[موري ام حمزة]

الحقونى يا اخواتى الفتكاوات
قولولى اعمل اية فى جوزى
بينقدنى بطريقة مش معقولة حتى لو بيهزر لازم ينقدنى
اللى عندها خبرة بحاجة زى دى تفيدنى:ico n_mad:

[Raniam_2010]

يامورى حاولى يكون عندك ثقة فى نفسك
حسسيه بكده دايما عشان هو حسك انك مش واثقة فى نفسك كفاية
بيكتر من حكاية النقد دى عشان يضايقك حتى ولو بهزار زى ماقلتى
وبعدين ياحبيبتى طالما بتعملى اللى عليكى يبقى خلااااااااااااص
ولازم برضه تراجعى نفسك فى الحاجات اللى بينقدك فيها
يمكن عنده حق وأنتى مش واخدة بالك
ربنا يسعدك دايماً يارب ويوفقك فى حياتك

[موري ام حمزة]

شكرا عالهتمام يا رنيم
هو فعلا بيحاول يغيظنى كتير حتى لو بدافع الهزار لكن انا بحس انى مهما عملت مش عاجباه
نفسى يرضى عنى بدون اى شروط

[7abibet gozha]

بصى ليه متفكريش ان جوزك ديما بينتقدك لان هو اللى مش واثق ف نفسه
بذكائك انتى ممكن تخليه يبطل ينتقدك
يعنى مثلا اما يقولك انتى متعرفيش تعملى كذا قوليله عندك حق يا حبيبى علمنى او ادينى بتعلم اهه لحد معملها عشان انت متستاهلش الا احسن حاجة كدة اضحكى عليه ب كلمتين
واللهى انا بعملها كتير و بتنفع

[umaesha]

عااااااااااااادى يا حبيبتى انا برضه هى دى مشكلتى فى الاول كنت بزعل واتنرفز لكن دلوقتى بقعد اقوله عندك حق علمنى انتى ده انتى اللى فيهم واخدها بضحك وبتعدى وزى ما قلتلك
7abibet gozha vbmenu_register("postmenu_316439", true); حاولى تشوفى لو كلامه صح تصححى اخطائك بذكاء اما لو كنتى مش غلطانه فمشيها هزار علشان المركب تمشى ربنا يعنيك ويعين كل اللى زينا اللهم امين

[مميزه مره]

ابذلي جهدك عشان تتغيري
وتعملي كل شي يضايقك فيه
وصلحي من نفسك ومكياجك
وأدلعي وثقي بنفسك ولا تهتمي

[همس الحب]

ههههههههههههههههههههههههه
دهشىء عادى فبعض الرجال بس على فكرةده بيبقا نوع من الاستفزاز يعنى حاولى على قدر الامكان متبينشيشش انك متغاظة وردى وقولى حاضريا حبيبى وشوفى النتيجه انا بقا دايما جوزى يقولى اما خليتك تقولى الرجل ده هيجنينى هايجنيناااااااااااى ههههههههههههههه فعمرى مهفكر اقولها ده احسنرد صدقينى

[ياسسو]

حبيبتي انت كانك بتتكلمي عن جوزي بالضبط
لو عاملة 9 حاجات زي الفل وحاجة واحده نسيتها او عملتها مش مضبوط
يتجاهل ال 9 الحلوين ويعلق علي الواحده الوحشه
يعني لا تعليق ابدا علي الحاجة الكويسة كانه مش بيشوفها
ده انا كنت صابغة شعري لون اصفر وقعدت بيه كده يمكن اكثر من سنه
وبعدين جيت في يوم عملته احمر
وقاعده قدامه ولا علق خالص ولاقال حاجة
وبعدين قلت له مش ملاحظ حاجة علي شعري
قال لي ماله
قلت له غيرت لونه لاحمر
تخيلي قال لي ايه ؟
قال لي امال هو كان لونه ايه قبل كده
انا بفكر ان الغي حاجات حلوة كنت بعملها
ولو سالني عليها هقوله ما انت مش بتشوف الحلو يبقي اعمله ليه

[ام سيف الدين]

تتصورى انه فعلا لام نلغى الحاجات الحلوة اللى احنابنعملها لغاية ما يحس ان فيه حاجة ناقصة
يعنى يعرف اان فيه حاجة كانت بتعجبة و مش واخد باله منها
بكدة حعرف ان فيه حاجات كتير كويسة و لازم يشكرنا عليها
و ربنا معانا

[7abibet gozha]

انا مش متفقة معاكوا اننا لازم نلغى الحاجات الحلوة لان الرجالة مبيجوش بالعند
عاملى جوزك كأنه طفل صغير تجاهليه شويه هتلاقيه يجرى وراكى مش لازم تحسسيه انك متعلقة بيه اوى هتلاقيه هو اللى التغيير خنقه و يحاول يرجعك زى ما كنتى
لكن بلاش عند هى طبيعتهم كدة

[Om Hassan]

معظم الرجالة كده
وزى مقالو الفتكوات خليكى واثقة فى نفسك وخدى كلامه هزار وكبرى دماغك

وربنا يهديهم

[برتقال سكرى]

عااااااااااااااااااااااااادى خالص
انا جوزى لو فات يوم من غير ما ينتقدنى
اكيد بيبقى مخاصمنى
يعنى اول ما يتكلم ينتقد
ساعات بقول الخصام ارحم