[totatota]

بسم الله ده اول موضوع ليه معاكوا وبصراحه انا مضايقه جدا جدا ومش لاقيه حد اتكلم معاه انا وخطيبي مخطوبين من سنه انا بحبه جدا وهو كمان بيحبني بس المشكله انه مسافر وكل علاقتنا علي النت اوقات بيبقي حنين وملهوف عليا جدا ويفضل يرنلي عشان ادخله علي النت ويفضل يقةلي كلام حلو كتير وانا كمان بصراحه مغرقاه كلام حلو وحنيه
لكن بتيجي عليه ايام مش عارفه بيبقي متغير وغريب جدا معايا ده سعات بيبقي اون لا ين وانا كمان اون لاين وحتي مش بيدخل يكلمني وانا بزعل منه قوي لما يتغير كده ومش عارفه انا اوفر شويه ولا هو الي غريب
انا كلمته مره في الموضوع ده قالي الدنيا مش كلها حب وبس مش عارفه هل دي طبيعته ومش ممكن تتغير ولا ده بس بسب السفر والنت وان التواصل مش مباشربينا المشكله فعلا اني بقيت بفرح بس لما بتكون علاقتي بيه كويسه

اذا اعجبك الموضوع و اردت نشره في المنتديات الاخرى فاستخدمي هذا الرابط:
ازاي اتعامل مع خطيبي المتقلب
http://forums.fatakat.com/thread27900

[7abibet gozha]

بصى يا حبيبتى انا كأنك بتتكلمى عليا انا و جوزى قبل منتجوز هو فى محافظة و انا ف محافظة و كلامنا كله على النت
انا دايما ببقى ملهوفة و هتجنن عليه و هو ساعات بيحسسنى انى ملكة و ساعات كن بيكلمنى كلام عادى جدا ف وقت انا مستنيه منه يقولى وحشتينى
و قاللى مرة برضه ان الحياة مش حب و بس و مش هتقف علينا
كل الرجالة كدة لانهم مش بيفكروا ب عواطفهم زينا
بصى حاولى متبينييش انك زعلانة منه و حاولى اما يتقل تتدلعى عليه و اتمرقعى ب معنى اصح هتلاقيه هو شوية ب شويه بيتعدل و برضه من وقت للتانى اتقلى عليه اعدى طول النهار مثلا متعبريهوش انا عارفة انك هتبقى هتموتى و تكلميه بس برضه اتقلى خليه هو اللى يدور عليكى اما يحس ان حاجة تقصاه
و كمان فعلا ان التعامل ما بينكم مش مباشر ده سبب يغنى انا دلوقت اتجوزته اهه و ببقى منزلاه الشغل و شويه وتلاقيه يتصل بيا او يبعتلى مسج بس برضه مع الايام هيبقى فى روتين انا لسه عروسه جديدة و هو فرحان بيها
حاولى انتى تعودى نفسك انك تمتصى غضبه و تتحملى تقلبات مزاجه

[((مى))]

تصدقى يا توتة انتر بتكلمى عليا
انا كمان خطيبى مسافر ونفس المشكلة
بقالة فترة طويلة قلل مكالماتة معايا على النت دة اول ما اسافر كان بيدخل كل يوم
دلوقتى بفضل فترات مستنية يكلمنى سعات اكلمة على الموبايل عشان اطمن علية
يقولى معلش انا مقصر معاكى شوية ويرجع تانى ميكلمنيش
حبيبة معاها حق
المفروض نتقل شوية
اظاهر ان الرجالة مبتجيش غير كدة

ربنا يسعدك ويوفقك

[فرحه]

والله كلكم بجد بتتكلموا عليا انا وخطيبى هههههههه اظاهر ان كل الرجاله كده
لازم متعبريهومش عشان يتعدلوا انا برده يا توتا مكتوب كتابى بقالى سنه وكل كلامى مع خطيبى ع النت وبيحصلى زى اللى بيحصلك انتى ومى وحبيبة جوزها ويمكن اكتر شوية لا مبالاه وساعات يكلمنى بلهفة وساعات بملل وصدقينى احنا اللى غلطانين لو نجمد قلبنا شوية ونقوى عليهم مكنش بقى ده حالنا كل اللى قلوه وقولته صدقينى صح اتقلى كده وخليكى راجل واشطبى من حياتك كلمة احساس لفتره حتلاقيه هو اللى يجرى عليكى وصدقينى ده عن تجربه

[توته1]

أهلا بيكي يا توته توته...

