[ام عدنان]

السلام عليكم ورحمة وبركاته
مشكلتى هى حماتى واخت زوجى
انا عندى 25 سنه ومتجوزه من 3 سنين
عندى ولد اسمه عدنان هو الى مصبرنى على حياتى
انا عايشه مع زوجى فى شقه مستقله عن اهله
بس مامته واخته دايما عندنا لان اخته مش متجوزه (عندها حوالى 35 سنه )وباباه متوفى
وطبعا بيجولنا باستمرار لانه اصبح رجل العائله عندهم
بس المشكله ان حماتى مش بتحبنى ودايما تقارن بينى وبين بنتها وبحس انها غايرانى منى عشان اتجوزت وخلفت وعايشه فى مستوى كويس
وبنتها لسه متجوزتش وجوزى حيران بينا لانه بيحبنى ومش بيزعلنى خالص وساعات بيجى عليهم عشانى بس بادب لانه بيحب مامته جدا
الجديد كمان ان امبارح كنت مع جوزى فى اودتنا
زى اى زوجين وهما كانو بايتين عندنا
وفوجئت بيها بتفتح علينا الباب وكانت فاكره ان حد فينا تعبان ودخلت تشوف فى ايه رغم ان بيتنا عباره عن شقه دوبلكس واودتنا فوق وهما تحت يعنى هى اصلا طالعه تتصنت لان حسنا ماكنش عالى ولا حاجه
انا منهاره من امبارح ومش عايزه اعدى الموضوع من سكات عشان مايتكررش تانى
اعمل ايه
اسفه للاطاله

[rawan432]

مش عارفه اقوللك ايه بس كده انتهاك للحرمات ده عيب قوى استعينى بقراءة القرأن وشغليه ربنا يصرف عنك اذاهم

[ام سيف الدين]

لا انت فعلا لازم تخدى موقف حاسم يعنى الموضوع ميعديش كدة حتى لو حتلجائى لكبرات العيلة اللى لهم كلمة مسموعة حاولى تحافظى على استقرار بيتك بكل الطرق المشروعة و الغير مشروعة لا دى حياتك انت و اللى بتعمله دا اسمعا قلة ذوق

[moheyeldin]

اختى فى الله انا عارفه ان الموقف اللى حصل ليس سهلا لاعليكى ولا على زوجك
فحاولى انك تتناقشى معه بهدوء لانه اكيد هو كمان زعلان من اللى حصل
وممكن بعد كده انك تغلقى عليكم باب الغرفه بالمفتاح من الداخل او تعملى ترباس داخلى
لان زى ما انتى قلتى انه اصبح الان راجل العيله ولايمكن انه يمنعهم من البيات عنده فى المنزل (راعى انه فى موقف حرج بينك وانتى معك حق وبين امه )
ولو تكرر هذا الموقف مره اخرى بعد اغلاق الباب سيتأكد زوجك انها متعمده

اختى ام عدنان لاتحاولى ان تبنعدى عن زوجك خوفا من تكرار هذا الموقف
لان هذا (والعلم عند الله ) قد يكون ما تريده فلا تفعلى ذلك ولاتعاقبيه على ما ليس بيده
وادعو الله ان يفرج همك
اللهم اااااااااااااااااااااااااااامين

[أميرتى يمنى]

السلام عليكم يا أم عدنان
أنا من رأى أنك تسكتى خالص وما تتكلميش لأنها زى ما أنتى قولتى هى قاصده اللى عملته ده يعنى مش صدفة ولا حاجة وعشان كده لازم تسكتى عشان بيتك وجوزك
لأنه هو كمان مش ليه ذنب فى حاجة وبعدين هو كمان شاف بعنيه وعرف هى بتعمل ايه فسبيه هو اللى بيتكلم ويتصرف لأنها أمه هو وهاتقبل كلامه هو لكن أنتى لا
وممكن تخليه يتقلب عليكى اسكتى وهو هايجبلك حقك لحد عندك لأنه هو كمان أنهان زيه زيك بالظبط من عاملة ماماته وبعدين حاولى انك تتحاشيهم وتبعدى عنهم عشان المشاكل يعنى مش تتكلمى معاهم كتير حتى ولو كانوا فى بيتك
لأنهم بيتعملوا على اساس انه بيتهم هما كمان فخلى بالك عشان بيتك وجوزك
وبعدين اعملى زى ما أقلولك أخوتنا أقفلى الباب بالمفتاح أو اعملى له ترباس من جوة
وربنا يهديلك الحال يارب ويبعدهم عنك
بس بجد والله خلى بالك منهم قوى وحرسى واوعى تخليهم يمسكوا اى فرصة عليكى
وربنا معاكى وابقى طمنينا عليكى

