[مدام ساره]

السلام عليكم امبارح وانا بقرأ الجريده لقيت موضوع شدني وهو الزواج في بيت العيله طبعا كل شاب و فتاه يحلمون بالزواج وان يكون لهم بيت زوجيه مستقل عن بيت العيله او الاهل للتحرر و الاستقلال وحتي يستطيعا ممارسه حياتهما بطريقتهما الخاصه ودون اي تدخل من جانب الاسره ومنعا لحدوث اي تصادم بين الزوجات و الحماوات وهل يكون الزوج هو الضحيه؟؟؟؟؟؟؟؟ احب ان اعرف أرئكم في هذا الموضوع.. علي فكره انا واحده بعاني من هذا الموضوع...

اذا اعجبك الموضوع و اردت نشره في المنتديات الاخرى فاستخدمي هذا الرابط:
الزواج في بيت العيله مشاكل بلا نهايه؟؟؟؟
http://forums.fatakat.com/thread28024

[الزوجة الاولى]

هو فعلا الزواج الايام دى مشكله بسبب السكن بس انا مش مع الزواج فى بيت العيلة
هتحصل مشاكل كتير جدا حتى لو الزوجه والحماه كويسين لازم يكون فى برده مشاكل عن تجربه من ناس قريبى كانت ساكنه مع حماتها وكانت مشاكل ايه
اول لما بعدت واخدت سكن لوحدها باقت كويسة وعلى طول عند حماتها

[مدام ساره]

قد كده الموضوع مش مهم ومحدش اهتم بيه غير الزوجه الاولي علي العموم انا وحده من الي بيعانه من المشكله ديه واحب اعرف أرئكم ومشكوره للزوجه الاولي علي المرور

[نادو]

ازى مش مهم ياقمر دة مهم اوى كمان صعب اوى بجد الموضوع دة وبالذات اليومين دول بس هنرجع ونقول الشباب هيجيبوا منين ثمن للشقة وبعدين الاصعب بقى لو قاعدة وسط حماتك بقى وهييا ايى ناار كدة وغيرة بقى منك وكدة وهتبقى مش واخدة راحتك يعنى فى اللبس فى كلاامك مع جوزك هزار دلع كدة بقى وكمان الاخوات لو عندة بنات مش لسة اتجوزوا هيبقى نفس الكلاام وهتبقى مشاكل مشاكل
دة غير انك هتصحى من بدرى مش زى ما طبعا هتكونى فى بيتك تصحى الضهر تصحى العصر المهم انو يرجع يلااقيكى موضبة الغدا وموضبة نفسك لكن معاهم هتبقى لازم تصحى من بدرى عشان تشوفى طلبات ماما اللى هييا حماتك ...دة طبعاغير ان اهلك مش هيعرفوا ييجوا يزوروكى براحتهم هتبقى الزيارات محدودة ومش فى وقت
أنا رايي انو صعب الموضوع دة اليومين دول جدا والاحسن ان كل شاب يحاول بقدر الامكان انو يلااقى شقة مستقلة بنفسة بس لو اضطر يركب بقى الصعب وعلى البنوتة العروسة تستحمل .اسفة انى طولت .موضوع بجد رائع ومهم وفى دماغى بقالوا فترة ميرسى ليكى ياقمر

[اسماء اسامه]

مش انتى وحدك اللى بتعانى من الموضوع ده انا كمان زيك ويعلم ربنا اد ايه علاقتى بحماتى وحماى واخوات زوجى وكلهم شباب ممتازة جدا لكنننننننننننننننننننن تخيلى لو الوقت اللى بتقضيه مع حماتك والمجهود اللى بتبذليه كان لأسرتك الصغيرة فقط صدقينى كان فيه اوقات كتيره اهمل فى نفسى وزوجى علشان ارضى حماتى يعنى ببدى احتياجات حماتى عن احتياجتى فكنت بين نارين عاوزه اكون فى عين زوجى احسن ست فى الدنيا وف نفس الوقت تكون حماتى راضيه عنى اوقات كتيرة كنت بحس بضغط هائل على اعصابى خصوصا لو زوجى ابدى اى نقد لأهمالى له او لنفسى وشقتنا وعلى فكرة انا قاعده فى شقة مستقلة ولكن داخل بيت اسرة زوجى ولكن رغم ذلك فكل حياتنا مع الاسرة الكبيرة يعنى شقتك للنوم والراحة فقط ورغم كده عمرى ما ابديت الرغبة فى الأستقلال علشان خايفة على شعور حماتى اللى بحبها جدا ....اسفة للأطالة..... عرفتى انهو احسن

[مدام ساره]

ده لو كانت حماتك بتحبك طيب تعملي ايه في الحماه الي مش بتحب مرات ابنها وبتقوله انا مش بحبك ولا بحب ولادك وديما توقع بنها وبن جوزها تعمل ايه قولوا أرئكم

