[برتقال سكرى]

والله افتحى معاها الموضوع
طبعا بس بأدب
وأنتى بتتكلمى حاولى تبينى ان اللى هى عملته حرام
ومعلشى استحملى طبعا صعب عليها ان بنتها لسه ما اتجوزتشى
حطى نفسك مكانها وأنتى تقدرى
وحاولى ترضيهم علشان جوزك
وربنا يهنيكم

[قطرات الندى 2]

انا عندى نفس مشكلتك بس لسه متجوزه جديد اوى وجوزى بيجب مامته ومش ممكن يكون ضدها بس موقف زى الى انتى بتحكيه ده رد فعلك الطبيعى يكون مع جوزك وبعدين ليه مش بتقفلى الباب عليكوا بالمفتاح ووغير كده معتش ينفع يكون ليكى رد فعل دلوقتى لو كان جوزك قالها اول ما فتحت الباب عليكوا مش تخبطى ياماما مثلا ولو بهزار كنت هقولك ممكن كنت تكبرى الموضوع وتخدى حقك ب جوزك متكلمش فمش هتقدرى تتكلمى وبعدين برده كويس انك عايشه فى شقه مستقله انا زيك عايشه فى شقه مستقله وهى عندى كل يوم وهو عندها كل يوم بقت حاجه رخمه اوى وعايزانى كمان اسيب شقتى وقعد فى بيتها وقالتلى الكلام ده من تالت اسبوع جواز فمتتصوريش اد ايه انا عايشه فى قلق وخايفه من بكره الصبح لاصحى الاقيها قرررت ان احنا نروح نعيش معاها وابنها مش ممكن يزعلها حتى لو على حسابى ولو ناقشته فى اى حاجه بيجيب امثله دينيه فيما معناها ان الزوجه بتطيع زوجها فى اى حاجه الامعصية الله ومبعرفش اوصل لحا معاه

[dodi80]

واللهى يا جماعة ياريت برده نعرف ايه حدود بر الوالدين ؟ ولو أم الزوج مدلعة نفسها اوى وعاوزة طلباتها كلها مجابة وكل حاجة عاوزاه هى اللى تقوم بيها رغم ان لو اهل زوج بناتها عملوا كده مش بتعديها ابدا وفى الاخر بتقول على نفسها طيبة ومش واخدة حقها فى الدنيا ومبررها ان مرات ابنها مش كويسة واهل ازواج بناتها مش كويسين والزوج طبعا شايف اى حاجة حتى لو صعبة ده نوع من انواع بر الوالدين ساعات كتير ببقى فى حيرة خاصة لما بفكر فى الموضوع من النحية الدينية ياريت حد يريحنا ويفيدنا فى الموضوع ده ولو حد وصل لحاجة يرايت يبلغنا بيها

[dodi80]

نسيت اقولك يا جماعة انها بتحيبنى وانا ببادلها نفس الشعور بس بصراحة مش بحس فيها بحنية ولا حتى على اولادها هى فى دماغها انها عايزة تدلع وخلاص وهل لو هى بتحبنى ده مبرر انها تقول اى حاجة او تعمل اى حاجة تزعل بحجة انها بتحبنى؟

[gannat mam]

كل ما افكر اقولك حاجه الاقى فتوكه من الفتكات سبقتنى ههههههههههه
ربنا يحفظلك جوزك وبيتك ويباركلك فيهم

[هنية المتهنية]

أنا برأيي انو زوجك لازم ياخد موقف لانه هدي شغله ما بنسكت عليها و لازم يفهمهم انهم لازم يحترموا خصوصياتكم و خصوصا انه الأم كانت بيوم متزوجة و بتعرف شو يعني حدا يدخل الغرفة على زوجين و هما نايمين . اتفاهمي مع زوجك و خليه يكلم امه و الله يوفق..

[شرين عمر]

مش عرفة اقولك اية بعد كل اللى الكلام دة ان شاء اللة بكرة يكون احسن من النهاردة وربنا يحل هذة المشكلة ولا فر من قضاء اللة الا اللة

[MEDOBEBO]

ربنا يهدى سرك وكل المتزوجات

[لوله]

السلام عليكم أولاً
ثانياً: الرأي اللي قالته رورو حلو جداً
وده فعلاً هايعلي نقاطك عندهم
والله يعينك عليهم
ويخليلك جوزك ويسعدك معاه

[حنان2210]

عشان ده اغرب موضوع سمعته في حياتي ومن سعتها وانا مستغربه ومش عارفه اقول ايه فلا تعليق

[اسكندرانى]

عزيزتى ام عدنان
انتى فى موقف لاتحسدى عليه وربنا يصبرك
انتى قولتى بنفسك ان زوجك عمره مازعلك وبيحبك جدا
احتراما وتقديرا ليه تستحملى اهله معلش

لان لو انتى مكانه ودى كانت والدتك انتى اكيد كنتى هتزعلى من تصرفاتها بس مش هتقدرى تجرحيها وكمان كنتى هزعلى جدا ان زوجك مدايق منها

والحمد لله ان حجرتك بتكون بعيد عنهم واقفلى على نفسك بالمفتاح ومعلش للمره التانيه تعالى على نفسك واستحمليهم وادعيلهم وادعى لاخت زوجك بالزوج الصالح

وربنا يخليلك زوجك وعدنان

[Marwa Esmael]

طالما جوزك بيراضيكي وبيعملك كويس وبيجبلك حفك خلاص ماتضغطيش عليه واحسن انك مادخلتيش اهلك في الموضوع

[ام عدنان]

ربنا يخليكو ليا يا احلا فتكاوات ف الدنيا كلها بجد هونتو عليا الموضوع
انا بس كنت متداياه ان الحكايه وصلت لغرفة النوم بس الحجات التانيه انا بعديها ومش بعمل عليها مشاكل لان هو كويس وبيحبنى ومش عايزه ازعله
وعموما مامته اتصلت بيا وكلمتنى عادى جدا ومجبتش سيرة حاجه بس لسه ماشوفتهومش تانى وربنا يسهل والاقى عريس لبنتها عشان ارتاااااااااااااح

[ام سراج]

حبيبتي طبعا البنات بارك الله فيهم قالوا كل الخير واحب اقولك رأيي
جوزك هوه اهم حاجه اوعي تحطيه في اختيار بينك وبينهم دول مهما كان اهله واللي ملوش خير في اهله ملوش خير في حد بالعكس اعينيه على برهم وطاعتهم والحمدلله انه بيحبك ومعتز بيكي
الحمدلله انهم مش ساكنين معاكي انا اتعرضت لده مع اهلي وانا صغيره وكانت عمتي منكده علينا عيشتنا وكان بابا معاهم على طول الخط وضد ماما على طول الخط
كل يوم كنا عايشين في ضرب واهانه وذل وماكانش لينا مكان تاني نروحه وماما ياما استحملت ولسه بتستحمل ذل انها تعامل ناس كارهينها وممكن تتهزأ وتضرب قدامهم كل ده علشان اخواتي الصغيرين
ربنا يبارك لك في جوزك ويصلح حالكم...اصبري