اذا كان الشاب بحبها او لا
شكلي معرفتش اوصل هدف موضوعي بالشكل الصحيح

[nona79]

شوفي انا رائي انا المراءة عندها رادار خاص

يخليها تعرف لما جوزها او خطيبها يكذب عليها

انا شايفة من وجهة نظري ان دليل الحب الاحترام

والمعاملة الحسنة

شكرا ليكي موضوع جميل

[toto s]

شكرا على مرورك
وانا معاكي انو اساس الحب هو الاحترااااام

[نادو]

طب بصى ياتوتوس ياحبيبتى انا من وجهة نظرى انو
اللى بيكذب بيبان فى عنية وكمان كل واحدة بيبقى عندها الحسة السادسة بقى وبيتعرف

[toto s]

شوو يا بنات وين الردود والتعليقات
انا مش شايفه تفاعل بالمره
يلا بسرعه تعالو واعطونا ارآكو

[missshimoo]

توتو حبيبتى الكدب بيبان حتى لو كان بعيد عنك والاحساس عند الست عبارة عن ميزان حساس بتعرف تقدر كويس الكدب او الصدق
احكمى بعقلك قبل قلبك

[سوسو المروشه]

وانا مع الفتكوات حتى لو كدب مرة وانتى مكتشفتهوش فهيجى تانى مرة وهيتكشف
لان ربنا بيظهرلك اى علامة حتى لو انتى كنت واثقة فيه ومتاكده انه مش هيكدب عليكى بس العلامة اللى هتظهرلك ديه هى اللى هتخلى تخدى بالك من كذبه
العلامة اللى تخلى الانسان اللى قدامك صادق انه يدخل من الباب ويطلبك من اهلك
وميكنش انسان كتير الاعزار فى اى موقف فى حياته
ويكون انسان مش كلام وبس لا تكون افعاله اكتر من كلامه
بمعنى ان ممكن انسان من كلامه يحسسك انه مثلا هيبنيلك قصور بس هو مش بيعمل اى شئ حتى علشان يبنى باب القصر ههههه

[فراشه الحب]

والله لا اعرف انه ممكن اعرف من تصرفاته واخلاقه مع ربه

[toto s]

مشكوووريا ياقمرات على مروركو
يلا فييين الباقي

[the queen of love]

والله انا فيا أو بمعنى اصح كان فيا عيب خطير اوى وهو انى بآمن لاي حد وبدي ثقتى لان مخلوق في الدنيا سواء بنت او ولد
بس الحمد لله كل ده اتصلح دلوقتى
وبرده مكنتش بقدر افرق بين اللي بيكدب واللي بيقول الصدق
وحصلت لى حكايه انى حبيت واحد وهو بيحبني جدا وكانت قصه حب بس مش طولت وكان السبب ان واحده صاحبتى كانت ماشيه في شارعهم جارهم كلمها فلما قلت له كأحداث يوم عاديه بحكيها له...قال انى كده خنته وقفل وانتهى الموضوع وطلب اننا نفضل اصحاب وبس مش اكتر
يعنى انا مش شايفه انه سبب خاااااااالص لانى مكلمتش حد ولا في خيانه من الاساس
وواضح اوى انها حجه مفقوسه اوى
بعد فترة حب يصلح الامور وانا اسف والكلام ده رديتها له وافقت انى ارجع له وبعدها بأسبوع قلت له انت متلزمنيش انا اساسا مش بحبك ولا بطيقك ومش عايزاك
قعد يتصل كتير وانا مش ارد اخر مرة رديت قال لي مش بتردى واكتر الوقت التليفون مشغول قلت له وانت مالك خلى في دم وكرامه ... بس من يومها انتهى الموضوع بس اكيد جرح فيا كتير
والحمد لله بعد التجربه دى قدرت افرق بين الصادق والكذاب واخترت الاختيار الصح

[toto s]

قصتك مؤثره كتير اكيد بعدك حزينه بس منيح انك عرفتي تميزي بين الصح والغلط وبين الصادق والكذاب
الله يوفقك يا رب ويبعثلك الشاب المنيح والصادق

[كنده]

والله ما عندي فكرة

بس بظن الوحدة بتحس بقلبها يعني
اي شي بيقابلنا نحنا البنات بالدنيا نعتمد دائما ع احساسنا فبظن الوحد منا بتحس اذا كان بكذب عليها

[toto s]

