[أميرة فقيرة]

السلام عليكم ورحمة الله وبركاته

يا جماعه انا بعمل الطريقة دى من فترة لتخفيف شعر الوجه وقلتها لبنات كتير فى قسم استشارات البشرة ومعرفش ان فى بنات كتير متعرفهاش والله

عشان كدا مكنتش كاتبه تجربتى عنها مفكرة انها حاجة قديمة

م البداية كدا الموضوع مقسوم قسمين

الاول عن تجربتى الناجحة مع منقوع الترمس المر
لتخفيف شعر الوجه

والتانى تجربتى الفاشلة بنفس الطريقة مع شعر الجسم

انا بزيل شعر الشنب والدقن بالفتلة بعملها لنفسى وبقيت الوش بشقره بكريم جولى ايفا

عشان مش باين قوى بس قبل فرحى هعمل له الطريقة دى لكللللل وشى

وياريت كل واحدة تتعلم طريقة عمل الفتلة من اى واحدة قريبتها بتعرف تعملها بدل

ما تشيلى هم مرواح الكوافير كل مرة

انا اتعلمتها من مرات خالى ابلة سميرة ربنا يجازيها عنى كللللللللللللل خير

معلش هههههههههههه رغاية




المهم انا بعد ما بعمل فتلة

فى وشى لازم استخدم كريم مضاد للحساسية عشان يهدى الالتهاب ومش يكتر الحبوب زى كريم كيناكومب مثلا او فيوسيدين

ده اول خطوووووووووووووووووووووة ولاااااااااااااااازم تعمليها لو مش عوزة الحبوب تكتر

وكمان بحط كريم مضاد حيوى لوشى بعد التشقير لانه بيبقى محمر شوية

تانى حاجة بكون محضرة انقع معلقة كبيرة ترمس مر مطحون((من عند العطار))

مع ربع كوب ماء مغلى واسيبها تتنقع لمدة 4 ساعات مثلا

((فى الصيف بعد اما تتنقع تتحط فى التلاجة عشان بيطلع لها ريحه لو سبتيها برا))

وبعدين استخدمها مرتين او تلاته فى اليوم بعد الفتلة يعنى مثلا لو عملت فتلة الصبح

او الظهر بعدها مباشرة ً اغسل وشى بمية بارده وانشف واحط الكريم بتاع الحساسية

زى مقلتلك على بالليل بقى او بعدها ساعه ساعتين كدا
بعد اما يكون الالتهاب هدى وراح خالص وغسلت وشى اصلا ....

....بروح حاطه من مية الترمس المر المنقوع ببلل بيها على وشى واسيبها لما تنشف

ومتغسليهاش الا لو انتى خارجه او هتتوضى او كدا غير كدا سيبيها على وشك

الكلام ده غالبا بعمله مرتين فى اليوم الصبح وبالليل

لمدة يومين او تلاته


((فى ناس بتحطها لمدة اسبوع بعد الفتلة وبرده على حسب كثافة شعرك بقى ممكن تزودى المدة ))

والله كنت بعمل منطقة الشنب دى ايام مكنت فى الجامعه

لاااااااااااااااااااااازم اخر يوم فى كل اسبوع لان الشعر

بيكون ظاهر وباين

دلوقتى بعملها كل اسبوعييييييييييين وساعات ممكن بعد كدا كمان

جربوا الخلطة دى وهتدعولى

((خلى بالك مية الترمس بتنشف الوش فلازم يوميا ترطبى وشك كويس))

هيا طريييقة بسيطة بس صدقينى بتفرق كتير لما يجيلك سفر فجأة

او تكونى مسافرة بتكونى شايله هم الفتلة والشعر وهتروحى كوافير فين خصوصا للى لازم

بيعملو شعرهم كل كام يوم بسبب غزارة الشعر او اخر الاسبوع زى مكنت بعمل

كنت ببقى محتاسه فى السفر لان مش كل الاماكن هتعرفى تاخدى فيها راحتك

وكمان لما بكون مسافرة باخد الملقاط مش الفتلة عشان يكون اسرع حتى لو دخلت اى

حمام اطلع المراية واعمل بيه بدل الفتلة عشان اسهل واسرع

وكمان لما تكونى تعبانه مش قادرة تعملى بتكونى مطمنة لان مدة طلوع الشعر بتطول

كمان دلوقتى لما بيطلعلى بعد الاسبوعين او اكتر بيبقة مش تقيل

بيبقى مش فى كل المكان فى حتت مش بيطلع فيها وممكن تجربوها ومتكونوش محتاجين

تعملوا فتلة غير كل شهر لان كل بشرة غير التانية

الطريقة دى مش فاكرة صاحبتها اللى قالتها بس ربنا يجازيها كل خير

القسم التانى بقى تجربتى الفاشلة لتخفيف شعر الجسم بمنقوع الترمس المر

عملت نفس الطريقة للجسم بس كمية اكبر طبعا كنت شفت الموضوع من حوالى السنة ونص

او السنتين فى منتدى تانى ((هحط لكم طريقتها تحت بالتفصيل))