وخلي بالك ان مشكلتك انك توته توته لو كنتي توته بس زيي كده مكانش ده يبقى حالك!!ههههههههههههه أنا بضحك معاكي طبعا

بصي يا ستي أنا الأول عايزه أسأل سؤال مهم

هو خطيبك ده كاتب كتابه عليكي وللا لأ؟؟؟؟؟؟؟؟

لو أيوه يبقى معاكي حق وهو غلطان بس اعذريه لأنه مسافر وأكيد بيشتغل وعليه ضغووووط كتيره وانت لازم تكوني مصدر الحب والراحة والحنان وكل الحاجات الحلوة.......

لو إجابة السؤال لأ يا توته توته...........
يبقى انت معاكيش حق!
لأنه أصلا مينفعش يقولك وحشتيني وكده طالما انك لسه مش زوجته!!
وللا اييييييييييييه؟؟
فكري وردي علي..

توته

[totatota]

انت معاك حق يا توته احنا لسه مخطوبين بس مش مكتوب الكتاب ان شاء الله هيكتب في العيد الصغير وسعات بحس ان يمكن الي بيحصل ده رساله من ربنا لاننا فعلا كتير بنتجاوز وبنقول كلام لبعض مش من حقنا عندكوا حق يا حماعه لازم اتقل عليه شويه انا اصلا مشكلتي اني رومانسيه اوي اوي زي ماهو بيقول

[fulla]

مش هاقول اكتر مما قيل من الفتكوات الجميلات
اتقلى عليه ومش تحسيسه بلهفتك دى انا كده مع خطيبى
ولله الحمد مش بيغيب عليا كتير ولما يحصل بكون عارفه
انه مشغول او فيه حاجه مش مظبطه معاه
وتوته 1 معاها حق
فى انكم لسه مش من حقكم الكلام فى الحب ولا المشاعر دا دلوقتى
وصاحبتى جربت دا وبتقولى كده احسن يعنى حست بقيمتها بعد الجواز
جربت انها مش تقول كلام حب او مشاعر فى فتره الخطوبه
وانا بحاول اقتدى بيها فى النقطه دى وبجد كده افضل بكتييير
ودعواتكم لى ياكل فتوكه
والله يسعدكم ياااااااااااااااارب ويهديهم لنا
اميييييييييييين

[شوشو فانى]

ياجماعة انا معاكم ان فترة الخطوبه حرام يتقال فيها كلام حب ومشاعر بس برضو الحب ليه تأثير على العلاقة فى الخطوبه يعنى ازاى احس انه بيحبنى لو مقليش انا بحبك وحاسيت انها طلعه من قلبه بجد وازى احس ان انا بو حشه وبيوحشنى لو مقلناش الكلام ده ازاااااااى
عارفين لما بيعدى يوم او اكتر من غير كلمة حب بحس بضيق وبملل وببقى مش طايقة اكلم مع اى حد وببقى عصبية جدا مش عارفة ليه كمان بحس بحاجة غريبة اوى انه خلاص انا كده حبدأ ماحبوش لانه مش بيصرحلى بكده بيبقى كله كلام عادى وملل طب فين احتياجى للكلمه الحلوه هى دى الى بيكون على اساسها الاستمرار فى الحياه انك تحسى ان فى حد دائما جمبك بتوحشيه وديما بيسأل عليكى انا بصراحه الراجل الغير رومانسى مش بطيقه وبيبقى دمه تيقل اوووووووووى على قلبى
انا مش عارفة ده صح ولا ايه ؟
ياريت تردو عليا
واسفه انى طولت عليكم