[ام عدنان]

انا متشكره اوى يا جماعه على اهتمامكو انتو عارفين الموضوع حساس ومكلمتش فيه حد من عندى
صدقونى يا جماعه هى حطانى ف دماغها من ايام الخطوبه كانت عايزه تجوزه بنت اختها بس هو بيحبنى جدا واتمسك بيا واتجوزنا وبعد كده فوجئت بيها دايما لما نروحلها نلاقى عندها بنت اختها دى ومره قالت لجوزى انك مقتدر ماديا ليه متتجوزش تانى رغم ان مكنش مر سنتين على جوازنا وكنت حامل انا بكرهها جدا ومش عارفه اتعامل معاها وانا عارفه انها كمان كارهانى

[ام عدنان]

عايزه اقولكم كمان ان بعد الى حصل امبارح ماتكلمتش معاها الصبح خالص وقعدت طول الوقت ف اودتى ولما جوزى جه من الشغل اخدهم ووداهم بيتهم واكيد اتكلم معاها هناك هو لسه مجاش انا بس عايزه اعرف موقفى معاه هو ايه لما يجى

[Raniam_2010]

طالما هو يا حبيبتى بيحبك جداً وانتى متأكدة من كده
يبقى خلاص لازم تتعاملى معاه عادى هو ملوش ذنب فى اللى اهله بيعملوه
وأكيد هو هيكلمهم بطريقته لأنه اكيد اتضايق زيك بالظبط
وحاولى ما تفتحى معه الموضوع غير لما هو يتكلم فيه
لو اتكلم حسسيه انك اضايقتى وماتكبرى الحكاية معاه
لو ما اتكلم يبقى خلاص هو مش حابب يتناقش لأنه عارف ان أمه غلطت
بس صعب عليه يقولك انت كده وأكيد هو هيجبلك حقك
وربنا يسعدك دايما يارب

[asmaa ebrahim]

ربنا معاكي ويعينك يا ام عدنان ومش حاقولك اكتر من اللي قالوه

[ام عدنان]

متشكره اوى يا جماعه هو رجع البيت وغير هدومه ونزل تانى عشان عنده شغل بس صالحنى وقالى انهم مش هايباتو عندنا تانى وقالى متزعليش نفسك وانا متكلمتش ف تفاصيل عشان مايدايقش بس حسيت من كلامه انه اتخانق معاها جامد

[نادو]

طيب من كلاامك كدة يبقى حقك رجع ليكى ياام عدنان ربنا يخليكم لبعض يارب وتعيشوا فى حب وسعادة وتحوليش انتى بقى تفتحى الموضوع تانى

[ام عدنان]

متشكره اوى يا نادو على اهتمامك رغم الظروف الى عندك ربنا يصبركو
انا فعلا مش هفتح الموضوع تانى بس هى تبعد خالص عنى وانا ارتاح

[نادو]

انشاء الله بالزوق والادب كل حاجة تبقى تماام انشاء الله ومدام هوا الحمدلله اخدلك حقك يبقى خلااص وهما مدام شافوا رد فعل جامد كدة من ابنها يبقى اكيد انشاء الله مش هتتكرر ولو اتكررت ابقى قوليلى وانا اجيلك واتصرفلك معاها دة انا اخطفهالك لو زعلتك تانى ياحبيبتى
ربنا يخليكى ياام عدنان
ادعيلى

