[ام سيف الدين]

السلام عليكم يا فتكاوات
انا عايزة اقولكم حاجة و يا ريت تساعدونى عليها
انا لما اتجوزت معملتش شهر عسل يعنى من ثالث يوم جواز كنا فى الشغل
المهم بفكر من مدة اقضى و لو يوم واحد برة مع جوزى و نفسى تقلولى اعمل ايه بالظبط لانى مليش علاقة جيدة بالرومنسية نفسى فعلا اقضى يوم جميل كله رومنسية
مع العلم انى عندى طفل 7 شهور و مينفعش اسيبة فى مكان
هل من ردود

اذا اعجبك الموضوع و اردت نشره في المنتديات الاخرى فاستخدمي هذا الرابط:
عايزة افكار جميلة و جديدة
http://forums.fatakat.com/thread27602

[lol5]

اممممم

ممكن ترتبي لقضاء ويك اند في دبي طالما إنك في الإمارات.. روحي يومين انبسطوا فيهم وجددوا الحب والمشاعر الرومنسية

أنا بسمع إن دبي حلوة كتير

[em salam]

ربنا يخليلك سيف يا رب
ممكن في نهايه الاسبوع يوم الاجازه تخرجو تتفسحو وتتبسطو

[رشا محمود]

ازيك يا ام سيف الدين
معلش انا اتأخرت في الرد، بس اول ما قريت الموضوع فكرتيني بنفسي. انا اتجوزت في الامارات واخدنا اجازة 5 ايام بس قضيناها في البيت. وبعدين رجعنا الشغل ، بس بعد فترة كده قررنا ناخد شهر العسل بتاعنا. هاقولك عملنا ايه: -
1- اخدنا يومين في فندق ماريوت - حمر عين - بيتهيالي يومين في الفندق ده بمائة شهر عسل، وفيه مطعم لبناني اسمه الريم - او حاجه كده مش فاكرة- جميل جدا جدا جدا.
2- وبعد فترة اخدنا يومين في هيلتون جميرا - رائع رائع رائع ، انت مش محتاجه تخرجي بره الفندق، كفاية الجمال اللي فيه والشط بتاعهم ، المكان بينطق رومانسية.
3- فيه مطعم اسمه (باتشانجا )في الفندق ، مطعم مكسيكي بس طبعا في معظم الوصفات الاوروبية والعالمية. الجو هناك هايل ، وفيه فرقة موسيقية ظريفة ، مكان محترم وراقي جدا ومش غالي اوي .
4- وبعد فترة اخدنا يومين في شقة فندقية في دبي ، وزرنا اماكن جميلة ، البستكية التاريخية ، شارع الرقة والمرقبات منطقة جميلة ، وفي الشارقة زرنا المحمية الطبيعية اكيد سيف هيتبسط فيها اوى ، مكان نظيف جدا ومغلق ومكيف. وفيه حيوانات جميلة وغريبة.
5- ومن فترة بسيطة جوزي كان عنده دورة دراسية تبع شغله ، ووفروا له اقامة في فندق راديسون ساس الرقة - برده جميل جدا ، وحمام السباحة هناك هايل، ممكن تقضي يوم عليه واكيد سيف هيفرح اوي ، فيه حمام للاطفال، وكافتيريا ، وفيه في الفندق بوفيه عشاء هايل.وسعره معقول جدا جدا.
6- وفيه مطعم لبناني ممتاز في الشارقة - الخان - اسمه الصنوبر ، روحيه وادعيلي ومش هتندمي ، احنا عرفناه من ثمن سنين ، بنروح هناك كتير وبنستني ننزل الشارقة علشان نتعشى فيه ، اسلوب الضيافة هناك ممتاز جدا والمكان هادي والاكل رائع!!

الشتاء اقترب ، والجو بيبقى هايل وربنا يسعدكم يا رب وتقضوا يومين حلوين، دبي جميلة جدا في الشتاء لما تتمشي كده في اسواقها الرائعة من غير سيارة ، باحس اني في اوروبا.
يارب اكون افدتك ، وماتنسيش تدعيلي.