[اسماء اسامه]

من وجهة نظرى تعمليها احسن معاملة وتلطفيها وتحاولي تقربيها منك على اد متقدرى وياريت لو تقوللها يا ماما بلاش طنط حتى لو مقبلتش منك ده فصدقينى ربنا هيعوضك فى حاجات تانية كتير واعرفى يا حبيبتى ان اللى هتعمليها بيه دلوقتى هتعمللك بيه مرات ابنك ان شاء الله فأخلصى النيه لله انك بتحولى ترضى ربنا ونصيحة عليكى بالدعااااااااااااااااااء ولو جات فرصة للأستقلال اسمكى فيها ومتفوتيهاش وعليكى بهدوء الأعصاب حتى لو عملت مشكلة بينكم حاولى تحليها بينك وبين زوجك بهدوء وحكمة ومن غير ماحد يحس وخصو صا حماتك ويارب يارب يهديها ويحببها فيكى

[نادو]

يالهوى ياسارة وقاعدين معاها ؟؟؟؟؟

[مدام ساره]

بجد انا مش عرفه اقولك ايه انا استخدمت معها كل الطرق مش نافع قولت ماما وعملت معها كل حاجه مفيش فيده اعمل ايه انا تعبت لدرجه اني ساعات بدعي عليها من الي عملته فيه

[temoon.pompa]

حبيبت قلبى ساسو انا مش عارفه الاقيكى خالص .............
انتى فين محتاجالك اووووووووى ياساره وعايزه اكلم معاكى كتيييييييييييييييييييييير

[umaesha]

كان الله فى العون ربنا يهديكم لبعض
بس زوجك ايه موقفه ما بيحاولش يصلح ولا يستقل
قيمى الليل وصومى واجعلى دعوتك عند الافطارادعى ربنا يفرج همك ويصلح حالك ويرزقك بشقة مستقل وان يصلح بينك وبين حماتك
امين

[ام رحاب]

الله يكون فى عونك هو فعلا الجلوس فى بيت العيلة مشاكل
بس ساعات الواحد متار على ذلك وربنا يهدى الجميع

[الحب الاول]

ربنا يهديهاك يا ساسو بس بردو خليكى انتى احسن منها والله زوجك حيفتكرلك كل دة وغلوتك وحبك حيزيدوا فى قلبة خاصة اما يكون شايف اللى بيتعمل فيكى ومع ذلك انتى كويسة معاها .انا على فكرة لا متجوزة ولا مخطوبة بس فعلا انا عن نفسى ما وفقش اعيش مع زوجى انشاء الله فى بيت عيلة مهما كانوا كويسين عارفة المثل اللى بيقول البعيد حبيب وانتى بعيدة عنهم حيحبوكى والله اكتر لان مش حتشوفوا بعض كتير زى ما تبقوا فى بيت واحد ومش حيدخلو فى حياتك وربنا يهدى ياقمر

[ام رقية 2008]

انا رفضت كذا عريس للسبب ده قبل جوزي ولما اتجوزت ابو رقيه في شقه مستقله كانت حماتي عيزه تعزل لضيق شقتها ولما عرفت ان في فالعمارهشقه في الدورالي فوقشقتي هلتلهم عليها بحب وخدوها بس كانت خلاص اتعودت ان انا مستقله وهي كمان انا بطلع زياره وفي ايام مبقدرش اطلع وبصراحه لما قلتلهم علي الشقه حمايا قدر موقفي وقالي اننا هنكون زي ما كنا بعاد كل واحد مستقل في اكله وشرب بس برضه ده ميمنعش من العزومات علي فترات متباعده وربنا يهدي النفوس
بس انا شيفه ان الزوج له دور كبير في تهدئة النفوس والدفاع عن الزوجه من الخدمه في الشقتين حتي ولو عشان يلاقي حقوقه كزوج

[مدام ساره]

فعلا والله يا ام رقيه اللاك علي الزوج بس تعملي ايه لما تكون حماتك هيه الكل في الكل حتي كلمتها تمشي علي جوزها قولي بجد تعملي ايه

[ام رقية 2008]

مش غرفه بس اكيد كان باين قبل الجواز كنت فشكلتها من الاول
مدام ساره بتوتك زي العسل ربنا يبارك

[ست بيت جديدة]

انا اول تسع شهور زواج كانت بالعيلة هم كانو كويسين معايا بس انا كنت مدايقة كتير كنت هتطلع روحي ما في حرية اطلاقا ولا حتى تعرفي تحلي مشاكلك او خلافاتك مع زوجك قدام اهلو طبعا يعني اشي بيقرف الحمد لله انا اخلصت