[Om Hassan]

ربنا يكون فى عونك ويصبرك مفيش احسن من اللى قالوه الفتكوات

[7abibet gozha]

بصى دول اهله برضه و ملهومش غيره
ف انتى حاولى تكونى احسن منها و عامليها و كويس و متقوليش ل جوزك حاجة ماهو اكيد اتضايق برضه بس بعد كدة اما تبقى عندكوا ابقى اقفلى عليكوا بالمفتاح بقى
و ربنا يصبرك

[موري ام حمزة]

حبيبتى ربنا يكون فى عونك
اصعب حاجة عالواحدة انها ماتحسش بالامان حتى وهى فى حضن زوجها وفى اودة نومها
انا معاكى لكن المشكلة مش هاتتحل بسهولة لازم جوزك يبقى واقف جمبك
علشان التهاون فى حاجة زى دى مش هاينفع.لان حرمته هو كمان انتهكت.
واهم حاجة اهم حاجة الهدوء علشان ماحدش يستغل الفرصة ويجيب الغلط عليكى .
ويا ريت ماتقوليش حاجة لحد من اهلك
وربنا يهديلك الحال ويبعد عنك ولاد الحرام

[ام مهند]

حبيبتي ام عدنان

بغض النظر عن اي شئ اعتقد اننا لازم نفرض حسن النوايا للبشر جميعا
فانا لا اعتقد ان في ام تحب ان تشوف ابنها في هذا الوضع ابدا ابدا

ممكن زي ماقالت فعلا

عاملها بالاحسان وماتنسيش انه كما تدين تدان
معلش تعالي علي نفسك وعامليها كويس وان شاء الله ربنا يجازيك خير
وانت عارفه كمان لازم تتلمسي ليهم العذر وخصوصا الاخت التي لم تتزوج الي الان
صعب علي اي ام مهما كان ان تلاقي بنتها من غير زوج
حاولي تصاحبيها(اخت زوجك) وعاملي حماتك بالحسني (تكسبيهم وتكسبي زوجك وراحه بالك)وربنا يهدي النفوس يارب

[المعتزه بإسلامها]