[جنه محمد محمود]

السلام عليكم
ارجو افادتى فى هذا الموضوع انا كنت مخطوبه ولم يحصل نصيب الى ابن عمى 6 سنوات وانفصلنا بسبب والده بعد مرور 6سنوات وتحدد ميعاد الزواج قرر عمى ان نعيش معه فى نفس البيت طبعا لا ينفع وبعد ذلك انفصلنا وبعد مرور سنه انا اتخذت قرر بتكميل دراستى فى الجامعه المفتوحه وقررت عدم الارتباط ثانى وبعد مرور 3 شهور من الدراسه جاء عريس اخر وقررت انى اسيب دراستى بس الخطيب الاخر منطوى ولا يتكلم كثير وانا عندى احساس انه مش بيحبنى مع انى مهتميه بى جدا بس انا مش على باله نهائيا مش بتكلم معايا خالص ودلوقتى والدته تعبت بمرض ربنا يشفيها الحاله اتدهورت بنا خالص وانا مش عارفه اكمل معه و لاانفصل عنه مش عارفه اعمل ايه لان عندى احساس وكل مقوله انت ارتبط بيه ليه يقولى معرفش يقولى عشان اهلك ناس كويسين اقول له انت بتحبنى يقولى مش عارف ولا يشركنى فى اى قرر ياخذه ابدا ولا ياخذ براى خالص ماذا افعل معه اكمل معه ولا انصرف عنه .
ارجوافادتى بيما فى الصالح

[مرموووره]

تقريبا الرجاله كلها كده
نفس المأساه
ونفس الطريقه
شويه رومنسي وحنين
وشويه يقول كلام ملوش داعي بطريقه ملهاش لازمه
ولو اعترضت او عاتبت ابقى بشتكي كتير
والدنيا مش كلها رومنسيه والكلام ده
منين بيحب ومنين بيقدر يقول كلام يجرح
هو مضايق ومخنوق من حاجه على عيني وراسي
بس مش ذنبي بقى ييجي يجرح فيا انا وفي الاخر يقول اصلي كنت مضايق ومخنوق

مخنوووووووقه
كفايه كلام كده قبل ما اعيط

[sadrose]

ازيك ياتوتة انا كمان مخطوبة وخطيبى مسافر ماانكرش انة لحد دلوقتى بيقولى كلام حلو بس انا حاسة انة من يوم ماسافر الغربة اثرت فية شوية بس اقولك عن تجربة والحمد للة ماشية فيها لحد دلوقتى خليكى تقيلة ماتجريش علية انتى وتقعدى تستنية لا خلية هو اللى يدور عليكى ويحس ان اليوم اللى ماكلمتهوش فية مش حلو الرجالة عايزين اللى تتقل عليهم وتطلع عينهم وربنا معانا

[crazy_tota]

وانا اللي ظلمت خطيبي وقلت علية اتغير معايا طلعوا كلهم كدة
شكل كل اللي اسمهم توتا بيحصلهم كدة ولا اية غالبا العيب في الاسم يا بنات
بس عارفين والله حكاية التقل دي بتجيب نتيجة هايلة انا كنت من 4 ايام حتشل من برودة وتطنيشة ليا يادوب هم يومين ولا كلمتة ولا رنة ولا رسالة ولا حاجة خالص وادية اهو بيتصل بيا علي طول
رجالة عاوزة ــــــــــــــــــــ
ولا بلاش

[zola002]

و الله لما قريت الموضوع و الردود حعيد نفس الكلام و أقول إنكم زي ما تكونوا تتكلمو عليا عندي نفس المشكلة خطيبي لما سافر كان بيكلمني دايما و لما أدخل النات بلاقيه يستنى فيا و يقولي لازم تسيبيلي رسالة كل يوم عشان لما يفتح المايل بتاعو يلاقي رسالتي و هي دي اللي تخليه يتحمل الغربة بس دي الوقت الوضع اختلف تماما ما يتكلمش و حاول اتقل بس ما اقدرش و لما اسألو إذا غير رأيو من جهتي يزعل و يقولي إني ما بثقش فيه و إنو هو عند كلمتو و لسا متمسك بيا و ساعات باسألو حا يعمل إيه لو قررت إني أنفصل عنو لأني مش متحملة بعدو عني تعرفو بيقولي إيه (أنا ضامنك)