وعملتها لمدة 4 شهور او 5 على ما اذكر ومجبتش اى نتيجة

دى الطريقة بس هيا كانت بتقول انها بتعمل بالموس مش الحلاوة

وانا طبعا كنت بعمل بالسويت وانصح اى واحده بتعمل بالسويت اوعى تغيرى طريقتك

وتستخدمى الموس لان الست دى كانت بتقول ان الطريقة بتنفع مع الموس اكتر م السويت

بس الواحد بردة ميجازفش افرضى عملتى شعر جسمك بالموس وبردة منفعتكيش

كل جسم غير التانى ..

؟..

الطريقة اهى

بسم الله الرحمن الرحيم

حبيباتي حبيت أفيدك بهذه الطريقه اللي معروفه عند المغربيات والسودانيات

واللي ماعلمونا عنها0000 الله يهديهم

قال رسول الله صلى الله عليه وسلم :

من يأخذ عني هؤلاء الكلمات فيعمل بهن ؟ وذكر منهن

(أحب للناس ماتحب لنفسك تكن مسلما)

فمن منطلق هذا الحديث أردت أن أخبر الجميع بالسر العظيم الذي يقضي على الشعر الى الابد

وقد جربته بنفسي منذ سنتين أي قبل زواجي والأن ولله الحمد لايوجد أي شعره بجسمي الا رأسي والحواجب على فكره

(آمن على منطقه العانه)

(وهو يعمل كطريقه الليزر ولكن صحيه ولايوجد لها مخااااااطر)

المقادير:

كأس ترمس مر مطحون (من عند العطار)

3 كاسات ماء مغلي

علبه رشاش

1)ضعي في اناء زجاجي الترمس والماء واخلطيه حتى يتجانس

2)ينقع لمده 24 ساعه لنتيجه أفضل ثم يوضع فى الثلاجة

3)بعد ماتشيلي الشعر بالموس وتغسلين مكانه من جل الحلاقه رشي عليه من الترمس طبعا بعد ماتصفيه ودعيه على الجسم بدون غسيل ( لاحظي قلت بالموس لأنه يعطي نتيجه افضل من الحلاوه)

4)كرري العمليه لمده يومين

5)بعد ظهور الشعر مره أخرى تكرري نفس العمليه 3-4 وهكذا حتى يختفي الشعر

ملاحظه:

كل نوع شعر يختلف عن الثاني (يعني فيه بنات بيلاحظون ان الشعر يختفي من اول مره والبعض يبيله تكرار أكثر من مره

ولاتيأسون نحن الخليجيات فينا طبع شين اننا نمل بسرعه وبعد مستعجلين نبي النتيجه بسرعه

ترا الصبر زين وعلى قوله الأمير الشاعر (خالد الفيصل)

يامدور الهين ترى الكايد أحلا

حاجة اخيرة بقى

عوزة اقول انى


انا حاليا بستخدم حلاوة رقة المشاعر لتخفيف الشعر ومنع ظهوره


ومنتظره كام شهر عشان اشوف النتيجة

وربنا يسهل لو نفعتنى هكتبلكم موضوع عن تجربتى معاها

بس كدا خلاااااااااااص

اتمنى تستفيدوا من تجربتى وتبدأوا تعملوها

بسيطة وغير مكلفة خالص

بالتوفيق للجميع

[ربى لك الحمد حتى ترضى]

قشطه يا قمر
نجرب مش ورانا حاجه

[**نور الاسلام **]

جزاكى الله خيرا

[اميلى]

شكرا يا قمر جزاكى الله خيرا

[حبايبى لولو وزومه]

طيب مهى بتاعت الجسم مجبتش نتجة واناعندى ترمس بس معرفش مر ولا ايه

[cute nado]

كريم كيناكومب هااااااايل بيهدى جدا

تحذير!!!! الترمس يسد مسام البشرة مع كثر الاستخدام اسألى اى عطار خبير
زى الترمذى

[ميمة ادم]

مشكووووووووووووووورة جزاكي الله كل خير هجربها واقولك ان شاء الله

[زعلانة جدا]

تسلمى ياقمر

[simsim84]

هو فى ترمس مر وترمس مش مر
وهفرق بينهم ازاى

[kenzee]

ميرسي ياسكر