أولا ماشاء الله على البنات كفوا ووفوا أكننا فى محكمة الأسره ههههههه انا مشوفتهاش بس بسمع عنها المهم ياجميل انا عاوزه أقول لك حاجه مهمه جدا جدا اللى إنتى فيه ده لا يعتبر أى شئ من مشاكل الحياه الزوجيه يعنى إنتى بجد بجد فى نعمه اللهم لا حسد وكل الأمور اللى ذكرتيها لو صنفناها جدلا واعتبرناها مشاكل فهى بإذن الله لها حلول أما المشاكل التى تعتبر فعلا مشاكل وسوف أذكر لك بعض منها لكى تحمد ربنا على الوضع اللى إنتى فيه وتسجدى لله شكرا .
منها على سبيل المثال عدم إهتمام الزوج بزوجته مهما فعلت وأتبعت من أساليب وخلى بالك الزوجه بتكون صبوره ايضا شوفى حجم المشكله أد إيه ولكن غالبيه الزوجات بتصبر عشان فى حاجات تانيه حلوه فى الزوج غير كده - عندك مثلا الزوج اللى بيسهر على القهوه معظم الوقت وسايب مراته دا غير الخيانات الزوجيه الله يحفظنا وإهانة الزوجه وضربها أمام أولادها وعدم أخذ رأيها فى أى حاجه تخص البيت أو الأولاد .دا جزء من المشاكل الزوجيه الحقيقيه ولكن إنتى تعتبرى جديده فى الزواج حتى بعد مرور ثلاث سنوات لسه خبرتك قليله يا كتكوت ودى حاجات بسيطه كلها وعلى فكره أختى مرت بنفس تجربتك بس الفرق بينك وبينها إن حماتها كانت كويسه جدا معاها ولكن أخت زوجها من سنها وغير متزوجه واستمر هذا الوضع تقريبا 4أو 5 سنوات وهما ساكنين ببيت واحد بس حماتها كانت لكن اخت زوجها فظيعه إلى أن كرمها ربنا وتزوجت تعالى شوفيهم دلوقتى سمن على العسل .يعنى انا عاوزه اقولك اصبرى ومتحطيش فى بالك ومش كل حاجه تحكيها لزوجك إطلاقا .لازم تعرفى يا حبيبتى إن المرأه قوة تحملها 8أضعاف الرجل شوفى أد إيه واحمدى ربنا إن إنتو مش فى نفس البيت بس أنا عاوزاكى تتيقنى من اننا فى دار إبتلاء ومش فى جنه ياحبيبتى وإنتى ولله الحمد أحسن من غيرك كتير جدا جدا جدا وعامليهم كويس عشان خاطر دى أم برضه يا أم عدنان كل أم بتغير على ابنها وياريت تسيفى الموضوع عشان لما عدنان يكبر إن شاء الله تشوفى بنفسك إنتى هتعملى معاه إيه وبعدين ترجعى للكمبيوتر وتقرئى مشكلتك وتضحكى على اللى إنتى عملتيه مع حماتك يا جميل .
الصبر يا كتكوته دى أول كعبله فى الزواج وإذا الواحد معدهاش يبأه مش هيعرف يصمد بقيت حياته .الحياه الزوجيه يا جميل كلها عواصف ورياح والجدع اللى يقف فى الباركينج لغاية ماتعدى العاصفه وبعدين يمشى فى طريقه عادى مش يقف أمامها ويقول ألحقونى سهلى على نفسك يا حبيبتى العمليه سهله خالص وهى إنك تطنشى ردات فعل حماتك واخت زوجك وتحاولى اثناءزيارتهم ليكى انك تكونى بجانب زوجك علطول عشان واضح انهم بيعملولوا الف حساب وقدمى إنتى الخير دى أم برضه ومش أى أم دى أم الراجل اللى إنتى بتحبيه وبيحترمك وبيوقرك إكرميها ياحبيبتى من المنطلق ده وكمان حسبه لله عشان تؤجرى وإسألى عليها بالتليفون بس أمام زوجك فى الأول لغاية ما تثق فيكى وتحبك وعشان ما تقولكيش حاجه تضايقك وتعمل حسباب لإبنها وروحى زوريها وخدى لها حاجات حلوه .
انا اسفه يا حبيبتى عالإطاله بس العنوان شدنى قلت فى قنبله ولا حاجه أما أدخل أشوف فى إيه لقيتها بليه مش قنبله ههههههههه روق يا جميل ياصغنن الدنيا ماتستاهلش !!!!!!! وربنا يهدى سرك يارب ويوفقك ويحبب زوجك فيكى أكتر وأكتر سلام ياقمر .

[roro-myzo]

طيب حقولك حاجة ومتضحكيش عليه جربى وشوفى لاخت جوزك عريس بجد حتكسبيهم اوى وعمرهم ماحينسو الموقف دة بجد والله جربى

[أم الطيب]

احمدي ربنا انه اهداك هذا الزوج العاقل اللي بيوفق بينك وبين اهله غير اللي بيكون في جانب امه علطووووووووووول ومتحيز لها ضد زوجته ظالمة او مظلومة..
واوعي في اي يوم توصليه لانه يختار بينك وبين امه لان لو كفة امه غلبت هتضيعي انت حتى لو بيحبك ولو كفتك غلبت خسر زوجك آخرته بغضب امه عليه، والام يوم القيامة لا تُسأل ما أبكاك وإنما تُسأل من أبكاك..
ساعدي جوزك بانه يكون بار بأمه بإنك تعدي التفاهات اللي بتحاول امه تختلقها ومتديهاش فرصة انها تحس انها بتضايقك.. كبري دماغك على الآآآآآآآآآآآخر.. ولما تحصل مشكلة صغيورة كده وجوزك يسألك عنها قوليله لا يا حبيبي انا مخدتش بالي او ماما مكنتش تقصد.
ربنا يبعد عنكم الشيطان.