[مريم المزيونه]

ميخالف اخت توته لازم يوم عسل يوم بصل حتى تحسين بالاشتياق له اذا كل يوم يكلمج بحب واحساس حلو تصير المساله عاديه يعني يبرد الحب بينما اذا اتاخر عليج او مكلمج راح يزيد الشوق والحب بيناتكم,ولازم تعذري يجوز ملتهي بشغل يفيد مستقبلكم وذا كان موجود عل المسنجر ومدخل كلمج ادخلي انت وسلمي عليه وقوليله اسفه اذا قاطعتك عن شغلك بس حبيت اسلم على حياتي ومن تفرغ كلمني مع السلامه

[ام عزالدين]

انا بقي تعبت لان ده زاد عن حده
والغربه ومشاكلها والظروف اللي مفروض علينا استحمالها
كتير عليا
وخاصة اني حاسه انه مش حاسس بمعاناتي
ومش عارفه اعمل ايه معاه
بحبه وبموت فيه وعارفه ان هو كمان بيحبني
بس وبعدين مش عارفه

[beeba]

انا بشكرك جدا على انك بدأتي بوضع مواضيع للمخطوبين.. لاني انا كمان مخطوبة وكنت عاوزة نصايح للتعامل مع خطيبي.... شكرااااااااااااااااااااااااااااااا جدااااااااااااا

[zola002]

و الله دي مشكلة فعلا
أنا قررت البارح إني أصارحو في النت و قالي إنو اختارني عشان أنا ذكية و لازم استعمل ذكائي . أنا جاوبتو بلي أنا امرأة اولا و أخيرا و عندي أشياء يخونني ذكاءي و أحتار . قالي اتحملي المسؤولية شويا شوفو هو يتكلم على حاجة وأنا على حاجة تانية هو بيفكر إني شاكة بإنو بيخوني و أنا أقولو إنك اتغيرت و في الآخر يقولي ما تخليش حتى حاجة في قلبك الراجل دة حا يجنني

[the moon light]

كل الرجاله كده عايزين اللى تتقل ومن الاخر تنفضلهم يجروا وراها بالمشوار انما كتر الاهتمام والحب والرومانسيه والكلام الحلو بيزهقوا بيحبوا قووووووى اللى تتطلع عينهم معلش يافتكوات بس نعمل ايه فى قلبنا الطيب الواحده تبقى قاعده هتتجنن على خطيبها لو غاب شويه عنها حنينين بطبعنا

[ساسو9]

انا برضو مخطوبة وخطيبى مسافر وشبة مابنتكلمش خالص وهو اللى بيكلمنى كل فين وفين بالظبط كل اسبوع مرة واحدة بس ويمكن كل 10 ايام وكلامنا عن شغلة او الحياة بس لكن نتكلم عن الحب مافيش خالص الا لما قلت مرة واحدة هتوحشنى وحسيت انة ملهوف اوى وردة كان جميل برضو ومن ساعتها المكالمة بنا مافيهاش اى حاجة كلام عن مشاكلة والشغل لما بصراحة زهقت جدا وبقيت اتعود وخلاص واكبر دماغى وطبعا لانى بحبة وانا عارفة انة بيحبنى فبسكت وطبعا اكيد كل بنت بتصبر تصبر لحد مايجى يوم توقف كل دة وتتكلم بقة على كل حاجة بس اكيد هيبقة بهدوء

[ام سيف ونور]

انت مش لازم تزعلى منه هو فى غربة والغربة كربه يا توتةيعنى ممكن يكون بيواجه صعوبات وضغوط ومش بيتكلم عنها عشان ميزعجكيش فاعذريه وخير الناس اعذرهم للناس ولا ايه يا توته وبتمنى لك التوفيق يا عسل