صحيح يا كنده احساس المراه اقوى من اي احساس

[smsmah]

وحده صحبتي واقعه ف مشكله جامده جدا
هيا حبت واحد من خلال النت وبعدين اتكلموا بالتلفون وكان محترم جدا جدا جدا وبيحبها اوي وبيتكلموا كتير نت وتلفون وكانوا مرتبين حياتهم
وفجاه من تلات شهور ابتدي يتغير ابتدت تحس انه مش مهتم اوي بيها زي الاول وهو كان بيقلها ان كلامك صح بس انا عندي مشاكل ف الشغل وكده وهو كان معرفها بواحد صحبه عشان لو حصلت اي حاجه ومعرفتش تكلمه تلاقيه عن طريق صاحبه فاتكلمت مع صاحبه وقالتله ان فلان متغير ومعدش زي الاول وفجاه صاحبه ابتدي يقلها انه بيعرف بنت تانيه واسمها فلانه
فلانه دي تخيلوا صاحبه كان لسه معرفها بيها علي انها خطيبته وبتاع وفجاه قالها لا دي متخصنيش دي تخص اللي انتي بتحبيه ولما قالتلو ليه مقلتليش قالها كنت خايف عليكي تتصدمي وطبعا قالها متقلش للولد اي حاجه واتخانقت مع الواد اللي هيا مرتبطه بيه خناقه كبيره اوي وقالها كل شئ قسمه ونصيب وانا مش ليكي ولا انتي ليا كل ده والولد ميعرفش ان صاحبه قايلها حاجه وسابوا بعض
وحاليا صاحبه ابتدي يتقربلها والبنت اللي هيا المفروض خطيبته غيرت رقم موبيلها وصاحبه بيقول ان الولد اللي صحبتي بتحبه ده والبنت التانيه طول الوقت مع بعض وانه مش بيفكر فيها خالص وانه نسيها بس هيا حاسه ان الولد مش وحش كده وان صاحبه ده بيحاول يااما يوقع مابينهم يااما دي اشتغاله هما الاتنين عاملينها سوا عشان يتاكد الولد ان البنت بتحبه بجد المهم ان البنت صحبتي حالتها زي الزفت وطول الوقت تقول انه مستحيل حبيبها يعمل كده لانها عارفاه دي عشره سنتين بس بجد احنا كلنا حاسين ان فيه حاجه غلط ف الموضوع خصوصا ان الشاب ده محترم جدا
ومحدش عارف فيه ايه
بجد ادعولها يجماعه بظاهر الغيب وربنا يسترها معاها ويبين الحقيقه ويرجعوا لبعض ويرتبطوا رسمي

[أميرة الرومانسيه]

موضوعك بجد هاااااااااااايل
انا عندى قصه لواحده صاحبتى
كانت بتحب واحد وهو كان بيحبها بجنووووووووووووووووون
عيشها فى اوهاااااام !!! انا عندى كذا!!! وبملك كذا!!!!
وعايش فى كذاااااا وكذلك
وفجأه جه وقت الجد وراحوا سألو اهلها عليه لقوا ولا كلمه قالهالهم صدق
ولا كلمه
والمصيبه انه برضه لسه مصدق كدبه وانه مبيكدبش وبيقنع نفسه بكده
بس انا شايفه ان الى بيكدب بيبقى نساى يعنى بيقول كلام وينسى الى قاله من كتر كدبه دى فعلا من الحاجات الى ممكن تبقى فى الكداب
وبشكرك بجد موضوعك

[أميرة الرومانسيه]

موضوعك بجد هاااااااااااايل
انا عندى قصه لواحده صاحبتى
كانت بتحب واحد وهو كان بيحبها بجنووووووووووووووووون
عيشها فى اوهاااااام !!! انا عندى كذا!!! وبملك كذا!!!!
وعايش فى كذاااااا وكذلك
وفجأه جه وقت الجد وراحوا سألو اهلها عليه لقوا ولا كلمه قالهالهم صدق
ولا كلمه
والمصيبه انه برضه لسه مصدق كدبه وانه مبيكدبش وبيقنع نفسه بكده
بس انا شايفه ان الى بيكدب بيبقى نساى يعنى بيقول كلام وينسى الى قاله من كتر كدبه دى فعلا من الحاجات الى ممكن تبقى فى الكداب
وبشكرك بجد موضوعك اكتر من رائع